Kpojemi 4:7 - BAIBLO ALOO NGMAMI KLƆUKLƆU Ɔ

⁷ Kekleekle nɔ́ ɔ ngɛ kaa jata, nɛ nɔ́ nɛ ji enyɔ ɔ ngɛ kaa na ku. Hɛ kalɔ nɛ ji etɛ ɔ hɛ mi ngɛ kaa adesa hɛ mi, nɛ nɔ nɛ ji eywiɛ ɔ lɛɛ e ngɛ kaa kɔle nɛ te kɛ bee.

Somi He Ɔ

⁷ Kekleekle hɛ kalɔ ɔ ngɛ kaa jata, nɛ hɛ kalɔ nɛ ji enyɔ ɔ ngɛ kaa na, ne hɛ kalɔ nɛ ji etɛ ɔ ngɛ kaa nɔmlɔ, nɛ hɛ kalɔ nɛ ji eywiɛ ɔ ngɛ kaa kɔle nɛ e ngɛ tee.

Kpojemi 4:7 Cross References

Ezekiel 10:14

Kerub ɔmɛ eko tsuaa eko ngɛ hɛ mi eywiɛ. Kekleekle hɛ mi ɔ, na ku hɛ mi; enyɔne ɔ, nɔmlɔ hɛ mi; etɛne ɔ, jata hɛ mi; nɛ eywiɛne ɔ, kɔle hɛ mi.

Ezekiel 1:10

Hɛ kali eywiɛ ɔmɛ ngɛ hɛ mi slɔɔtoslɔɔto eywiɛɛywiɛ. Bɔ nɛ a hɛ mi ɔmɛ ngɛ ji nɛ ɔ nɛ: nɔmlɔ hɛ mi ngɛ hɛ mi, jata hɛ mi ngɛ hiɔ nɔ, na hɛ mi ngɛ muɔ nɔ, nɛ kɔle hɛ mi ngɛ se je.

Ezekiel 10:21

Kerub tsuaa kerub ngɛ hɛ mi eywiɛ kɛ pɛli eywiɛ, kɛ nɔ́ ko kaa nɔmlɔ nine ngɛ pɛli tsuaa pɛli sisi.

Kpojemi 4:6

Nɔ́ ko hu nɛ ngɛ kaa wo, nɛ ngɛ kpɛe kaa ahuhuɛ nɛ a tsɛɛ kristolo ɔ ngɛ matsɛ sɛ ɔ hɛ mi. Hɛ kali eywiɛ daa si kɛ bɔle matsɛ sɛ ɔ kɔ nya amɛ tsuo a he kɛ kpe, nɛ a hɛ mi, kɛ a se tsuo hɛngmɛ sɔuu.

Daniel 7:4

Kekleekle lohwe ɔ ngɛ kaa jata, se e pɛlihi lɛɛ a ngɛ kaa kɔle pɛlihi. Benɛ i ngɛ lɛ hyɛe kɛ mwɔɔ ɔ, a ba kplɔ e pɛli ɔmɛ ngɛ e he. Jehanɛ, a wo lohwe ɔ nɔ ngɛ zugba; a kɛ lɛ da si ngɛ e nanehi a nɔ kaa nɔmlɔ, nɛ a ha lɛ nɔmlɔ juɛmi.

Ezekiel 1:8

Nɔmlɔ ninehi ngɛ a pɛli ɔmɛ a sisi kakaaka.

Yesaya 40:31

Se ni nɛmɛ nɛ ngɔɔ a hɛ ngɔ fɔɔ Yawɛ nɔ ɔ, a naa he wami he kaa kɔle nɛ ngɛ tee; a tuɔ fo, nɛ pɔ tɔɛ mɛ, a nyɛɛɔ, nɛ a gbɔjɔɔ we.

Mose V, 28:49

Yawɛ ma ha je ma ko nɛ nyɛ nui a gbi maa je zugba a nyagbe he ɔmɛ nɛ a kɛ nyɛ ba hwu. A ma ba tua nyɛ tlukaa kaa bɔ nɛ kɔle gblɔɔ nɔ́ ɔ.

Obadia 1:4

O ya pee o hi he ngɛ hiɔwe lokoo kaa kɔle tsu, nɛ e peeɔ mo kaa dodoehi a kpɛti nɛ o ngɛ. Se kɛ ɔ, ma gbla mo kɛ ba zugba.” Yawɛ lɛ de.

Abɛ Womi 28:2

Ma nɛ peeɔ yayami ɔ, pe a hii ma nɔ yeli ɔmɛ tsakee nɔtonɔto kpamisa. Se ma nɛ ní leli, kɛ nɔ́ sisi nuli hiɛ ngɛ mi ɔ, e maa si kpɛii.

Samuel II, 1:23

“Saul kɛ Yonatan a he ngɛ bua jɔmi; a suɔ mɛ saminya. Wami mi jio, gbenɔ mi jio, a mi gba we. A he sɔɔ pe kɔle; nɛ a he wa pe jata.

Mose I, 49:9

Yuda ngɛ kaa jata nɛ ya ye de lo nɛ e kpale ba ba buu si, ngɛ e he jɔɔe; mɛnɔ ma nyɛ maa tsɛ̃ɛ̃ lɛ?

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Mose IV, 24:9

E bua e he nya, nɛ e buu si kaa jata ku; Ee e buu si kaa jata yo. Mɛnɔ ma nyɛ maa tsɛɛ lɛ? Nɔ tsuaa nɔ nɛ gbaa mo ɔ, a maa gbaa lɛ; Nɔ tsuaa nɔ nɛ gbiɛɛ mo ɔ, a maa gbiɛ lɛ.”

Mose IV, 23:24

Israel ma a ngɛ kaa jata katsɛ; e bu we si, nɛ e jɔɔ we e he, ja e ye de lo ɔ tsuatsuaatsua, nɛ e nu lohwe nɛ e gbe ɔ muɔ lolo.”

Kpojemi 6:3

Benɛ To bi ɔ tsɔ nya sɔumi nɔ́ enyɔne ɔ, i nu nɛ hɛ kalɔ enyɔne ɔ de ke, “Ba.”

Kpojemi 6:5

Jehanɛ ɔ, To bi ɔ tsɔ nya sɔumi nɔ́ etɛne ɔ, nɛ i nu nɛ hɛ kalɔ etɛne ɔ de ke, “Ba!” Nɛ́ i ke i hyɛɛ ɔ, okpɔngɔ yumu ko ji nɛ ɔ, nɛ nɔ nɛ hii si ngɛ nɔ ɔ hɛɛ sɛni ngɛ e dɛ mi.

Kpojemi 6:7

Benɛ To bi ɔ tsɔ nya sɔumi nɔ́ eywiɛne ɔ nya a, i nu nɛ hɛ kalɔ nɛ ji eywiɛ ɔ de ke, “Ba!” Nɛ benɛ i ke i hyɛɛ ɔ, okpɔngɔ lazulazu ko ji nɛ ɔ nɛ. Nɔ nɛ hii si ngɛ okpɔngɔ ɔ nɔ ɔ biɛ ji Gbenɔ, nɛ Gbeje nyɛɛ e se haa. Mawu ha mɛ he wami ngɛ je ɔ mi dlami eywiɛ mi kake nɔ, konɛ a ngɔ ta, hwɔ, gbenɔ hiɔ, kɛ lohwe awi yeli kɛ kpata je ɔ hɛ mi.