फिलिप्पि 3:20 - धिमाल

²⁰ कालाउ केलाइ सादेलता हिका द्‌याङगेलाइ एइ। केलाइको प्रभु इसु ख्रिस्‍ट सादेलसो ल्‍वावा दोअ्‌तेङ वाको दामा खाङतेङ हिन्‍हाहि। वा दोङ केलाइहेङ छुटकारा प्‍यावा।

Dhimal NT

²⁰ कालाउ केलाइ स्वर्गको बासिन्दा दोङ, इन्तासो आरोङ लोका केलाइको मुक्ति दाता माकुनु प्रभु येसु ख्रिस्टहेङ ह्रुम्तेङ हिनाखे।

फिलिप्पि 3:20 Cross References

मत्‍ति 19:21

इसु वासेहेङ दोअ्‌हि, “ना जातिङको रेम्‍का जेङलि भोखेना पानु हानितेङ नाङकोदोसा हिका गोताङ पिअ्‌तेङ मान्‍थुकालाइहेङ पि। ना सादेलता टाका काउरि निनाना, कालाउ लोतेङ कासेहेङ पिताइ।”

लुका 12:21

कालाउ इसु इदोइ तुलना दोपातेङ दोअ्‌हि, “ताइको भाअ्‌सिङ टाका काउरि जोम्‍पातेङ ताअ्‌का द्‌याङको गति इसिका दोङ ज्‍यावा। परमेस्‍वर इसिकालाइहेङ टाका काउरि हिका फोम मापाखे।”

लुका 14:14

कालाउ एन्‍सा पानु ना आसिस निनाना। हाइदोनु नासेहेङ पाला घुरिपालि ओबालाइ दोफा हाइदोङ मानथ्‍वावा। कालाउ परमेस्‍वरको हुकुम मानेका द्‌याङगेलाइ सिकासो सिन्‍हुलाउ परमेस्‍वर दोङ नासेहेङ इनाम प्‍यावा।”

साल्न्हाका चात्या 1:11

एम्‍बालाइ दोअ्‌हि, “ओइ गालिलको द्‍याङगेलाइ, नेलाइ हाइपालि जाअ्‌तेङ आदेलभारि खाङदोङसुखेना? इसु ते सादेलभारि हानेहोइ। वासेहेङ जेसापा नेलाइ एला हानेतेङहिका तिङसुन्‍हा, एन्‍सा दोङ वा आरोङ एनि घुरितेङ ल्‍वावा।”

1 कोरिन्थि 1:7

इदोइखातिर केलाइको प्रभु इसु ख्रिस्‍ट लोका दामा र्‍हुमलाउ नेलाइहेङ हिदिङ बरको हारजा माज्‍यावा।

1 कोरिन्थि 15:48

सुमिङको झाराङ द्‌याङगेलाइको जिउ सुमिङको भोनोसो बान्‍हाइका द्‌याङको जिउ भाइकाङ जेङखे। एन्‍साङ पातेङ सादेलता झाराङ द्‍याङगेलाइको जिउ सादेलसो लोका द्‌याङको जिउ भाइका दोङ जेङखे।

गलाति 4:26

कालाउ साराहेङ चाहिँ सादेलर्‍हुताको यरुसलेमदोफा दाजेलि द्‌वाङ। हाइदोनु इङको बान्‍धाइति माजेङसिङ फुका हि। कालाउ इङको दोङ केलाइ झाराङको आमाइ एइ।

फिलिप्पि 1:10

एन्‍सा जेङनु खिनिङ नेलाइ झाराङखान्‍तेङ रेम्‍का काथाहेङ खेङलि दोस्‍वाना। कालाउ ख्रिस्‍ट लोलाउ नेलाइ पुनित रो दुसमान्‍थुका जेङस्‍वाना।

फिलिप्पि 1:27

मुल काथाचाहिँ इदोङ दोङ एइ, ख्रिस्‍टको रेम्‍काबानालहेङ सोबाइका नेलाइको आनिबानि ज्‍याको। कालाउ का नेलाइहेङ दुसुलाउ बुङ, मादुसुलाउ बुङ नेलाइ एलोङदोङ बिचारहोइ थिर जेङतेङ एलोङदोङ लाल्‍साहोइ हेन्‍जाङ द्‌याङगेलाइ रेम्‍काबानालहेङ खान्‍धुर पाको दोअ्‌तेङ भेम्‍ति ह्‍याअ्‌पातेङ काम पादोङसुखेना दोअ्‌का का हिङलि निनाको।

कलस्सि 1:5

जेदोङचाहिँ नेलाइको भाअ्‌सिङ सादेलता ताअ्‌न्‍हाका इनामको आसको खातिर नेलाइ इसिका खान्‍धुर रो माया पाका हिसुन्‍हा। इदोइ आसको बारेता नेलाइ लामफासोङ सतको बचन रेम्‍काबानालता हिङका हिसुन्‍हा।

1 थेस्लोनिकि 1:10

कालाउ नेलाइ सादेलसो लोका परमेस्‍वरको चानको दामा खान्‍तेङ हिसुन्‍हा आङ दोअ्‌तेङ एम्‍बालाइ दोअ्‌हि। परमेस्‍वर ताइको चान इसुहेङ सिकासो सिन्‍हुपाहि रो वा दोङ केलाइहेङ परमेस्‍वरको लोलि तोम्‍का चेरसो सिन्‍हुपावा।

1 थेस्लोनिकि 4:16

हाइपानु प्रभु ताइमिङ हुकुमको गालाता, मुल सादेलचरको गाला रो परमेस्‍वरको धुतुरुको गालाता सादेलसो खुअ्‌तावा रो ख्रिस्‍टता सिकालाइचाहिँ लाम्‍फा सिन्‍हुतेङ ल्‍होकावा।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।

तितस 2:13

एसापा केलाइ सहसाम्‍पाको आस निङका दिना र्‍हुम्‍तेङ हिन्‍हाहि। इङको दिना केलाइको बाराका परमेस्‍वर रो छुटकारा पिका इसु ख्रिस्‍टको बाराका प्रताप तिङन्‍हावा।