फिलिप्पि 3:12 - धिमाल

¹² का धेयता लाम्‍फादोङ थुकातेङ पुरा जेङहोइका दोअ्‌तेङ दोअ्‌का माको। कालाउ का ख्रिस्‍ट इसु भाइपाङ जेङलि हेन्‍जाङ चेस्‍ता पादोङखा। हाइदोनु वा इदोङ कामको भाअ्‌सिङ दोङ कासेहेङ साल्‍हि।

Dhimal NT

¹² का इदोइ गोताङ लाम्फासोङ निङलि दोहोइका माकुनु लाम्फासो सिद्द जेङलि दोहोइका दोअ्तेङ ते माको, कालाउ इङको काथागेलाइहेङ निङलिको भाअ्सिङ का कोसिस दोफा आगा बाढेतेङ हिघा जेदोङ काथाको भाअ्सिङ येसु ख्रिस्ट कासेहेङ साल्का हि।

फिलिप्पि 3:12 Cross References

मत्‍ति 5:48

इदोइखातिर सादेलता हिका नेलाइको परमेस्‍वर आबा गोताङ काथाता रेम्‍का हिकाभाइपाङ नेलाइ बुङ गोताङ काथाता रेम्‍का जेङसु।”

साल्न्हाका चात्या 9:15

कुलाउ प्रभु वासेहेङ दोअ्‌हि, “हाने, हाइपानु बोजात्‍यागेलाइ, राजागेलाइ रो इस्राएलको खालको आगाता काङको मिङ पारचार पालि वा साल्‍का एइ।

1 कोरिन्थि 13:10

कालाउ जेलाउ ख्रिस्‍ट ल्‍वावा, कोलाउ भुझिलि मादोका गोताङ काथा ताइमिङ राम्‍तेङ हानावा।

1 कोरिन्थि 13:12

एला केलाइ ना:का आइनाता तिङका भाइपाङ तिङन्‍हाखे। कालाउ इङको पहरचाहिँ गोताङ थोक फाइसालामपा तिनाङ। एला का आतुइसा खिनिङ गेखा, कालाउ इङकोपहरचाहिँ परमेस्‍वर काङको बारेता गोताङ काथा गिकाभाइपाङ का बुङ गोताङ थोक ग्‍याङका।

1 कोरिन्थि 9:24

नेलाइ दोङ गेसुखेना, धाअ्‌नु ते झाराङ धाअ्‌खे, कालाउ इनाम निङका एमि खिनिङ हिखे। एन्‍साङ पातेङ नेलाइ बुङ इनाम निङलिको भाअ्‌सिङ धाअ्‌सु।

गलाति 5:17

हाइपानु केलाइको मारेम्‍का लाल्‍साको पालि खाङका काथा पुनित हाङसाको खिलापता रो पुनित हाङसाको पालि खाङका काथा केलाइको कुकरमि लाल्‍साको खिलापता हिखे। इदोइ न्‍हे सरबङ ए भेनेङको खिलापता ल्‍होखे। कालाउ केलाइको दुरजन बिचारहोइ पातेङ केलाइको पालि भोका रेम्‍का काम बुङ पालि मादोन्‍हाखे।

फिलिप्पि 1:1

ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

फिलिप्पि 3:16

जेदोङ जेङलाउ बुङ परमेस्‍वर केलाइहेङ लाम्‍फा जेदोङ देखालपाका हि इङकोता दोङ थिर जेङतेङ ह्‍याइने।

फिलिप्पि 3:3

कालाउ केलाइ जातिङकोङ खाताना पान्‍हाका हिन्‍हाहि। हाइदोनु केलाइ परमेस्‍वरहेङ पुनित हाङसासो पुजिन्‍हाखे। केलाइ हिदिङ द्‌याङगेलाइको चालचलनता माको, ख्रिस्‍ट इसुता भर पान्‍हाखे।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

1 थेस्लोनिकि 5:15

फोम पासु, हासुङ आखेकाको बादालाता आखेका मापाको, कालाउ एमि भेनेङ रो झाराङदोफा दिनाङ भालाइ पालि बल पासु।

2 थेस्लोनिकि 2:13

प्रभुको माया पाका दादाओने बाइओनेगेलाइ, नेलाइको भाअ्‌सिङ केलाइ परमेस्‍वरता दिनाङ च्‍याबास चार्‍हाइलिङ गोयाङ, हाइपानु लाम्‍फासो दोङ पुनित हाङसाको पुनित पाका कामसो रो सत बानालको खान्‍धुरसो छुटकाराको भाअ्‌सिङ परमेस्‍वर नेलाइहेङ साल्‍हि।

1तिमोथि 5:10

रेम्‍का काम पातेङ इङकोको मिङ चारचाराइका हिलि गोयाङ। इङको ताइको चान चामिन्‍दिगेलाइहेङ रेम्‍फा पातेङ हुर्किपाका रो बान्‍सालाइहेङ ताइको साअ्‌ता चुमातेङ बान्‍साबुझाइका हिलि गोयाङ। कालाउ इङको परमेस्‍वरको पुनित जनगेलाइको खोकोइ झातेङ चाकर पाका, तु:ता वाङकालाइहेङ साघाइका रो इसिकाङ रेम्‍का कामगेलाइ पाका हिलिगोयाङ।

1तिमोथि 6:19

एसापा एम्‍बालाइ न्‍हुअ्‌सो निङका ज्‍यानको भाअ्‌सिङ गोइका ताइकोङ भाअ्‌सिङ बोल्‍याका जग बान्‍हाइलि ताकाकाउरि जोम्‍पाको एसा पानु खिनिङ एम्‍बालाइ जातिङको ज्‍यान निङलि द्‍वावा।

याकुब 3:2

केलाइ झाराङ हेन्‍जा बिराम पान्‍हाखे। कालाउ जाइ ताइमि धुइलाउ बिराम मापाखे, इङको धरमाति द्‌याङ एइ। इन्‍सिका द्‌याङ दोङ ताइमिहेङ बसता ताअ्‌लि दोखे।

1पतरुस 5:10

हेन्‍जाङ निगाहा हिका परमेस्‍वर ख्रिस्‍टता ताइको असिम प्रतापको भाअ्‌सिङ नेलाइहेङ काइका हि। नेलाइ आतुइसा पहर तु: भोगेकान्‍हुअ्‌सो वा दोङ नेलाइहेङ आरोङ नावा बान्‍हाइतेङ अचल बान्‍हाइयावा रो सरबङहिका बान्‍हाइयावा।

२ पत्‍रुस 3:18

कालाउ केलाइको प्रभु रो छुटकारापिका इसु ख्रिस्‍टको निगाहा रो आकिलता बार्‍हेतेङ हानेसु। वासेहेङ एला रो दिनादिनाङ प्रताप ज्‍याको। आमेन।