फिलिप्पि 4:1 - धिमाल

¹ इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

Dhimal NT

¹ ओदोङ भाअ्सिङ काङको खान्धुराइ ओनेगेलाइ, का नेलाइहेङ हेन्जा मायारु पाङका कालाउ नेलाइहेङ भेतिलि चाहिखा। नेलाइ काङको आनन्द कालाउ हाउसा दोङ, काङको आनाउगेलाइ, काङको दोअ्का आन्सार लागातार प्रभुता भरोसा ताअ्काताङ वाको आग्या केम्सु।

फिलिप्पि 4:1 Cross References

मत्‍ति 10:22

कासेहेङ पिताइनाङ झाराङसो नेलाइ हेला जेङस्‍वाना। कालाउ बुङ जाइ न्‍हुअ्‌थिकापा खान्‍धुरता आरितेङ हिखे, इङको सिन्‍हुतावा।

युहन्‍ना 8:31

इसु ताइमिर्‍हुता खान्‍धुर पाका यहुदिगेलाइहेङ दोअ्‌हि, “नेलाइ काङको कथनता हिसुन्‍हा पानु नेलाइ जातिङकोङ काङको चात्‍या एइ।

साल्न्हाका चात्या 11:23

इङको इन्‍ता लोतेङ परमेस्‍वरको निगाहा तिङतेङ लेङचाहि रो एम्‍बालाइ झाराङहेङ पुराङ कोन्‍धाङसो प्रभुता खान्‍धुरि हितेङहिलि हाउसाला पिहि।

साल्न्हाका चात्या 14:22

एम्‍बालाइ चात्‍यागेलाइको आत्‍माहेङ बोल्‍याका बान्‍हाइतेङ ओबालाइहेङ खान्‍धुरता हितेङहिलि आर्ति पिहि। हेन्‍जाङ पिर सहितेङ केलाइ परमेस्‍वरको सारभिता दुल्‍लि गोयाङ दोअ्‌तेङ ओबालाइहेङ दोअ्‌हि।

साल्न्हाका चात्या 2:42

एम्‍बालाइ साल्‍तेङ दिङगिल्‍कालाइको बिद्‍या, सङगति, तोले पेङलि रो पुकारता ए मन जेङतेङ लागितेङहिघाखे।

1 कोरिन्थि 15:58

इदोइखातिर काङको मोन्‍दाताका दादाओने बाइओनेगेलाइ, थिर जेङतेङ प्रभुको कामता दिनाङ बार्‍हेतेङहानेसु। हाइपानु नेलाइ गेसुखेना, प्रभुता नेलाइको मिनेत एन्‍साङ माहानाङ।

1 कोरिन्थि 16:13

हुसपातेङ हिसु, खान्‍धुरता लागेतेङ हिसु। मन बोल्‍याका बान्‍हाइसु रो खान्‍धुरता बोल्‍याका जेङसु।

गलाति 5:1

ख्रिस्‍ट केलाइहेङ फुका जेङलिको भाअ्‌सिङ छुटकारा पिका हि। इदोइखातिर नेलाइ बोल्‍याका जेङतेङ जाअ्‌सु रो आरोङ बान्‍धाइको जुङगेलेता मानारेन्‍हासु।

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

फिलिप्पि 1:8

का नेलाइहेङ दुसुलि इस्‍तुङ लाल्‍सा पाखा दोअ्‌का काथा परमेस्‍वर दोङ गिखे। हाइदोनु ख्रिस्‍ट इसु नेलाइहेङ जेसापा माया पाहि का बुङ नेलाइहेङ माया पाखा।

फिलिप्पि 2:16

नेलाइ ज्‍यान पिका रेम्‍काबानालहेङ थिर जेङतेङ खान्‍धुर पासु। एसा पासुन्‍हा पानु काङको धाअ्‌का रो मिनेत एन्‍साङ बिथाको माजेङहि दोअ्‌तेङ ख्रिस्‍ट लोलाउ का तुजुक पाका माउका निनाङका।

फिलिप्पि 2:26

नेलाइ झाराङहेङ दुसुलि वाको बुङ बाराका लाल्‍सा हि। जेलाउ नेलाइ वा बिमार हि दोअ्‍का हिङसुन्‍हा आङ कोलाउ वा हेन्‍जाङ सुरता पातेङ हि।

कलस्सि 4:12

नेलाइकोङ एमि ओने, ख्रिस्‍ट इसुको चाकर इपाफ्रास बुङ नेलाइहेङ सेउपाका पिगिल्‍का हि। नेलाइ हाङसाता बोल्‍याका जेङतेङ थिर जेङसु रो परमेस्‍वरको भोका गोताङ काथा पाक्‍का ग्‍याको दोअ्‌तेङ वा दिनाङ पुकार पाखे।

1 थेस्लोनिकि 3:13

एसापा वाको झाराङ पुनित जनगेलाइदोफा केलाइको प्रभु इसु ख्रिस्‍ट आरोङ लोलाउ वा केलाइको परमेस्‍वर आबाको आगाता नेलाइको कोन्‍धाङहेङ पुनित रो दुसमान्‍थुका बान्‍हाइयाको।

2 थेस्लोनिकि 2:15

इदोइभाअ्‌सिङ दादाओने बाइओनेगेलाइ, नेलाइ खान्‍धुरता बोल्‍याका जेङतेङ हिसु रो केलाइको दोअ्‌का माकोनु लेखेका बिद्‌या सत हि दोअ्‌तेङ खान्‍धुर पातेङ हिसु।

2 तिमोथि 2:1

काङको चान तिमोथि, नाचाहिँ ख्रिस्‍ट इसुको पिका निगाहाहोइ बोल्‍याका जेङ।

२ पत्‍रुस 3:17

मोन्‍दाताकालाइ, लाम्‍फासोङ इदोइ काथा गेतेङ हुसपातेङ हिसु। आसाति द्‍याङगेलाइको माजेङका काथाता आवाइतेङ ताइको धिरता माराम्‍पासु।