Kpojemi 8:3 - BAIBLO ALOO NGMAMI KLƆUKLƆU Ɔ

³ Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

Somi He Ɔ

³ Nɛ hiɔwe bɔfo kpa ko ba nɛ e ba da bɔ sami latɛ ɔ he, nɛ e hɛɛ sika tsopa ke e he via sami nɔ́, nɛ a ha lɛ tsopa kɛ e he via fuu konɛ e kɛ piɛ klɔuklɔu bi ɔmɛ kulaa a sɔlemi ɔmɛ a he ngɛ sika bɔ sami latɛ nɛ maa si ngɛ matsɛ sɛ ɔ hɛ mi ɔ nɔ.

Kpojemi 8:3 Cross References

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Kpojemi 8:4

Tsopa kɛ e he via la su ku ɔ, kɛ ni klɔuklɔu ɔmɛ a kue fami ɔ je bɔfo ɔ nɛ daa si ngɛ Mawu hɛ mi ɔ dɛ mi kɛ ho hiɔwe ya.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

Luka 1:10

Be mi nɛ a ngɛ tsopa kɛ e he via a sãe ɔ, ma kpekpemi ɔ ngɛ sɔlee ngɛ ablanaa a mi.

Kpojemi 9:13

Jehanɛ ɔ, bɔfo ekpane ɔ kpa e titimati ɔ, nɛ i nu gbi ko nɛ ngɛ pɛe kɛ je sika tsu bɔ sami la tɛ nɛ maa si ngɛ Mawu hɛ mi ɔ koli ɔmɛ a mi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose II, 40:26

E ngɔ sika tsu bɔ sami la tɛ ɔ kɛ ma kpe he bo tsu ɔ mi, ngɛ tsu mi pomi bo ɔ hɛ mi,

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Romabi 8:34

Lɛ mɛnɔ lɛ buɔ nɔ fɔ mɔ? Yesu Kristo loo? Yesu Kristo lɛɛ e gbo; se nɔ́ nɛ pe lɔ ɔ, Mawu tle lɛ si kɛ je gbeje kɛ ba wami mi; nɛ amlɔ nɛ ɔ, e ngɛ Mawu hiɔ nɔ, nɛ e ngɛ mi dae ha wɔ ngɛ Tsɛ ɔ hɛ mi.

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.

Matsɛmɛ I, 7:50

kplu ɔmɛ, la gbemi ní ɔmɛ, kã amɛ, kɛ ngɛyu ɔmɛ nɛ a kɛ jeɔ la a; he klɔuklɔu pe kulaa a sinya amɛ a se asa amɛ, kɛ Yawɛ we ɔ kpo nɔ je sinya amɛ a se asa amɛ.

Kpojemi 7:2

I na bɔfo kpa ko hu nɛ ngɛ kuɔe kɛ je pu site he kɛ ma, nɛ e hɛɛ Mawu hɛ kalɔ ɔ nɔ́ nya sɔumi nɔ́. E kpa ngmlaa wawɛɛ, nɛ e de bɔfo eywiɛ ɔmɛ nɛ Mawu ha mɛ he wami ke a kpata zugba a, kɛ wo ɔ a hɛ mi ɔ ke,

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Kpojemi 10:1

Jehanɛ ɔ, i na Mawu bɔfo kpetekpleenyɛ kpa nɛ je hiɔwe kɛ ma. Bɔku bɔle lɛ kɛ kpe, nɛ alale ngɛ e yi je; e hɛ mi ngɛ kaa pu, nɛ e nanehi ngɛ kaa la titimahi.

Mose IV, 4:11

“Sika tsu bɔ sami la tɛ ɔ hu a ngɔ bo bluu kɛ ha he, nɛ a ngɔ apletsi he womi nɛ a je blɔ pee kɛ ha lɔ ɔ hu nɔ, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.

Yesaya 6:6

Tlukaa a, seraf ɔ kake te kɛ ba ye ngɔ kɛ e dɛ mi la ngu hɛuu nɛ e kɛ abɛɛle ya kɔ ngɛ bɔ sami la tɛ ɔ nɔ.

Ezekiel 41:22

bɔ sami la tɛ nɛ a kɛ tso pee. E hiɔwe yami ji gugue fa kɛ nine mi blimi enyɔ, nɛ e kami ji gugue fa, kɛ e blimi hu gugue fa. E kɔ nya amɛ, e nane ɔmɛ, kɛ e kasa nya amɛ tsuo tso a kɛ pee. Nyumu ɔ de mi ke, “Okplɔɔ nɛ maa Yawɛ hɛ mi ji nɛ ɔ nɛ.”

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Kpojemi 14:18

Bɔfo kpa hu nɛ ngɛ he wami ngɛ la nɔ je bɔ sami la tɛ ɔ he kɛ ba. E kpa ngmlaa wawɛɛ nɛ e de bɔfo ɔ nɛ hɛɛ ngma kpami ha nɛ nya ba a ke, “Ngɔɔ o ha nɛ nya ba a kɛ poo wai yiblii ɔmɛ, nɛ o bua nya. Wai yiblii ɔmɛ fu ngɛ ngmɔ ɔ nɔ.”