Kpojemi 7:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, i na Mawu bɔfohi eywiɛ nɛ a daa si ngɛ je ɔ kɔ nya eywiɛ ɔmɛ. A tsi kɔɔhiɔ eywiɛ ɔmɛ a nya, konɛ kɔɔhiɔ ko fia ngɛ zugba a nɔ, loo wo nɔ, loo kɛ muɔ tso ko.

Somi He Ɔ

¹ Enɛ ɔ se ɔ, i na hiɔwe bɔfohi eywiɛ nɛ a daa si ngɛ zugba kɔ nya eywiɛ ɔmɛ a nɔ, nɛ a hɛɛ zugba a nɔ kɔɔhiɔ eywiɛ ɔ mi, konɛ kɔɔhiɔ ɔ ko fia ngɛ zugba a nɔ loo wo nɔ loo tso ko nɔ.

Kpojemi 7:1 Cross References

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.

Daniel 7:2

I na nɛ wo nɔ kɔɔhiɔ nɛ nya wa te ngɛ wo ɔ nɔ, nɛ kɔɔhiɔ ngɛ fiae kɛ je he tsuaa he.

Yeremia 49:36

Ma ha kɔɔhiɔ nɛ nya wa maa fia kɛ je hehi munomuno kɛ ba Elam. Ma gbɛ Elam bi ɔmɛ ngɔ fĩa he tsuaa he; nɛ a maa na Elam bi nɛ a gbɛ mɛ ngɔ fĩa nɛ ɔ ngɛ je ma amɛ tsuo a mi.

Marko 13:27

E maa tsɔ hiɔwe bɔfo ɔmɛ kɛ ya bua nihi nɛ Mawu hla a a nya kɛ je je ɔ kɔ nya eywiɛ ɔmɛ tsuo, kɛ je zugba nyagbe he kɛ yaa si hiɔwe nyagbe he.

Daniel 8:8

Enɛ ɔ se ɔ, to akpakpo ɔ ba wo e he nɔ wawɛɛ nitsɛ, nɛ e bui nɔ́ ko nɔ́ ko. Se benɛ e he wami ɔ ba he si ɔ, e koli ɔ ku. Kɛkɛ nɛ koli agboagbo eywiɛ ba puɛ ngɛ lɔ ɔ nane mi; koli ɔmɛ plɛ a nyahi ngɔ kpee he munomunohi.

Ezekiel 37:9

Jehanɛ Nyɔmtsɛ Yawɛ de mi ke, “Nɔmlɔ adesa, gbaa kɛ tsɔɔ mumi ɔ. De lɛ ke Nyɔmtsɛ Yawɛ ke e je je ɔ kɔ nya eywiɛ ɔmɛ tsuo kɛ ba, nɛ e ba wo mumi kɛ pue gbogboe nɛ ɔmɛ a nɔ, konɛ a ba wami mi ekohu.”

Ezekiel 7:2

“Nɔmlɔ adesa, bɔ nɛ imi Nyɔmtsɛ Yawɛ, i ngɛ Israel zugba a dee ji nɛ ɔ nɛ: O gbe nya pɛ! Israel zugba a tsuo, o nyagbe ɔ su jehanɛ!

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Kpojemi 9:14

Gbi ɔ de bɔfo ekpane ɔ nɛ hɛɛ titimati ɔ ke, “Bɔfo eywiɛ ɔmɛ nɛ a fi mɛ ngɛ Yufrate pa nguaa a nya a, yaa pɛne mɛ!”

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

Kpojemi 7:3

“Nyɛ ko kpata zugba a, loo wo ɔ, loo tso ɔmɛ a hɛ mi. Nyɛɛ mlɛ kɛ yaa si wa maa ngɔ nɔ́ nya sɔumi nɔ́ kɛ kadi wa Mawu ɔ tsɔli ɔmɛ a hɛ nya lolo.”

Kpojemi 9:4

A de mɛ ke a ko ta nga, loo ba mumu, loo tso ko tso ko he; nimli adesahi nɛ Mawu nɔ́ nya sɔumi nɔ́ ɔ he okadi be a hɛ nya a, á ye mɛ pɛ awi.

Zakaria 6:1

I na nina kpa hulɔ. Jehanɛ lɛɛ i na ta zugba lɛ eywiɛ komɛ nɛ je kpo ngɛ yo enyɔ komɛ a kpɛ kɛ ma. Akɔblee sɔuu ji yo ɔmɛ.

Yona 1:4

Se Yawɛ ha kɔɔhiɔ nɛ nya wa ko hia ngɛ wo ɔ nɔ, nɛ wo kɔɔhiɔ nɛ ɔ he wami ɔ miɔ nɛ e maa ywia lɛ ɔ.

Kpojemi 6:6

I nu nɛ nɔ́ ko pɛ kaa adesa gbi kɛ je hɛ kali eywiɛ ɔmɛ a kpɛti. Gbi ɔ de ke, “Ngma susumi nɔ́ kake ligbi kake hiɔwo, blɛfo susumi nɔ́ etɛ ligbi kake hiɔwo; se nu tso ɔmɛ, kɛ wai ngmɔ ɔmɛ lɛɛ ko kpata a hɛ mi.”

Yesaya 27:3

“Imi Yawɛ nitsɛ nɛ i hyɛɛ e nɔ; i pueɔ nɔ nyu be tsuaa be. I buu e he nyɔ kɛ pia, bɔ nɛ pee nɛ nɔ ko nɛ ko ba kpata e hɛ mi.

Daniel 11:4

Se ke be nɛ e he wami ɔ ba he si ɔ, e matsɛ yemi ɔ maa gbɛ. A maa dla matsɛ yemi ɔ mi eywiɛ, nɛ ni kpahi nɛ pi e weku li ma ba ye tsɛ ngɛ e nane mi. Se a he wami ɔ, kɛ e nɔ́ ɔ be sɔe.

Zakaria 6:5

E he nɔ ke, “Kɔɔhiɔ nɛ ngɛ je kɔ nya eywiɛ ɔmɛ ji nɛ ɔmɛ nɛ; je ɔ tsuo Nyɔmtsɛ ɔ hɛ mi nɛ a je kɛ yaa nɛ ɔ nɛ.”

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

Kpojemi 20:8

nɛ e ma ya sisi je ma amɛ nɛ gbɛ fĩa je ɔ mi tsuo ɔ. A tsɛɛ je ma nɛ ɔmɛ ke Gog, kɛ Magog. Satan ma bua mɛ tsuo a nya kɛ ba nɛ a ba hwu ta. A hiɛ babauu kaa wo nya zia.