फिलिप्पि 2:19 - धिमाल

¹⁹ प्रभु इसुको लाल्‍सा हिनु आस पाखा, का मारफाङ तिमोथिहेङ नेलाइकोता दिङगिलाङका। कालाउ वा काता घुरितेङ नेलाइको बानाल हिङपालाउ का हेन्‍जाङ लेङचाङका।

Dhimal NT

¹⁹ तिमोथिहेङ नेलाइकोता धेमाङ दिङगिल्लाङका दोअ्तेङ का प्रभु येसुता आस पाखा। कालाउकि नेलाइको बारेता हिङतेङ का हाउसाइ याङका।

फिलिप्पि 2:19 Cross References

मत्‍ति 12:21

इङकोकोङ मिङता जात्‍या जात्‍यागेलाइ आस ताअ्‌तावा।”

साल्न्हाका चात्या 16:1

पावल डर्बि रो लुस्‍त्‍राता बुङ लोहि। इन्‍ता तिमोथि मिङ हिका एमि चात्‍या हिघाखे। वा युनिस मिङ हिका एमि खान्‍धुरि यहुदि बेबालको चान हिघाखे, कुलाउ वाको आबाचाहिँ ग्रिक हिघाखे।

1 कोरिन्थि 4:17

एन्‍साङ पातेङ काङको माया पाका प्रभुता खान्‍धुरिलाएक चान तिमोथिहेङ नेलाइकोता दिङगिल्‍दोङखा। का गोताङ थामेता रो गोताङ मन्‍डलिता धिरपाकाआन्‍सार दोङ ख्रिस्‍टता काङको ज्‍यान हिसिका हि इङकोको बारेता इङको नेलाइहेङ धिरपावा।

फिलिप्पि 1:1

ख्रिस्‍ट इसुको बान्‍धाइगेलाइ पावल रो तिमोथिसो, फिलिप्‍पि पुरता हिका मन्‍डलिको आगुवागेलाइ, डिकनगेलाइ रो ख्रिस्‍ट इसुता हिका परमेस्‍वरको झाराङ पुनित जनगेलाइहेङ इदोइ चिथि लेखेदोङ न्‍हाखे।

फिलिप्पि 2:18

एन्‍साङ पातेङ नेलाइ बुङ लेङचासु रो का बुङ नेलाइ दोफादोफाङ लेङचाङका।

फिलिप्पि 2:28

इदोइखातिर का वासेहेङ नेलाइकोता दिङगिल्‍लि हेन्‍जाङ लाल्‍सा पाका हिघाखा। कालाउ नेलाइ बुङ वासिहेङ तिङतेङ हेन्‍जाङ लेङचास्‍वाना रो काङको मनको पिर बुङ होम्‍का जेङधावा।

1 थेस्लोनिकि 3:2

केलाइदोफा दोसाङ काम पाका केलाइको ओने तिमोथि ख्रिस्‍टको रेम्‍काबानाल हिङपाका परमेस्‍वरको चाकर। नेलाइहेङ हाउसा पितेङ खान्‍धुरता बोल्‍याका बान्‍हाइलि केलाइ तिमोथिहेङ नेलाइकोता दिङगिलन्‍हाहि।

1 थेस्लोनिकि 3:5

इदोइभाअ्‌सिङ का बो आरोङ हेन्‍जा सहेलि मादोनाङ नेलाइको खान्‍धुर गेलि तिमोथिहेङ दिङगिल्‍घा। हाइपानु फासेपाकालाइ नेलाइहेङ फासेपातेङ केलाइको काम बिगिरपाहि बे दोअ्‌तेङ का थिका हिघाखा।

2 थेस्लोनिकि 1:3

दादाओने बाइओनेनेलाइ, नेलाइको भाअ्‌सिङ परमेस्‍वरहेङ दिनाङ च्‍याबास चार्‍हाइन्‍हाखे। हाइपानु नेलाइको खान्‍धुर हेन्‍जाङ बार्‍हेदोङखे रो एमि भेनेङदोफा नेलाइ झाराङको माया बुङ बार्‍हेदोङखे।

2 तिमोथि 1:12

इदोइभाअ्‌सिङ का इदोइ काथागेलाइता तु: भोगेदोङखा। कालाउ का इदोइता मालेदेरखा हाइदोनु का हासुता खान्‍धुर पाका हिघा इङको का गेखा। परमेस्‍वर कासेहेङ जिमा लागाइका काथाहेङ वा दोङ ख्रिस्‍ट मालोपाधाउ जोगाइतेङ ताअ्‌तावा। इदोइता का ढुक हिघा।

याकुब 4:15

नेलाइ दोअ्‌लि गोइका काथा ते इसिका हि, “परमेस्‍वरको लाल्‍सा जेङनु केलाइ बान्‍चेतेङ एसा पाङ रो ओसा पाङ।”

1पतरुस 1:21

ख्रिस्‍टसो नेलाइ परमेस्‍वरता खान्‍धुर पासुन्‍हा, जाइ वासेहेङ सिकासो सिन्‍हुपाहि रो वासेहेङ प्रताप पिहि, इदोइभाअ्‌सिङ नेलाइ खान्‍धुर रो आस परमेस्‍वरता ताअ्‌सुखेना।