Kpojemi 4:8 - BAIBLO ALOO NGMAMI KLƆUKLƆU Ɔ

⁸ Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

Somi He Ɔ

⁸ Nɛ hɛkali eywiɛ ɔmɛ a ti nɔ tsuaa nɔ ngɛ ple ekpa ekpa, nɛ a he kɛ a mi tsuo hyi tɔtɔɔtɔ kɛ hɛngmɛ sɔuu, nɛ a jɔɔ we lami nyɔ kɛ pia ke: “Klɔuklɔu, klɔuklɔu, klɔuklɔu ji Nyɔmtsɛ Mawu Ope, Nɔ nɛ ngɛ sa a, kɛ nɔ nɛ ngɛ ɔ, kɛ nɔ nɛ maa ba a.”

Kpojemi 4:8 Cross References

Kpojemi 1:8

Nyɔmtsɛ Mawu Ope ɔ, nɔ nɛ ngɛ sa a, nɛ e ngɛ amlɔ nɛ ɔ, nɛ e maa ba a ke, “Imi ji kekleekle no kɛ nyagbe no.”

Kpojemi 4:6

Nɔ́ ko hu nɛ ngɛ kaa wo, nɛ ngɛ kpɛe kaa ahuhuɛ nɛ a tsɛɛ kristolo ɔ ngɛ matsɛ sɛ ɔ hɛ mi. Hɛ kali eywiɛ daa si kɛ bɔle matsɛ sɛ ɔ kɔ nya amɛ tsuo a he kɛ kpe, nɛ a hɛ mi, kɛ a se tsuo hɛngmɛ sɔuu.

Hebribi 13:8

Yesu Kristo ɔ, bɔ nɛ e ngɛ hiɛ ɔ, ja nɔuu e ngɛ mwɔnɛ ɔ; nɛ e ngɛ ja nɔuu kɛ yaa neneene.

Mose II, 15:11

“Yawɛ lee, mɛnɔ ngɛ kaa mo? Mɛnɔ ngɛ kaa mo ngɛ mawu ɔmɛ a kpɛti? O je agbo; o he ngɛ gbeye; mo, mo nyakpɛ ní peelɔ.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 11:17

nɛ a de ke, “Nyɔmtsɛ Mawu Ope, Mo nɛ o ngɛ amlɔ nɛ ɔ, nɛ o hi si hyɛ hulɔ ɔ, Wa naa mo si kaa o tsu o he wami kpetekpleenyɛ ɔ he ní, nɛ o bɔni matsɛ yemi!

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Ezekiel 1:6

se a ti nɔ tsuaa nɔ ngɛ hɛ mi eywiɛ kɛ pɛli eywiɛ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Kpojemi 21:22

I nɛ sɔlemi we ko ngɛ ma a mi. Nyɔmtsɛ Mawu Ope ɔ, kɛ To bi ɔ ji e sɔlemi we.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

2 Korintobi 6:18

Ma pee nyɛ tsɛ, nɛ nyɛ maa pee ye binyumuhi kɛ ye biyihi. Imi, Nyɔmtsɛ Ope ɔ, lɛ i de.”

Yesaya 62:1

I be ye nya mae oo! I be ye nya mae! Yerusalem he je ɔ, i be ye nya mae kɛ yaa si a ma he ye ma a yi wami. Nɛ e kunimi yemi ɔ maa je kpo paa nɛ a maa na kaa jatɛ ngɛ diblii mi.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Kpojemi 16:14

Abosiami mumi nɛ tsuɔ nyakpɛ ní ji mɛ. Mumi yayami etɛ nɛ ɔmɛ yaa je nɛ ɔ mi matsɛmɛ ɔmɛ tsuo a ngɔ, konɛ a ya bua a nya kɛ ha ta nɛ maa ba ligbi nguaa a nɛ Mawu Ope ɔ maa kojo je ɔ.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

2 Timoteo 4:2

Lɔ ɔ he ɔ, yaa nɔ nɛ o fiɛ sɛ gbi ɔ be tsuaa be nɛ o ko kpa. Ke o ngɛ munyu ɔ fiɛe ɔ, ná tsui kɛ tsɔɔ tue buli ɔmɛ nɔ́ nya konɛ a na nya saminya. Ka ni ɔmɛ a hɛ mi, nɛ o wo mɛ ga ngɛ be nɛ sa mi.

