Kpojemi 7:9 - BAIBLO ALOO NGMAMI KLƆUKLƆU Ɔ

⁹ Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Somi He Ɔ

⁹ Enɛ ɔ se ɔ i hyɛ, nɛ oʼɛ, nimli asafo nɛ nɔ ko nɔ ko be nyɛe maa kane nɛ je je mi ma tsuaa je mi ma kɛ wɛtsohi kɛ mahi kɛ mahi a nɔ gbihi a mi nɛ a daa si ngɛ matsɛ sɛ ɔ hɛ mi kɛ Tobi ɔ hɛ mi, nɛ a wo tade hiɔ, nɛ a hɛɛ tã kuɔmihi ngɛ a dɛ,

Kpojemi 7:9 Cross References

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Yohane 12:13

Lɔ ɔ he ɔ, a kukuɔ tã ba, nɛ a je kpo, nɛ a kɛ lɛ ya kpe kɛ a nɔ ose ke, “Mo kpɔ wɔ oo! Mawu nɛ gbaa nɔ nɛ ma ngɛ Nyɔmtsɛ ɔ biɛ mi ɔ! Mawu nɛ gbaa Israel matsɛ ɔ!”

La 2:8

Bi mi, nɛ ma ha mo je ma amɛ tsuo; zugba a tsuo ma ba pee o weto ní.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 12:1

Benɛ nimli akpe abɔ akpe ba bua a he nya, nɛ a ngɛ a sibi a nɔ nae ɔ, Yesu de e kaseli ɔmɛ zaa ke, “Nyɛɛ hyɛ nyɛ he nɔ saminya ngɛ Farisi bi ɔmɛ a masa a he; a we osato peemi ɔ i ngɛ tsɔɔe ɔ nɛ.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

Mose III, 23:40

Kekleekle ligbi ɔ, nyɛɛ ngɔ tso yiblii kpakpahi, tã bahi, kɛ tso kusuuhi a kɔnihi kɛ a he ba nɛ nyɛ kɛ nya ligbi kpaago kɛ wo Yawɛ, nyɛ Mawu ɔ hɛ mi nyami.

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Hebribi 11:12

Enɛ ɔ he ɔ, Abraham nɔ kake too nɛ ngɛ kaa nɔ ko nɛ yi ta a, e nina ba hiɛ babauu kaa dodoehi ngɛ hiɔwe, loo wo nya zia nɛ hi kanemi.

Efesobi 6:13

Lɔ ɔ he ɔ, nyɛ kpla ta hwumi níhi tsuo nɛ Mawu ha nyɛ ɔ. Kɛkɛ ɔ, ke ligbi yobu ɔ ba a, nyɛ ma nyɛ maa da nya, nɛ́ ke nyɛɛ kɛ lɛ to ní gbe nya a, nyɛ nyɛ nyɛɛ da si kpɛii.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!

La 98:3

Si ko nɛ e wo Israel ma a, e ye nɔ; e ye mɛ anɔkuale, nɛ e na mɛ mɔbɔ babauu. Nihi ngɛ je ɔ mi he tsuaa he na kaa wa Mawu ɔ ye kunimi.

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Kpojemi 5:11

Jehanɛ ɔ, ngɛ nina a mi ɔ, i nu bɔfohi babauu akpeakpe abɔ a gbi nɛ bɔle matsɛ sɛ ɔ, kɛ hɛ kali ɔmɛ, kɛ nikɔtɔma amɛ kɛ kpe.

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

Mose I, 13:16

Ma ha nɛ o nina maa hiɛ babauu kaa tabo zu, nɛ e be hie kanemi; ke nɔ ko nyɛ kane tabo zu ɔ, lɛɛ e ma nyɛ kane o nina.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

La 76:4

Hyɛ bɔ nɛ o hɛ mi ba nyami; hyɛ bɔ nɛ o he ngɛ gbeye benɛ o gbe he nyɛli ɔmɛ, nɛ o je yo ɔmɛ a nɔ kɛ ma a.

Zakaria 10:8

“Ma kpee ye ma a; nɛ ma bua mɛ tsuo a nya; ejakaa imi nɛ i kpɔ mɛ. Ma he a yi wami, nɛ ma ha a he maa hiɛ babauu kaa bɔ nɛ a he hiɛ sa a.

Kpojemi 22:3

Nɔ́ ko nɛ Mawu gbiɛ be ma a mi hie hu. Mawu, kɛ To bi ɔ matsɛ sɛ ɔ maa hi ma a mi, nɛ Mawu tsɔli ɔmɛ ma sɔmɔ lɛ.

Ezekiel 47:5

Kɛkɛ nɛ e susu gugue lafa enyɔ kɛ nyingmi enuɔ ekohu. Jehanɛ pa a mi kuɔ ngɛ lejɛ ɔ, nɛ i nyɛ we ma ya hɛ mi. Pa a mi kuɔ tsɔ, ja a sile kɛ po.