फिलिप्पि 3:10 - धिमाल

¹⁰ का ख्रिस्‍टहेङ नाल्‍लि रो वासेहेङ सिकासो आरोङ सिन्‍हुपाका सरबङहेङ गिलि भोखा। कालाउ वा तु: पिर भोगिका भाइपाङ का बुङ तु: पिर भोगितेङ वाको सिकाता वा भाइपाङ जेङलि भोखा।

Dhimal NT

¹⁰ का ख्रिस्टहेङ खिनिङ माको कालाउ परमेस्वर जाइ वासेहेङ सिकासो सिन्चाल पाहि वाको सरबुङहेङ गिलि भोखा। का येसुको कस्टको भागेदार जेङलि भोखा कालाउ वाको सिकाता वाको भाइपाङ भाइलि खाङखा।

फिलिप्पि 3:10 Cross References

मत्‍ति 20:23

इसु दोअ्‌हि, “काङको तु: ते नेलाइ सहिस्‍वाना, कालाउ बुङ काङको दाम्‍पाहा रो केपाहा योम्‍लि पिका काङको खुरता मान्‍थु। इदोइ थामे एम्‍बालाइको हि, जाइको भाअ्‌सिङ काङको आबा त्‍यार पालिदोका हि।”

युहन्‍ना 10:18

हासुङ कासो काङको बायु र्‍हुलि माद्‍वावा, कुलाउ का ताइकोङ लाल्‍साहोइ ताइको बायु चार्‍हाइखा। ताइको बायु चार्‍हाइका खाबरा कादोसा हि, कालाउ आरोङ र्‍हुका खाबारा बुङ कादोसा हि। इदोइ हुकुम का काङको आबासो निङका हिघा।”

युहन्‍ना 17:3

एला असिम ज्‍यान इदोइ एइ, एम्‍बालाइ ना एमिखिनिङ सत परमेस्‍वरहेङ नालाको रो नाङको दिङगिल्‍का इसु ख्रिस्‍टहेङ नालाको।

गलाति 2:20

का ख्रिस्‍टदोफाङ काङको ज्‍यानको पुरुना आनिबानि कुरुसताङ टाङगाइका हिघा। एलासो ओसो सिन्‍हुका का माको, कालाउ ख्रिस्‍ट काता सिन्‍हुतावा। जेदोङ ज्‍यान जिउता का एला सिन्‍हुताङका, इङको परमेस्‍वरको चानता खान्‍धुर पातेङ सिन्‍हुताङका। हाइपानु जाइ कासेहेङ माया पाहि रो काङको भाअ्‌सिङ ताइमिहेङ क्रुसता चार्‍हाइहि।

गलाति 6:17

एलासो ओसो हासुङ कासेहेङ तु: माप्‍याको। हाइदोनु काङको जिउता हिका पेचाराको दागागेलाइसो का इसुको बान्‍धाइ एइ दोअ्‌तेङ नाल्‍पाखे।

फिलिप्पि 3:8

इङको खिनिङ माको, इसु ख्रिस्‍ट काङको प्रभुहेङ रेम्‍फा नाल्‍लि निङलि दोङ बाराका काथा फोमपाखा रो बो गोताङ काथा बिथाको मानेखा। कालाउ वासेहेङ निङलिको भाअ्‌सिङ दोङ का गोताङ काथा लाअ्‌का हिघा। इदोइ गोताङ काथा धुलामुला भाइपाङ फोमपाका हिघा।

कलस्सि 1:24

इदोइ पहरता का नेलाइको भाअ्‌सिङ तु: भोगेलि गोइलाउ का लेङचाका हिघा। हाइदोनु ख्रिस्‍टको जिउको भाअ्‌सिङ माकोनु मन्‍डलिको भाअ्‌सिङ भोगेलि गोइका तु:गेलाइ का काङको जिउता भोगितेङ पोङघा पाङका।

कलस्सि 2:13

नेलाइ लाम्‍फा कुकरमि हिघासुन्‍हा रो इङकोङ कुकरमको खातिर नेलाइ हाङसाता सिका हिघासुन्‍हा। कालाउ एला परमेस्‍वर नेलाइको गोताङ कुकरमगेलाइहेङ माफ पापितेङ नेलाइहेङ ख्रिस्‍टदोफाङ सिन्‍हुपाका हि।

कलस्सि 3:1

इदोइखातिर नेलाइ बुङ ख्रिस्‍टदोफाङ सिन्‍हुतेङ ल्‍होका हिनु दिनाङ सादेलकोङ काथागेलाइ भोसु। जेता ख्रिस्‍ट परमेस्‍वरको दाम्‍पाहा योम्‍का हि।

1पतरुस 1:3

केलाइको प्रभु इसु ख्रिस्‍टको आबा परमेस्‍वरको बाखिन्‍का ज्‍याको। वा इसु ख्रिस्‍टहेङ सिकासो सिन्‍हुपातेङ परमेस्‍वरको हेन्‍जाङ दायाहोइ केलाइहेङ नावा जोलोम पिहि। इदोइखातिर केलाइको सिन्‍हुका आस इदोङ हि,

२ पत्‍रुस 1:13

का बान्‍चिपाधाउ नेलाइहेङ इदोइ काथागेलाइ फोम पापातेङ सजक पालि का मुनासिप चिताइखा।

१ युहन्‍ना 2:3

एदि केलाइ वाको हुकुमगेलाइ साअ्‌न्‍हाखे पानु पाकाङ केलाइ वासेहेङ नालन्‍हाखे दोअ्‌तेङ गेन्‍हाखे।

१ युहन्‍ना 2:5

कालाउ जाइ वाको कथन साअ्‌खे, इङको परमेस्‍वरहेङ जातिङकोङ माया पाखे। इदोङसो केलाइ परमेस्‍वरदोफा हिन्‍हाहि दोअ्‌तेङ गेन्‍हाङ।