Kpojemi 4:5 - BAIBLO ALOO NGMAMI KLƆUKLƆU Ɔ

⁵ I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

Somi He Ɔ

⁵ Nɛ oslaba gbami kɛ gbi kɛ hiɔwe simi je matsɛ sɛ ɔ mi, nɛ la hahi kpaago nɛ ngɛ tsoe nɛ ji Mawu mumihi kpaago ɔ ngɛ matsɛ sɛ ɔ hɛ mi.

Kpojemi 4:5 Cross References

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Kpojemi 1:4

Imi Yohane nɛ i ngma womi nɛ ɔ ya ha asafo kpaago ɔmɛ ngɛ Asia. Dloomi kɛ he jɔmi nɛ je Mawu, nɔ nɛ ngɛ kɛ je blema, nɔ nɛ ngɛ amlɔ nɛ ɔ, nɛ e maa ba a dɛ mi ɔ ha nyɛ. Jehanɛ ɔ, mumi kpaago ɔmɛ nɛ ngɛ Mawu matsɛ sɛ ɔ hɛ mi ɔ,

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Yoel 3:16

Yawɛ wo gbi kɛ je Zion yo ɔ nɔ; e gbi ɔ ké kɛ je Yerusalem. Kɛkɛ nɛ hiɔwe kɛ zugba mimiɛ. se Yawɛ ji wesa he kɛ ha e ma Israel ɔ.

Ezekiel 1:13

Nɔ́ ko ngɛ hɛ kali ɔmɛ a kpɛti jee kaa la ngu nɛ ngɛ tsoe. E ngɛ pãe kaa jatɛ kɛ nyɛɛ hɛ kali ɔmɛ a kpɛti kɛ ngɛ yae kɛ ngɛ bae. La a ngɛ kpɛe, nɛ oslabai ngɛ gbae kɛ ngɛ mi jee.

La 68:35

Mawu, Israel Mawu ɔ he ngɛ gbeye ngɛ e hi he klɔuklɔu ɔ. E haa e ma a he wami, kɛ nyɛmi. A je Mawu yi.

Kronika II, 4:20

kane tso ɔmɛ, kɛ kane ɔmɛ nɛ a kɛ sika tsu ngmingmiingmi pee, nɛ a maa su kɛ ma he klɔuklɔu pe kulaa a hɛ mi kaa bɔ nɛ a tsɔɔ ɔ,

Mose II, 37:23

Jehanɛ, e pee kane kpaago kɛ ma kane tso ɔ nɔ; nɛ e kɛ sika tsu ngmingmiingmi pee kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu.

Ni Tsumi 2:3

Nɛ ní komɛ kaa la lilɛ nɛ a gba mi ba ma a yi mi kakaaka.

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Mose I, 15:7

Jehanɛ Yawɛ de Abram ke, “Imi ji Yawɛ nɛ e kɛ mo je Ur ngɛ Babilonia kɛ ba hiɛ ɔ, konɛ ma ngɔ zugba nɛ ɔ ngɔ ha mo ɔ nɛ.”

Mose II, 25:37

Jehanɛ, moo pee kane kpaago kɛ ma kane tso ɔ nɔ, konɛ a la a nɛ kpɛ kɛ ya hlami.

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Kpojemi 10:3

nɛ e kpa ngmlaa wawɛɛ kaa jata nɛ ngɛ huãe. Benɛ e pee ja a, hiɔwe wo gbi, nɛ e si si kpaago.