फिलिप्पि 3:15 - धिमाल

¹⁵ केलाइ खान्‍धुरता बोल्‍याका जेङकालाइचाहिँ झाराङ ए मनको ज्‍याइने। एदि नेलाइ हिहिङ काथाता बिमति ताअ्‌सुखेना पानु परमेस्‍वर दोङ नेलाइहेङ इङको बुङ देखाल पाप्‍यावा।

Dhimal NT

¹⁵ केलाइ जाइ आत्माता परिपक्का जेङका हिनाहि, कालाउ नेलाइ झाराङ बुङ एनोङ दोङ मनको जेङतेङ हिसु, कालाउ नेलाइ हिदोइ बुङ आरु बिचारता हिसुना पानु परमेस्वर नेलाइहेङ इङको बुङ झालाफालापा पाप्याङ।

फिलिप्पि 3:15 Cross References

मत्‍ति 5:48

इदोइखातिर सादेलता हिका नेलाइको परमेस्‍वर आबा गोताङ काथाता रेम्‍का हिकाभाइपाङ नेलाइ बुङ गोताङ काथाता रेम्‍का जेङसु।”

लुका 11:13

नेलाइ कुकरमि हिलाउ बुङ ताइको चान चामिन्‍दिहेङ रेम्‍का सामान पिलि गेसुन्‍हा पानु सादेलता हिका आबा र्‍हेकालाइहेङ झन हेन्‍जा पुनित हाङसा माप्‍यावा कुनु?”

युहन्‍ना 6:45

‘कालाउ इङको झाराङ परमेस्‍वरसो धिरपान्‍हावा’ दोअ्‌तेङ आगाधुइकाको किताबता लेखेन्‍हाका हि। झाराङ जाइ आबासो हिङखे रो धिर्खे इङको काता लावा।

युहन्‍ना 7:17

एदि हिदिङ द्‍याङ परमेस्‍वरको लाल्‍सा साअ्‌लि खाङखे पानु, काङको धिरपाका बिद्‌या परमेस्‍वरपाहासो लोका एइ बे काङको ताइकोङ पाहासो लोका एइ इङको वा ग्‍यावा।

1 कोरिन्थि 14:20

दादाओने बाइओनेगेलाइ, नेलाइ फोमपालाउ जामालभाइपा माजेङसु। मारेम्‍का काथागेलाइता जामालभाइपाङ मागेका जेङसु। कालाउ फोमपालाउ पुर्‍हिका जेङसु।

1 कोरिन्थि 2:6

कौलाउबुङ खान्‍धुरता पुर्‍हिकालाइदोफा केलाइ आकिलको काथा पान्‍हाखे, कालाउ इङको आकिल इदोइ जुकको माको। इदोइ जुकता राज पाकालाइको आकिल बुङ माको। इदोइ राज पाकालाइ ते जोकसोङ सितेङ हानावा।

गलाति 5:10

का प्रभुता खान्‍धुर पाखा, नेलाइ काङको माकोसिङ भेनेङ बिचार मार्‍हुस्‍वाना। नेलाइहेङ तु: पिका हासुङ हिलाउ बुङ परमेस्‍वर ताइमिङ इङकोहेङ दार प्‍यावा।

कलस्सि 1:28

इदोइखातिर केलाइ झाराङ द्‍याङगेलाइहेङ ख्रिस्‍टको बारेता हिङपान्‍हाखे। कालाउ झाराङहेङ ख्रिस्‍टता बोल्‍याका बान्‍हाइतेङ परमेस्‍वरकोता थुकापालि केलाइ गोताङ आकिल बुदिहोइ झाराङ द्‍याङगेलाइहेङ चेतानि पितेङ धिरपान्‍हाखे।

कलस्सि 4:12

नेलाइकोङ एमि ओने, ख्रिस्‍ट इसुको चाकर इपाफ्रास बुङ नेलाइहेङ सेउपाका पिगिल्‍का हि। नेलाइ हाङसाता बोल्‍याका जेङतेङ थिर जेङसु रो परमेस्‍वरको भोका गोताङ काथा पाक्‍का ग्‍याको दोअ्‌तेङ वा दिनाङ पुकार पाखे।

1 थेस्लोनिकि 4:9

एला खान्‍धुरिगेलाइ ताताइमिता माया पाका बारेता हासुङ नेलाइहेङ हाइदोङ लेखेलि मागोयाङ। हाइपानु एमि भेनेङहेङ दाया पालि दोअ्‌का नेलाइ ताइमिङ बुङ परमेस्‍वरसो बिद्‍या निङका हिसुन्‍हा।

2 तिमोथि 3:17

परमेस्‍वरको द्‌याङगेलाइ गोताङ रेम्‍का कामगेलाइ पालि दोका ज्‍याको दोअ्‌तेङ दोङ धरमकिताब पिका।

१ युहन्‍ना 2:5

कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।