फिलिप्पि 3:19 - धिमाल

¹⁹ आखिरता परमेस्‍वर एम्‍बालाइहेङ मुअ्‌पावा। हाइदोनु एम्‍बालाइ ख्रिस्‍टको इछा माको कालाउ ताइको जिउको इछागेलाइको चाकर पाखे। एम्‍बालाइ लेदेरलि गोइका काथागेलाइता तुजुक पाखे। एम्‍बालाइ परमेस्‍वरको काथाता माको कालाउ बुङ दुनियाको काथाता लागेका हिखे।

Dhimal NT

¹⁹ बिनास इम्बालाइको आन्त्य हि, इम्बालाइ ताइको जिउको इच्छा पुरा पालि खिनिङ जियाइखे, इम्बालाइ ताइको लेदेरका को कामता हाउसा पाखे, कालाउ इम्बालाइ लागातार सुमिङको काथागेलाइको बारेता सोचिखे।

फिलिप्पि 3:19 Cross References

मत्‍ति 16:23

कालाउ बुङ इसु पत्‍रुसभारि घुरितेङ दोअ्‌हि, “ओइ दियाबलस, काङको आगासो हाने, ना काङको भाअ्‌सिङ छेकाभाजि हिन्‍हा। हाइदोनु ना परमेस्‍वरको काथागेलाइता माको, कालाउ बुङ द्‍याङगेलाइको काथागेलाइता मन लागाइखेना।”

मत्‍ति 25:41

“इङकोन्‍हुअ्‌सो वा केपाहाको द्‍याङगेलाइहेङ दोअ्‍तावा, ‘साराप निङचाका द्‍याङगेलाइ, कासो दुरे जेङसु। दियाबलस रो इङकोको काम पाकालाइको भाअ्‌सिङ त्‍यार पाका हेअ्‌लाउ मासिका मेता हानेसु।

लुका 12:19

इङकोन्‍हुअ्‌सो वा ताइमिहेङ दोअ्‌तावा, ‘का हेथे भाग्‍यमानि हिघा! काङकोदोफा बाअ्‌सार बाअ्‌सार थिकापा थेम्‍का उब्‍जनि हि। कालाउ चाङका, आमाङका रो सुखता ह्‍याङका।’

लुका 16:19

इसु आरोङ दोअ्‌हि, “ए पहरता एमि गिह्रि द्‌याङ हिघाहि। वा जेलाउ बुङ जाङका मलमलको धाबा लागाइतेङ मोज माजा पातेङ ज्‍यान दोपाघाहि।

लुका 18:4

हेन्‍जा दिना थिकापा वा रान्‍दिको काथाङ माहिम्‍पिहि। कालाउ न्‍हुअ्‌सो वा मन मनता फोमपाहि, ‘का परमेस्‍वरहेङ बुङ माथिका रो द्‌याङगेलाइहेङ बुङ वास्‍ताङ मापाखा!

1 कोरिन्थि 3:3

एला बुङ नेलाइ ताइकोङ मनको लाल्‍सागेलाइ पोङघा पालि भाअ्‌सिङ खिनिङ लागितेङ हिसुन्‍हा। कालाउ नेलाइको माझाता एला बुङ दाहा रो चेरसुका हिदोङ हि। हाइ एन्‍सा जेङनु नेलाइ ताइको मनको लाल्‍सा आन्‍सार चलेका दुनियाको बो द्‍याङगेलाइ भाइपाङ माजेङसुन्‍हा कुनु?

1 कोरिन्थि 5:2

एला हेसापा नेलाइ तुजुक पास्‍वाना? भुरुङ उल्‍ताङ सुरता पासु रो इसिका काम पाका द्‌याङहेङ नेलाइको माझासो ओल्‍हेपागिल्‍सु।

1 कोरिन्थि 5:6

नेलाइको पाका तुजुक मुनासिप मान्‍थु। मोअ्‌का तोलेता आतुइसा खिनिङ साउरि मिसालाइलाउ गोताङ तोले दोङ साउरि जेङखे दोअ्‌का काथा नेलाइ दोङ गेसुखेना।

