फिलिप्पि 2:11 - धिमाल

¹¹ कालाउ झाराङ परमेस्‍वर आबाको प्रतापको भाअ्‌सिङ इसु ख्रिस्‍टहेङ प्रभु दोअ्‌तेङ मन्‍जुर पावा।

Dhimal NT

¹¹ कालाउ झाराङ आबा परमेस्वरको महिमाको भाअ्सिङ येसु ख्रिस्टहेङ प्रभु हि दोअ्तेङ सुइकार पावा।

फिलिप्पि 2:11 Cross References

मत्‍ति 10:32

“इदोइखातिर जाइ द्‍याङगेलाइको आगाता कासेहेङ मन्‍जुर पावा, का बुङ वासेहेङ सादेलता हिका काङको आबाको आगाता मन्‍जुर पाङका।

लुका 2:11

हिङसु, दाउद जोन्‍मिका पुरता नानि मुक्‍ति पिका ख्रिस्‍टको जोलोम जेङकाहि। वा दोङ प्रभु जेनावा।

युहन्‍ना 12:42

कोलाउबुङ हेन्‍जाङ यहुदि आगुवागेलाइ इसुहेङ खान्‍धुर पाहि, कुलाउ फरिसिगेलाइ एम्‍बालाइहेङ कचहरिसाअ्‌सो ओल्‍हेपागिलाङ दोअ्‌का थितेङ इङको मन्‍जुर मापाहि।

युहन्‍ना 13:13

नेलाइ कासेहेङ मास्‍टर रो प्रभु दोअ्‌सुखेना, इङको नेलाइ मुनासिप दोअ्‌सुखेना, हाइदोनु का वाआङ एइ।

युहन्‍ना 13:14

एदि नेलाइको प्रभु रो मास्‍टर जेङतेङ का नेलाइको खोकोइ झाका हिघा पानु नेलाइ बुङ एमि भेनेङको खोकोइ झापिसु।

युहन्‍ना 14:13

नेलाइ काङको मिङता जेदोङसुदाङ र्‍हेलाउ बुङ चानता आबाको प्रताप ज्‍याको दोअ्‌तेङ का इङको पाङका।

युहन्‍ना 14:23

इसु इङकोहेङ दोअ्‌हि, “जाइ कासेहेङ इन्‍ताना पाखे, इङको काङको कथन साअ्‌तावा। काङको आबा इङकोहेङ इन्‍ताना पावा, केलाइ इङकोता ल्‍वाङ रो इङकोदोफा बासा ह्‍याङ।

युहन्‍ना 17:1

इदोइ काथा दोअ्‌लिदोकान्‍हुअ्‌सो इसु सादेलभारि खाङतेङ दोअ्‌हि, “आबा, पहर थुकालिलोका हि, नाङको चानको प्रताप देखाल पापि रो चान नाङको प्रताप देखाल पाको।

युहन्‍ना 20:28

थोमा इसुहेङ दोअ्‌हि, “काङको प्रभु, काङको परमेस्‍वर!”

युहन्‍ना 5:23

कोलाउ झाराङ चानहेङ मान पाको, जेसापा एम्‍बालाइ आबाहेङ मान पाखे। चानहेङ मान मापाकालाइ वासेहेङ दिङगिल्‍का आबाहेङ बुङ मान मापाखे।

युहन्‍ना 9:22

इङकोको आबा आमाइ यहुदि आगुवा गेलाइदोफा थिघाखे। हाइदोनु जाइ वासेहेङ ख्रिस्‍ट दोअ्‌तेङ मन्‍जुर पाखे, इङकोहेङ कचहरिसाअ्‌सो ओल्‍हेपालि गोयाङ दोअ्‌तेङ एम्‍बालाइ लाम्‍फा दोङ राजि जेङका हिघाखे।

साल्न्हाका चात्या 10:36

नेलाइ गेसुखेना, इसु ख्रिस्‍टसो पारचार पाका सुबिस्‍ताको रेम्‍काबानाल परमेस्‍वर इस्राएलिगेलाइता पिगिल्‍हि। (वा दोङ झाराङको प्रभु एइ।)

साल्न्हाका चात्या 2:36

“इङकोङखातिर इस्राएलको झाराङ द्‍याङगेलाइ इदोइ काथा ग्‍याको- इसु, जाइहेङ नेलाइ कुरुसता टाङगाइसुन्‍हा, परमेस्‍वर वासेहेङ प्रभु रो छुटकारा पिका ख्रिस्‍ट बान्‍हाइहि।”

1 कोरिन्थि 12:3

इदोइखातिर नेलाइ इदोइ काथा बुझिसु दोअ्‌का का भोखा, हाइपानु परमेस्‍वरको हाङसासो धुइका हिदिङ द्‌याङ इसुको खिलापता माधुइखे। कालाउ पुनित हाङसासो खिनिङ इसु दोङ प्रभु हि दोअ्‌तेङ दोअ्‌लि द्‍वावा।

1 कोरिन्थि 15:47

परमेस्‍वर लाङ आदमहेङ सुमिङको भोनोसो बान्‍हाइहि, कालाउ न्‍हे आदम ख्रिस्‍टचाहिँ सादेलसो लोहि।

1 कोरिन्थि 8:6

कालाउ केलाइको भाअ्‌सिङचाहिँ एलोङ खिनिङ परमेस्‍वर आबा हि। वा दोङ गोताङ थोक सिरजाइहि रो वाकोङ चाकर पालिको भाअ्‌सिङ केलाइ सिन्‍हुन्‍हाखे। कालाउ केलाइको भाअ्‌सिङ ए खिनिङ प्रभु, इसु ख्रिस्‍ट हि। वासो दोङ गोताङ थोक सिरजाइन्‍हाहि रो वासो दोङ केलाइ परमेस्‍वरको चाकर पान्‍हाखे।

1पतरुस 1:21

ख्रिस्‍टसो नेलाइ परमेस्‍वरता खान्‍धुर पासुन्‍हा, जाइ वासेहेङ सिकासो सिन्‍हुपाहि रो वासेहेङ प्रताप पिहि, इदोइभाअ्‌सिङ नेलाइ खान्‍धुर रो आस परमेस्‍वरता ताअ्‌सुखेना।

१ युहन्‍ना 4:15

जाइ इसुहेङ परमेस्‍वरको चान हि दोअ्‌तेङ मन्‍जुर पाखे, वाता परमेस्‍वर हिखे रो वाचाहिँ परमेस्‍वरता हिखे।

१ युहन्‍ना 4:2

जाइ इसु ख्रिस्‍ट द्‌याङ जेङतेङ लोका एइ दोअ्‌तेङ मानेखे, इङकोदोफा परमेस्‍वरको हाङसा हिखे। इदोङसो नेलाइ परमेस्‍वरको हाङसाहेङ नालस्‍वाना।

२ युहन्‍ना 1:7

हाइपानु आवाइ पाकालाइ हेन्‍जाङ दोङ इदोइ दुनियाता लोका हि। एम्‍बालाइ इसु ख्रिस्‍ट जिउता लोका एइ दोअ्‌तेङ मन्‍जुर मापाखे। इसिका खामाल दोङ आवाइपाका रो ख्रिस्‍ट दुस्‍मन हि।