Kpojemi 5:10 - BAIBLO ALOO NGMAMI KLƆUKLƆU Ɔ

¹⁰ O to matsɛ yemi sisi ha mɛ, nɛ o wo mɛ osɔfohi, konɛ a sɔmɔ wa Mawu ɔ; nɛ a maa ye matsɛ ngɛ zugba a nɔ.”

Somi He Ɔ

¹⁰ Nɛ ɔ ngɔ wɔ ngɔ pee matsɛmɛ kɛ osɔfohi Ha wa Mawu ɔ, Nɛ wa maa ye matsɛ ngɛ zugba a nɔ.”

Kpojemi 5:10 Cross References

Kpojemi 1:6

e to matsɛ yemi sisi ha wɔ, nɛ e pee wɔ osɔfohi, konɛ wa sɔmɔ e Tsɛ Mawu ɔ, nyɛ ha waa wo e hɛ mi nyami, nɛ e ye matsɛ kɛ ya neneene kɛ neneene. Amen.

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.