Kpojemi 6:1 - BAIBLO ALOO NGMAMI KLƆUKLƆU Ɔ

¹ Jehanɛ i na nɛ To bi ɔ tsɔ nya sɔumi nɔ́ kpaago ɔmɛ a kpɛti kekleekle nɔ́ ɔ. I nu nɛ hɛ kali eywiɛ ɔmɛ a ti nɔ kake wo gbi kaa nɔ́ nɛ hiɔwe lɛ ngɛ sie, nɛ e de ke, “Ba!”

Somi He Ɔ

¹ Kɛkɛ nɛ i na kaa Tobi ɔ tsɔ nya sɔumi kpaago ɔ kake; nɛ i nu kaa hɛ kali eywiɛ ɔmɛ a kpɛti nɔ kake kɛ gbi nɛ ngɛ kaa hiɔwe simi de ke: “Ba nɛ o ba hyɛ!”

Kpojemi 6:1 Cross References

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.

Kpojemi 6:5

Jehanɛ ɔ, To bi ɔ tsɔ nya sɔumi nɔ́ etɛne ɔ, nɛ i nu nɛ hɛ kalɔ etɛne ɔ de ke, “Ba!” Nɛ́ i ke i hyɛɛ ɔ, okpɔngɔ yumu ko ji nɛ ɔ, nɛ nɔ nɛ hii si ngɛ nɔ ɔ hɛɛ sɛni ngɛ e dɛ mi.

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 6:7

Benɛ To bi ɔ tsɔ nya sɔumi nɔ́ eywiɛne ɔ nya a, i nu nɛ hɛ kalɔ nɛ ji eywiɛ ɔ de ke, “Ba!” Nɛ benɛ i ke i hyɛɛ ɔ, okpɔngɔ lazulazu ko ji nɛ ɔ nɛ. Nɔ nɛ hii si ngɛ okpɔngɔ ɔ nɔ ɔ biɛ ji Gbenɔ, nɛ Gbeje nyɛɛ e se haa. Mawu ha mɛ he wami ngɛ je ɔ mi dlami eywiɛ mi kake nɔ, konɛ a ngɔ ta, hwɔ, gbenɔ hiɔ, kɛ lohwe awi yeli kɛ kpata je ɔ hɛ mi.

Kpojemi 14:2

Kɛkɛ nɛ i nu gbi ko nɛ ngɛ pɛe ngɛ hiɔwe kaa pa nɛ hia kɛ bee, loo hiɔwe nɛ ngɛ sie wawɛɛ. Gbi nɛ i nu ɔ ngɛ kaa bɔ nɛ ke kpa saku fiali ngɛ saku fiae nɛ e pɛɛ ɔ.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 6:3

Benɛ To bi ɔ tsɔ nya sɔumi nɔ́ enyɔne ɔ, i nu nɛ hɛ kalɔ enyɔne ɔ de ke, “Ba.”

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Kpojemi 5:12

Nɛ a ngɛ lae kɛ ngmlaa boboobo ke, “To bi nɛ a gbe ɔ, e sa kaa a ngɔ he wami, ní nami, nile, agboje, bu, hɛ mi nyami, kɛ yi jemi kɛ ha lɛ.”

Kpojemi 8:1

Benɛ bɔfo ɔ tsɔ nɔ́ nya sɔumi nɔ́ kpaagone ɔ, hiɔwe jɔ dii maa pee ngmlɛfia fa.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.