Kpojemi 8:12 - BAIBLO ALOO NGMAMI KLƆUKLƆU Ɔ

¹² Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Somi He Ɔ

¹² Nɛ hiɔwe bɔfo nɛ ji eywiɛ ɔ kpa, nɛ a fia pu mi dlami etɛ mi kake kɛ nyɔhiɔ mi dlami etɛ mi kake kɛ dodoehi a mi dlami etɛ mi kake nɔ́, nɛ a mi dlami etɛ mi kakaaka a wo diblii, nɛ piani mi dlami etɛ mi kake ɔ, je mi tsɔ we nɛ nyɔ mi hu ja kɛ.

Kpojemi 8:12 Cross References

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Kpojemi 6:12

Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Kpojemi 9:18

Nɔ́ etɛ nɛ ɔmɛ nɛ ngɛ okpɔngɔ ɔmɛ a nya mi jee ɔ gbe adesahi tsuo a mi dlami etɛ mi kake.

Kpojemi 9:15

Bɔfo ekpane ɔ ya pɛne bɔfo eywiɛ ɔmɛ. Blɔɔ a ngɔ mɛ ngɔ to nɛ a pee mɛ klaalo, konɛ jeha nɛ ɔ tutuutu we nyɔhiɔ nɛ ɔ we ligbi nɛ ɔ tutuutu we ngmlɛfia nɛ ɔ mi ɔ a gbe adesahi tsuo a mi dlami etɛ mi kake.

Marko 13:24

“He hiami nɛ ɔ se ɔ, pu maa tsɔ diblii, nɛ nyɔhiɔ hu be kpɛe.

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Yoel 3:15

Pu kɛ nyɔhiɔ maa wo diblii, nɛ dodoe ɔmɛ be kpɛe hu.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Marko 15:33

Diblii wo ngɛ zugba a tsuo nɔ kɛ je piani ngmlɛ nyɔngma kɛ enyɔ kɛ ya si ngmlɛ etɛ.

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Yeremia 4:23

I hyɛ zugba a nɔ, nɛ zugba a fɔɔ si gu nɛ nɔ́ ko nɔ́ ko be nɔ. I hyɛ hiɔwe, nɛ la ko la ko be lejɛ ɔ.

Ni Tsumi 2:20

Pu maa tsɔ diblii, nɛ nyɔhiɔ ma pee tsutsuutsu kaa muɔ loko Nyɔmtsɛ ɔ ligbi nguaa nɛ ngɛ gbeye ɔ maa ba.

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Kpojemi 16:10

Bɔfo enuɔne ɔ plɛ e kplu ɔ mi nɔ́ ɔ ngɔ pue lohwe awi yelɔ ɔ matsɛ sɛ ɔ nɔ. Diblii wo ngɛ lohwe ɔ matsɛ yemi ɔ mi, nɛ nihi a he hia mɛ, nɛ a ta a lilɛ.