फिलिप्पि 2:17 - धिमाल

¹⁷ नेलाइको प्रभु इसुता पाका खान्‍धुर परमेस्‍वरहेङ चार्‍हाइका भोक भाइकाङ एइ। इङको भोकता काङको हिति होलाउ बुङ का लेङचाका हिघा। कालाउ का नेलाइ दोफादोफाङ लेङचाङका।

Dhimal NT

¹⁷ जेलाउ का नेलाइहेङ सुसमाचार प्राचार पाघा, नेलाइ प्रभु येसुता खाङधुरि पासुन्हा कालाउ ताइको जिबन वाको बलिदानको रुपता वाको सेवाता पिसुन्हा, ओदोङ भाअ्सिङ इङको कासेहेङ सुसमाचार प्राचार पाकानाङ इम्बालाइ कासेहेङ सेअ्न्हालाउ बुङ का नेलाइ झाराङ दोफा खुसि कालाउ आनान्दित जेनाङका।

फिलिप्पि 2:17 Cross References

साल्न्हाका चात्या 20:24

कुलाउ काङको ज्‍यान ताइको भाअ्‌सिङ हिदिङ मोलको मान्‍थु। का इदोइझोको खिनिङ भोखा, परमेस्‍वर द्‍याङगेलाइहेङ दायापाका हि दोअ्‌का रेम्‍काबानाल पारचार पाका कामहेङ का पुरा पालि द्‍वाको, जेदोङ कामचाहिँ प्रभु इसु दोङ कासेहेङ आर्‍हाइका हि।

साल्न्हाका चात्या 21:13

कुलाउ पावल दोअ्‌हि, “नेलाइ हाइपालि खारतेङ काङको मन तु:पापिसुखेना? का यरुसलेमता धेउन्‍हालि खिनिङ माको, कुलाउ प्रभु इसुको भाअ्‌सिङ सिलि बुङ त्‍यार हिघा।”

फिलिप्पि 1:20

काङको बाराका लाल्‍सा रो आसचाहिँ इदोइ एइ, का परमेस्‍वरको आगाता हेअ्‌लाउ मालेदेराङका। कालाउ लाम्‍फा भाइपाङ एला बुङ का परमेस्‍वरको कथन हिङपालि हिमत निङतेङ ह्‍याङका। कालाउ का सिन्‍हुलाउ बुङ, नासालाउ बुङ काङको ज्‍यान ख्रिस्‍टको मानको भाअ्‌सिङ ज्‍यावा।

फिलिप्पि 2:18

एन्‍साङ पातेङ नेलाइ बुङ लेङचासु रो का बुङ नेलाइ दोफादोफाङ लेङचाङका।

फिलिप्पि 2:30

हाइपानु वा ख्रिस्‍टको भाअ्‌सिङ झान्‍दाइ ताइको ज्‍यानसुदाङ पिलि तोम्‍का हिघाखे। कालाउ नेलाइ काङको भाअ्‌सिङ पोङघा पालि मादोका चाकरको काम वा दोङ पोङघा पाका हिघाखे।

फिलिप्पि 4:18

का निङलिगोइका खान्‍तेङ हेन्‍जा निङका हिघा। नेलाइ इपाफ्रोडिटसको खुरता पिगिल्‍का भेटि निङतेङ का सन्‍तोक जेङका हिघा। परमेस्‍वरहेङ मोन्‍दाताका रो र्‍हुलिलाएक भेटि निङतेङ का लेङचाघा।

कलस्सि 1:24

इदोइ पहरता का नेलाइको भाअ्‌सिङ तु: भोगेलि गोइलाउ का लेङचाका हिघा। हाइदोनु ख्रिस्‍टको जिउको भाअ्‌सिङ माकोनु मन्‍डलिको भाअ्‌सिङ भोगेलि गोइका तु:गेलाइ का काङको जिउता भोगितेङ पोङघा पाङका।

1 थेस्लोनिकि 2:8

जातिङको केलाइ नेलाइहेङ हेन्‍जा दाया पानाङसिङ परमेस्‍वरको रेम्‍काबानाल खिनिङ माको, कालाउ केलाइको ज्‍यान सुदाङ नेलाइहेङ पिलि त्‍यार जेङका हिघान्‍हाहि। हाइपानु नेलाइ केलाइको भाअ्‌सिङ हेन्‍जा मोन्‍दा ताका हिघासुन्‍हा।

2 तिमोथि 4:6

हाइदोनु का ते परमेस्‍वरको भाअ्‌सिङ भोक जेङलि तोम्‍का हिघा रो काङको इदोइ ज्‍यान लाअ्का पहर लोलि दोका हि।

1पतरुस 2:5

नेलाइ बुङ इसु ख्रिस्‍ट भाइपाङ सिन्‍हुका उन्‍थुइ जेङतेङ लोसु रो हाङसाको थान धाम्‍लिको भाअ्‌सिङ ताइमिङहेङ सोमपिसु। इन्‍ता नेलाइ इसु ख्रिस्‍टको सामान्‍दाहोइ पातेङ परमेस्‍वरहेङ मोन्‍दाताका हाङसाको भोक चार्‍हाइका पुनित धामिको काम पास्‍वाना।

१ युहन्‍ना 3:16

माया हाइ एइ दोअ्‌तेङ केलाइ इताङसो गेन्‍हाखे, ख्रिस्‍ट केलाइको भाअ्‌सिङ ताइको ज्‍यान पिहि। केलाइ बुङ ताइको दादाओने बाइओनेगेलाइको भाअ्‌सिङ ताइको ज्‍यान पिलिगोयाङ।