1 Timoteo 4:16

Timoteo, hyɛ mo nitsɛ o he nɔ saminya; nɔ́ nɛ o ngɛ tsɔɔe ɔ hu hyɛ nɔ bɔ nɛ sa. Ejakaa ke o pee ja a, o ma he mo nitsɛ o yi wami, kɛ nihi nɛ buɔ mo tue ɔ hulɔ.

1 Tesalonikabi 2:9

Nyɛmimɛ, nyɛ ma kai bɔ nɛ wa tsu ní kɛ pɔtɔ! Benɛ wa ngɛ Mawu sane kpakpa a fiɛe kɛ ngɛ nyɛ hae ɔ, wa ngɛ ní tsue nyɔ kɛ pia, konɛ wa ko pee tlomi ngɔ ha nyɛ ti nɔ ko.

Ni Tsumi 20:31

Lɔ ɔ he ɔ, nyɛ hɛ nɛ hi nyɛ he nɔ be tsuaa be, nɛ nyɛ kai kaa i nga vo nyu kɛ tsɔɔ nyɛ ní nyɔ kɛ pia jeha etɛ sɔuu.

Mose II, 3:14

Mawu de Mose ke, “IMI JI NƆ NƐ I JI.” E ya nɔ nɛ e de lɛ ke, “Bɔ nɛ o ma de Israel bi ɔmɛ ji, ‘Nɔ nɛ a tsɛɛ lɛ IMI JI ɔ tsɔ mi nyɛ ngɔ.’ ”

Ezekiel 1:5

I na nɔ́ ko kaa hɛ kali eywiɛ ngɛ ahumi ɔ kpɛti; a ngɛ kaa nimli adesahi;

Ezekiel 1:18

Gahi nɛ a ka nɛ a he ngɛ gbeye ngɛ tlɔɔke nane eywiɛ ɔmɛ tsuo a mi, nɛ hɛngmɛhi bɔle ga amɛ a he tsuo kɛ kpe.

Ezekiel 10:12

Tlɔɔke ɔmɛ a he, a se mi, a nine he, a pɛli ɔmɛ a he, kɛ tlɔɔke nane eywiɛ ɔmɛ a he tsuo hyi tɔ kɛ hɛngmɛhi.

Kpojemi 4:9

Hɛ kali eywiɛ ɔmɛ laa yi jemi la, kɛ sina la, nɛ a kɛ woɔ nɔ nɛ hii si ngɛ matsɛ sɛ ɔ nɔ, nɛ ngɛ daa a hɛ mi nyami. Ke a wo la a nɔ kikɛ nɛ ɔ,

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kpojemi 6:1

Jehanɛ i na nɛ To bi ɔ tsɔ nya sɔumi nɔ́ kpaago ɔmɛ a kpɛti kekleekle nɔ́ ɔ. I nu nɛ hɛ kali eywiɛ ɔmɛ a ti nɔ kake wo gbi kaa nɔ́ nɛ hiɔwe lɛ ngɛ sie, nɛ e de ke, “Ba!”

Kpojemi 6:6

I nu nɛ nɔ́ ko pɛ kaa adesa gbi kɛ je hɛ kali eywiɛ ɔmɛ a kpɛti. Gbi ɔ de ke, “Ngma susumi nɔ́ kake ligbi kake hiɔwo, blɛfo susumi nɔ́ etɛ ligbi kake hiɔwo; se nu tso ɔmɛ, kɛ wai ngmɔ ɔmɛ lɛɛ ko kpata a hɛ mi.”

Kpojemi 7:11

Bɔfo ɔmɛ tsuo daa si kɛ bɔle matsɛ sɛ ɔ, kɛ nikɔtɔma amɛ, kɛ hɛ kali eywiɛ ɔmɛ. Kɛkɛ nɛ a ngɔ a hɛ mi ngɔ bu si ngɛ matsɛ sɛ ɔ hɛ mi, nɛ a ja Mawu,

Kpojemi 14:3

Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.

Kpojemi 15:7

Kɛkɛ nɛ hɛ kali eywiɛ ɔmɛ a ti nɔ kake ha bɔfo kpaago ɔmɛ a ti nɔ tsuaa nɔ sika tsu kplu kake nɛ wai hyi lɛ tɔ. Wai kɛ kplu nɛ ɔ daa si ha Mawu nɛ ngɛ kɛ yaa neneene ɔ mi mi fumi ɔ.

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”