फिलिप्पि 3:11 - धिमाल

¹¹ कालाउ जेसालाउ बुङ का ख्रिस्‍ट भाइपाङ सिकासो आरोङ सिन्‍हुलि द्‍वाको दोअ्‌तेङ आस पाखा।

Dhimal NT

¹¹ कालाउकि का बुङ सिकालाइसो आरोङ सिन्चाल्लि द्वाको।

फिलिप्पि 3:11 Cross References

लुका 14:14

कालाउ एन्‍सा पानु ना आसिस निनाना। हाइदोनु नासेहेङ पाला घुरिपालि ओबालाइ दोफा हाइदोङ मानथ्‍वावा। कालाउ परमेस्‍वरको हुकुम मानेका द्‌याङगेलाइ सिकासो सिन्‍हुलाउ परमेस्‍वर दोङ नासेहेङ इनाम प्‍यावा।”

युहन्‍ना 11:24

मार्था वासेहेङ दोअ्‌हि, “का गेखा, इङको आखिरको दिनाता सिकालाइ सिन्‍हुकाता आरोङ सिन्‍हुतेङ ल्‍होकावा।”

साल्न्हाका चात्या 23:6

बाराकचहरिता सदुकि रो फरिसि मन्‍डलिको द्‍याङगेलाइ योम्‍का हि दोअ्‌का काथा गेतेङ पावल बाराका गाला पातेङ दोअ्‌हि, “दादाओनेगेलाइ, का फरिसिको चान फरिसि दोङ हिघा। सिका द्‍याङ आरोङ सिन्‍हुताङ दोअ्‌का आस ताअ्‌नाङसिङ इता काङको मुद्‌दा चलिदोङखे।”

साल्न्हाका चात्या 26:7

राजा अग्रिपास, इङकोङ बाचा निङका आसता केलाइ यहुदिगेलाइको तेन्‍हे खालगेलाइ बुङ नितिमान्‍हिसिङता एमन जेङतेङ परमेस्‍वरहेङ पुजितेङ भक्‍ति पाखे। का बुङ इङको आस पानाङसिङ यहुदिगेलाइ कासेहेङ फतुर लागाइदोङखे।

साल्न्हाका चात्या 27:12

चुङदिङता हिलि इङको घाटे रेम्‍का बुङ मान्‍थुघाहि। एन्‍सा जेङलाउ हेन्‍जाङ द्‍याङगेलाइ चुङदिङता हिलि हिदि बुङ हालतसो इन्‍तासो हानेतेङ फोनिक्‍स पुरता थुकालि भोघाखे। फोनिक्‍सचाहिँ क्रेटको एलोङ घाटे हिघाहि। जाइ माहेँ दिहेँ रो दाहेँ दिहेँ घुरिका हि।

1 कोरिन्थि 15:23

कालाउ झाराङ ताताइको पालाआन्‍सार झाराङखान्‍तेङ लाम्‍फा ख्रिस्‍ट सिन्‍हुहि। कालाउ ख्रिस्‍ट आरोङ घुरितेङ लोलाउ वासेहेङ खान्‍धुर पातेङ सितेङ हानेकालाइ झाराङ एदोसाङ सिन्‍हुतेङ ल्‍होकावा।

1 कोरिन्थि 9:22

का निरधो द्‌याङगेलाइको माझाता काम पालाउ एम्‍बालाइ ख्रिस्‍टता खान्‍धुर पाको दोअ्‌तेङ का बुङ एम्‍बालाइ भाइपाङ निरधो जेङखा। एसापा झाराङ द्‌याङगेलाइ ख्रिस्‍ता नावा ज्‍यान निनाको दोअ्‌तेङ का द्‌याङगेलाइको आगाता गोताङ थोक जेङघा।

1 कोरिन्थि 9:27

इदोइखातिर काङको जिउहेङ दोका झोको सादाइखा। एसा मापाघा पानु ते का बो द्‌याङगेलाइहेङ रेम्‍काबानाल हिङपालाउ ताइमिचाहिँ बिथाको द्‌याङ ज्‍याङका।

1 थेस्लोनिकि 3:5

इदोइभाअ्‌सिङ का बो आरोङ हेन्‍जा सहेलि मादोनाङ नेलाइको खान्‍धुर गेलि तिमोथिहेङ दिङगिल्‍घा। हाइपानु फासेपाकालाइ नेलाइहेङ फासेपातेङ केलाइको काम बिगिरपाहि बे दोअ्‌तेङ का थिका हिघाखा।

2 थेस्लोनिकि 2:3

कालाउ हासुङ नेलाइहेङ हिदिङ खाल्‍सो छलपालि मानिनाको। हाइदोनु परमेस्‍वरको खिलापता बाराका हुलदाङगा माजेम्‍पाधाउ रो मुअ्‌लिगोइका नियम मासाअ्‌का द्‍याङ मालोपाधाउ प्रभुको इङको दिना माल्‍वावा।

2 तिमोथि 4:8

एला ते परमेस्‍वरको आगा उचित ठार्‍हाइन्‍हाका ताज खिनिङ निङलि दाइका हि। उचित निया पाका प्रभु दोङ कासेहेङ वा लोका दिना इङको सिरपेच बिङपाप्‍यावा। कासेहेङ खिनिङ माको, वाको दामा खाङका झोको झाराङहेङ दोङ इङको बिङपाप्‍यावा।