फिलिप्पि 2:26 - धिमाल

²⁶ नेलाइ झाराङहेङ दुसुलि वाको बुङ बाराका लाल्‍सा हि। जेलाउ नेलाइ वा बिमार हि दोअ्‍का हिङसुन्‍हा आङ कोलाउ वा हेन्‍जाङ सुरता पातेङ हि।

Dhimal NT

²⁶ हाइपालिपानु वा नेलाइ झाराङहेङ भेतिलि बार्का इच्छा पातेङ हि। वा माअ्साधिका बानाल नेलाइ थाहा निङनाङ वा फिक्रि पातेङ हि।

फिलिप्पि 2:26 Cross References

मत्‍ति 11:28

“ओइ झाराङ माइका रो ल्‍हिकाहोइ एरेन्‍हाकागेलाइ काता लोसु, का नेलाइहेङ माइसा चापाङका।

मत्‍ति 26:37

कालाउ ताइमिदोफा पत्‍रुस रो जब्‍दियाको न्‍हेमि चानगेलाइहेङ चुमपुतेङ हानेहि रो वा हेन्‍जाङ सोकपातेङ ताइको मन तु:पालि तेङहि।

साल्न्हाका चात्या 21:13

कुलाउ पावल दोअ्‌हि, “नेलाइ हाइपालि खारतेङ काङको मन तु:पापिसुखेना? का यरुसलेमता धेउन्‍हालि खिनिङ माको, कुलाउ प्रभु इसुको भाअ्‌सिङ सिलि बुङ त्‍यार हिघा।”

1 कोरिन्थि 12:26

हाइपानु एलोङ आङहेङ तु:हि पानु गोताङ जिउहेङ तु:खे। एन्‍साङ पातेङ एलोङ आङ मान निङलाउ गोताङ जिउ दोङ मान निङखे।

गलाति 6:2

एमि भेनेङहेङ तु:ता साघाइसु। एसा पासुन्‍हा पानु नेलाइ ख्रिस्‍टको हुकुमहेङ पोङघा पास्‍वाना।

फिलिप्पि 1:3

जेलाउ का नेलाइहेङ फोमपाखा कोलाउ नेलाइको भाअ्‌सिङ का काङको परमेस्‍वरहेङ च्‍याबास चार्‍हाइखा।

फिलिप्पि 1:8

का नेलाइहेङ दुसुलि इस्‍तुङ लाल्‍सा पाखा दोअ्‌का काथा परमेस्‍वर दोङ गिखे। हाइदोनु ख्रिस्‍ट इसु नेलाइहेङ जेसापा माया पाहि का बुङ नेलाइहेङ माया पाखा।

फिलिप्पि 2:25

कालाउ बुङ एला केलाइको ओने इपाफ्रोडिटसहेङ नेलाइको हिका थामेता दिङगिल्‍लि गोयाङ दोअ्‍तेङ का बिचार पादोङखा। वा बुङ ख्रिस्‍टको मन्‍डलिता सिपाल्‍हाइ भाइपाङ तु: भोगितेङ कादोफा चाकर पाखे। जेलाउ कासेहेङ साघाइलि हारजा जेङहि, कोलाउ नेलाइ ताइको चर भाइपाङ इङकोहेङ काङकोता दिङगिलसुन्‍हा।

फिलिप्पि 2:27

वा हेन्‍जाङ मासाअ्‌धेतेङ सिलि तोम्‍का हिघाखे। कालाउ बुङ परमेस्‍वर वार्‍हुता खिनिङ दाया मापासिङ का र्‍हुता बुङ दाया पाहि। कालाउ परमेस्‍वर वासेहेङ खिनिङ माको कासेहेङ बुङ दाया पाहि रो का सुरतार्‍हुता सुरता पालि मागोइहि।

फिलिप्पि 4:1

इदोइखातिर काङको दादाओने बाइओनेगेलाइ, नेलाइ प्रभुता थिर जेङतेङ हिसु। का नेलाइहेङ माया पाखा रो दुसुलि भोखा। नेलाइ कासेहेङ लेङचा पासुन्‍हा रो नेलाइदोङ काङको कामको इनाम हिसुन्‍हा।

1पतरुस 1:6

नेलाइ इदोइ गोताङ काथाता लेङचासु, कालाउ बुङ नेलाइ एला आतुइसा पहरको भाअ्‌सिङ भेभेनेङ खाल्‍को तु: भोगेलि गोइस्‍वाना।