फिलिप्पि 3:13 - धिमाल

¹³ दादाओने बाइओनेगेलाइ, का इदोइ गोताङ थोक लाम्‍फा दोङ पोङघा पाहोइका दोअ्‌तेङ मादोअ्‌ताङका। कालाउ का दोका काथागेलाइ निलतेङ लाङ काथागेलाइ निङलि चेस्‍ता पाङका।

Dhimal NT

¹³ खान्धुराइ ओनेगेलाइ, का इङको गोताङ निङलि दोहोइका दोअ्तेङ का माथानिखा, कालाउ का एनोङ काम पाखा, कालाउकि लाम्फाको काथागेलाइ जेदोङ जेङका हिघाहि इङको निल्तेङ भबिस्यता हाइ जेनाङ इङको को भाअ्सिङ लागातार काडा परिस्रोम पादोङखा,

फिलिप्पि 3:13 Cross References

लुका 10:42

कालाउ गोइका थोक एलोङ खिनिङ हि; इङको दोङ मरियम साल्‍काहि। इङको वाकोसो माघिन्‍हावा।”

लुका 9:62

वासेहेङ इसु दोअ्‌हि, “हाले चोइलाउ न्‍हुअ्‌पाहा घुरितेङ खाङतेङहिका द्‍याङ सादेलको सारभिको सेवा पालिको भाअ्‌सिङ योग्‍यको माज्‍यावा।”

फिलिप्पि 2:12

इदोइखातिर काङको मोन्‍दाताका दादाओने बाइओनेगेलाइ का नेलाइदोफा हिलाउ नेलाइ दिनाङ काङको काथागेलाइ साअ्‌सुन्‍हा। झन का नेलाइसो दुरे हिलाउ बुङ नेलाइ काङको काथागेलाइ आरोङ हेन्‍जाङ साअ्‌लि गोइस्‍वाना। कालाउ नेलाइको निङका छुटकाराको काथा तिङपालि हेन्‍जा भेम्‍ति ह्‍याअ्‌पासु रो परमेस्‍वरहेङ मान पातेङ वाको थिकाता एसा पासु।

फिलिप्पि 3:12

का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

२ पत्‍रुस 3:8

मोन्‍दाताकालाइ, इदोइ एलोङ काथा मानिल्‍सु, प्रभुको भाअ्‌सिङ ए दिना हाजार बाअ्‌सारझोको रो हाजार बाअ्‌सार ए दिनाझोको ज्‍यावा।