फिलिप्पि 3:17 - धिमाल

¹⁷ दादाओने बाइओनेगेलाइ, नेलाइ बुङ केलाइ भाइपाङ जेङसु। केलाइ नेलाइको भाअ्‌सिङ रेम्‍का नामुना जेङका हिन्‍हाहि। कालाइ नेलाइ बुङ इदोङ नामुनाआन्‍सार चलेकालाइहेङ पिताइसु।

Dhimal NT

¹⁷ खान्धुराइ ओनेगेलाइ, नेलाइ का बान्चेका कोनिङ नेलाइ बुङ बान्चिसु। केलाइ इम्बालाइको भाअ्सिङ रेम्का उधारन जेङका हिनाहि, ओदोङ भाअ्सिङ इदोङ दोङ उधारन आन्सार बान्चिकागेलाइहेङ दोङ नेलाइ पिताइसु।

फिलिप्पि 3:17 Cross References

1 कोरिन्थि 10:32

नेलाइ यहुदिगेलाइ, बोजात्‍यागेलाइ माकोनु परमेस्‍वरको मन्‍डलिको हासुको बुङ मन तु:पापिका काम मापासु।

1 कोरिन्थि 11:1

का ख्रिस्‍टको पाकाभाइपाङ पाखा, नेलाइ बुङ काङको पाकाभाइपाङ पासु।

1 कोरिन्थि 4:16

इदोइभाअ्‌सिङ नेलाइ ख्रिस्‍ट इसुको मिङता काङको पाका भाइपाङ पासु दोअ्‌तेङ का नेलाइहेङ पुकार पाखा।

फिलिप्पि 4:9

जेदोङ काथागेलाइ नेलाइ धिरसुन्‍हा रो र्‍हुसुन्‍हा, जेदोङ काथागेलाइ नेलाइ हिङसुन्‍हा रो काङको पाका तिङसुन्‍हा, इङकोङ कामगेलाइ नेलाइ पासु। कालाउ बेराजा पिका परमेस्‍वर नेलाइदोफा हितेङह्‍यावा।

1 थेस्लोनिकि 1:6

नेलाइ केलाइभाइपाङ कालाउ प्रभु भाइपाङ चलितेङ तु:ता बुङ पुनित हाङसासो लेङचातेङ रेम्‍का बानालहेङ पिताइसुन्‍हा।

2 थेस्लोनिकि 3:14

नेलाइता हासुङ केलाइ इदोइ चिथिता लेखेका बिद्‍यागेलाइ मासाअ्‌खे पानु, इन्‍सिकालाइहेङ रेसेतेङ इन्‍सिकालाइदोफा सङगत दोङ मापासु। एदि नेलाइ एन्‍सा पासुन्‍हा पानु इन्‍सिकालाइ तामिङ लेदेरावा।

2 थेस्लोनिकि 3:7

हाइपानु नेलाइदोफा हिलाउ केलाइ कुर्‍ह्‍या लुतेङ माहिन्‍हाहि। केलाइ पाकाभाइपाङ पालिगोयाङ दोअ्‍का काथा ते नेलाइ ताइमिङ गेसुखेना।

2 थेस्लोनिकि 3:9

नेलाइ दोङ केलाइको खारचा बारचा बेहोरेलि गोइस्‍वाना दोअ्‌का हक मान्‍थुतेङ माको, कालाउ केलाइको बेभार नेलाइको भाअ्‌सिङ एलोङ उपमा ज्‍याको दोअ्‌तेङ केलाइ एन्‍सा पान्‍हाहि।

1तिमोथि 4:12

ना धाना हिन्‍हा दोअ्तेङ हासुङ बुङ नासेहेङ हेपेलि माद्‌वाको। कालाउ खान्‍धुरिगेलाइको माझाता नाङको धुइकाकथन, चालचलन, दाया, खान्‍धुर रो पुनित जेङका काथाता ना एअ्‌ नामुना जेङलि दो।

1पतरुस 5:3

नेलाइको जिमाता हिकालाइर्‍हुता हाइकम चालाइतेङ माको, कालाउ एम्‍बालाइको भाअ्‌सिङ उपमा जेङसु।