Kpojemi 6:12 - BAIBLO ALOO NGMAMI KLƆUKLƆU Ɔ

¹² Benɛ To bi ɔ tsɔ nya sɔumi nɔ́ ekpane ɔ, i nu nɛ zugba mimiɛ wawɛɛ. Pu kpa tsomi; diblii wo kpii, nɛ nyɔhiɔ pee tsutsuu kaa muɔ.

Somi He Ɔ

¹² Nɛ i na benɛ Tobi ɔ tsɔ nya sɔumi nɔ́ nɛ ji ekpa a, nɛ oʼɛ, zugba mimiɛ wawɛɛ, nɛ pu plɛ kaa kpekpe kotoku yumu, nɛ nyɔhiɔ mluku ɔ plɛ kaa muɔ,

Kpojemi 6:12 Cross References

Mateo 24:29

“Haomi nɛ maa ba jamɛ a be ɔ, ke e se po pɛ pu maa tsɔ diblii, nɛ nyɔhiɔ be kpɛe hu. Dodoehi ma tsɔ kɛ je hiɔwe ba fia si, nɛ a maa fie he wamihi nɛ bɔle je ɔ kɛ je a blɔ hehi.

Yoel 2:10

Ke a ma kikɛ nɛ ɔ, zugba ma mimiɛ, nɛ hiɔwe ma si; pu kɛ nyɔhiɔ maa wo diblii, nɛ dodoe be kpɛe hu.

Yoel 3:15

Pu kɛ nyɔhiɔ maa wo diblii, nɛ dodoe ɔmɛ be kpɛe hu.

Amos 8:9

Jamɛ a ligbi ɔ, ma ha nɛ pu maa nɔ si piani katakata, nɛ je ɔ mi maa wo diblii. Imi, Nyɔmtsɛ Yawɛ lɛ i de.

Kpojemi 16:18

Kɛkɛ nɛ oslabai gba, nɛ hiɔmi si, nɛ zugba mimiɛ wawɛɛ. Kɛ je be nɛ a bɔ adesa a, zugba mimiɛ we kaa kikɛ nɛ ɔ hyɛ. Zugba nɛ mimiɛ jamɛ a ligbi ɔ, a nɛ eko hyɛ.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Yesaya 50:3

Imi lɛ i haa hiɔwe woɔ diblii kpii kaa nɔ́ nɛ a kɛ kpekpe ya bo ha he.”

Yesaya 29:6

Yawɛ Tabohiatsɛ ɔ ma he o yi wami. E ma ha hiɔmi ma si, zugba ma mimiɛ wawɛɛ, nɛ lejɛ ɔ tsuo maa pee hoo. Lasiogblee, ahumi, kɛ la gegeege maa ba;

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Yesaya 24:23

Nyɔhiɔ maa wo diblii, nɛ pu be tsoe hu, ejakaa Yawɛ Tabohiatsɛ ɔ maa ye matsɛ. E maa ye matsɛ ngɛ Yerusalem ngɛ Zion yo ɔ nɔ, nɛ ma nimeli ɔmɛ maa na e hɛ mi nyami ɔ.

Mateo 24:7

Ma maa te si ngɔ wo ma, nɛ matsɛ yemi maa te si ngɔ wo matsɛ yemi. Hwɔ nɛ nya wa maa ba, nɛ zugba ma mimiɛ ngɛ he tsuaa he.

Marko 15:33

Diblii wo ngɛ zugba a tsuo nɔ kɛ je piani ngmlɛ nyɔngma kɛ enyɔ kɛ ya si ngmlɛ etɛ.

Mateo 28:2

Tlukaa a, zugba mimiɛ wawɛɛ; Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya, nɛ e hi nɔ.

Mateo 27:54

Benɛ asafoatsɛ ɔ, kɛ nihi nɛ kɛ lɛ ngɛ Yesu he bue ɔ na nɛ zugba mimiɛ, kɛ níhi tsuo nɛ nyɛɛ se ɔ, a ye gbeye wawɛɛ, nɛ a de ke, “Niinɛ, Mawu Bi ɔ ji nɛ ɔ nɛ!”

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Zakaria 14:5

Nyɛ maa tu fo kɛ maa gu kɔ̃ ɔ nɛ gba yo ɔ mi enyɔ ɔ mi, ejakaa kɔ̃ ɔ nɛ gba Yawɛ yo ɔ mi enyɔ ɔ ma ya su Azal tɔɔ. Nyɛ maa tu fo kaa bɔ nɛ nyɛ pee blema ngɛ Yuda matsɛ, Uzia yi nɔ, benɛ zugba mimiɛ ɔ. Yawɛ, ye Mawu ɔ maa ba kɛ ni klɔuklɔu ɔmɛ tsuo.

Amos 1:1

To hyɛlɔ ɔ nɛ a tsɛɛ lɛ Amos, nɛ je Tekoa ma a mi ɔ, e munyuhi ji nɛ ɔmɛ nɛ. Jeha enyɔ loko zugba mimiɛ ɔ, benɛ Uzia ngɛ tsɛ yee ngɛ Yuda zugba a nɔ, nɛ Yehoash bi Yeroboam ngɛ tsɛ yee ngɛ Israel zugba a nɔ ɔ, Mawu je ní nɛ ɔmɛ tsuo ngɔ tsɔɔ Amos ngɛ Israel he.

Yesaya 34:4

Pu, nyɔhiɔ, kɛ dodoe ma puplee maa pee kaa bunyuku. Hiɔwe ma koklo kaa womi kpo; nɛ dodoehi maa hɔle kɛ pue si kaa bɔ nɛ wai, loo ngmɔkɔ tso hɔleɔ ba kɛ pueɔ si ɔ.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Kpojemi 8:12

Jehanɛ ɔ, bɔfo eywiɛne ɔ kpa e titimati ɔ, nɛ nɔ́ ko sa pu, nyɔhiɔ, kɛ dodoe ɔmɛ tsuo a he, nɛ a nyɛ we nɛ a tsu ní bɔ nɛ sa. Lɔ ɔ he ɔ, piani ɔ, pu nyɛ we nɛ e tso piani be ɔ mi dlami etɛ mi kake; nyɔ mi hu nyɔhiɔ, kɛ dodoe ɔmɛ nyɛ we nɛ a kpɛ nyɔ mi be ɔ mi dlami etɛ mi kake.

Kpojemi 16:8

Jehanɛ ɔ, bɔfo eywiɛne ɔ plɛ e kplu ɔ mi nɔ́ ɔ ngɔ pue pu nɔ. Enɛ ɔ ha nɛ pu ɔ dɔ la wawɛɛ, nɛ e sãã nimli adesahi.