गलाति 6:13

जाइ खाताना पालि गोयाङ दोअ्‌खे, एम्‍बालाइ ताइमिङ नियम मासाअ्‌खे रो नेलाइहेङ चाहिँ खाताना पापालि भोखे। कालाउ एम्‍बालाइ ताइको लाल्‍सा पोङघा पापालि दो:नु एम्‍बालाइ ताइमिता तुजुक पाखे।

फिलिप्पि 2:21

बोगेलाइ ते झाराङ ताइकोङ सुरता खिनिङ हिखे। कालाउ इसु ख्रिस्‍टको बारेता एम्‍बालाइहेङ हाइदोङ मतलब मान्‍थु

कलस्सि 3:2

सुमिङता हिका काथागेलाइता माको कालाउ सादेलको काथाता ताइको मन लागाइसु।

2 थेस्लोनिकि 1:9

एम्‍बालाइ हेअ्‌लाउ मादोका मुअ्‌काको दार निनावा, कालाउ प्रभुको आगासो रो वाको सरबङहिका प्रतापसो खेङन्‍हावा।

2 थेस्लोनिकि 2:12

हाइदोनु एम्‍बालाइ सतहेङ खान्‍धुर मापासिङ आसाति काम पालि मोन्‍दाताकालाइ एम्‍बालाइहेङ दार पिलिको भाअ्‌सिङ दोङ परमेस्‍वर एसा पाका।

2 थेस्लोनिकि 2:8

इङकोन्‍हुअ्‌सो नियम मामानेका देखाल ज्‍यावा, प्रभु इसु ख्रिस्‍टको नुइको हुसिहोइ रो वा लोलाउ ताइको जोल्‍का सरबङहोइ इङकोहेङ मुअ्‌पावा।

1तिमोथि 6:5

इसिका द्‍याङगेलाइ ते एकोर्‍ह्‍या जेङतेङ गनगन खिनिङ पातेङहिखे रो इन्‍सिकालाइको आकिल दोङ बिगिरका हिखे। एम्‍बालाइ सत दोङ राम्‍पाका हिखे रो परमेस्‍वरको बारेता बिद्‌या पिलिचाहि ताका कामाइका रेम्‍का दामा दोअ्‌तेङ एम्‍बालाइ फोमपाखे।

2 तिमोथि 3:4

एम्‍बालाइ बोमिहेङ छल पातेङ, मनमानि पातेङ तुजुकहोइ फुलितेङ हिगिलावा रो परमेस्‍वरहेङ माया पाका खान्‍तेङ भुरुङ मोजमजा दोङ मोन्‍दा ताकावा।

याकुब 4:16

कालाउ नेलाइ तुजुक पातेङ धामास लागाइसुखेना। एसापा तुजुक पातेङ धामास लागाइलि रेम्‍का माको।

२ पत्‍रुस 2:1

लाम्‍फालाम्‍फा जेसापा इस्राएलिगेलाइको माझाता असत आगाधुइकालाइ बुङ हिघाखे, एन्‍साङ पातेङ नेलाइको माझाता असत मास्‍टरगेलाइ जाअ्‌तावा। एम्‍बालाइ सिपापा मुअ्‌पाका असत बिद्‌यागेलाइ चुमावा रो ताइमिहेङ छुटकारा पिका प्रभुहेङ सुदाङ लाअ्‌वा। कालाउ ताइमिङर्‍हुता मारफाङ मुअ्‌का चुमावा।

२ पत्‍रुस 2:13

एम्‍बालाइ जेसापा बोमिहेङ तु: पिखे एम्‍बालाइ बुङ एन्‍साङ तु: निङचालि गोयावा। हाइपानु एम्‍बालाइ नितिमाङ ताइ जिउको लाल्‍सागेलाइ पोङघापालि भोखे। एम्‍बालाइदोफा चालिआम्‍लि योम्‍लि दोङ नेलाइको भाअ्‌सिङ लेदेरपाका रो बादनामको काथा एइ। एम्‍बालाइ दिनाङ छलछाम पालि मोन्‍दाताखे।

२ पत्‍रुस 2:3

लोभलालचता वालातेङ इङको असत मास्‍टरगेलाइ काथा बान्‍हाइतेङ दोङ नेलाइसो लाभ र्‍हुकावा। कालाउ एम्‍बालाइको दारको काथाता लाम्‍फा दोङ निया जेङलिदोका हि रो जातिङकोङ एम्‍बालाइ मुअ्‌तावा।