Kpojemi 9:8 - BAIBLO ALOO NGMAMI KLƆUKLƆU Ɔ

⁸ A yi bwɔmi ngɛ kaa yihi a yi bwɔmi, nɛ a lunguhi ngɛ kaa jata nɔ́.

Somi He Ɔ

⁸ nɛ a yi bwɔmi ngɛ kaa yihi a yi bwɔmi, nɛ a lunguhi ngɛ kaa jatahi a nɔ.

Kpojemi 9:8 Cross References

Yoel 1:6

Baalɛ babauu ba tua zugba a; a ngɛ kaa ta buli pɛ; a he wa, nɛ a he hiɛ; a lungu nya ba kaa jata ku lungu, nɛ a so hu ngɛ kaa jata yo so.

1 Petro 3:3

Nyɛ ko ngɔ níhi kaa yi gbɔmi, loo sika tsu ní womi, loo bo nɛ ngɛ fɛu bumi kɛ dla nyɛ he.

1 Timoteo 2:9

Jã kɛ̃ i suɔ kaa yihi hu nɛ a ngɔ juɛmi kɛ to a he dlami he. A dla a he bɔ nɛ sa kɛkɛ kaa humi. A gbɔ a yi ngɛ hɛngmɛ nɔ. A ko ngɔ sika tsu, loo adiagba kɛ hɔɔ a yi mi; nɛ a ko wo tade nɛ he jua wa tsɔ hulɔ.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

Matsɛmɛ II, 9:30

Benɛ Yezebel nu kaa Yehu ba Yezreel ɔ, e kɛ tsopa kpa e hɛngmɛ se, nɛ e hɔɔ e yi saminyayoo, nɛ e ya bu si ngɛ saflɛ nya ngɛ nɔ́ hyɛe.

Romabi 9:29

Kaa bɔ nɛ Yesaya de to momo ɔ, “Ke pi kaa Nyɔmtsɛ Ope ɔ nɛ ha wa nina a eko piɛ ɔ, jinɛ wa ní ko pee kaa Sodom kɛ Gomora pɛ.”