Kpojemi 4:4 - BAIBLO ALOO NGMAMI KLƆUKLƆU Ɔ

⁴ Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Somi He Ɔ

⁴ Nɛ matsɛ sɛ ɔ he ɔ, matsɛ sɛhi nyingmi enyɔ kɛ eywiɛ bɔle lɛ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ sɛ ɔmɛ a nɔ; sa wo tade hiɔhi, nɛ sika jlasi fi a yi.

Kpojemi 4:4 Cross References

Kpojemi 11:16

Kɛkɛ nɛ nikɔtɔma nyingmi enyɔ kɛ eywiɛ ɔmɛ nɛ hii si ngɛ a matsɛ sɛ ɔmɛ a nɔ ngɛ Mawu hɛ mi ɔ ngɔ a hɛ mi ngɔ bu si; nɛ a ja Mawu,

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

Kpojemi 7:11

Bɔfo ɔmɛ tsuo daa si kɛ bɔle matsɛ sɛ ɔ, kɛ nikɔtɔma amɛ, kɛ hɛ kali eywiɛ ɔmɛ. Kɛkɛ nɛ a ngɔ a hɛ mi ngɔ bu si ngɛ matsɛ sɛ ɔ hɛ mi, nɛ a ja Mawu,

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 5:14

Kɛkɛ nɛ hɛ kali eywiɛ ɔmɛ de ke “Amen!” Nɛ nikɔtɔma amɛ ngɔ a hɛ mi ngɔ bu si, nɛ a ja Mawu kɛ To bi ɔ.

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

Kpojemi 19:4

Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

La 21:3

O gbaa lɛ kɛ ní kpakpahi babauu; o fi lɛ jlasi nɛ a kɛ sika tsu ngmingmiingmi pee.

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.

Kpojemi 9:7

Baalɛ ɔmɛ ngɛ kaa okpɔngɔhi nɛ a mia mɛ kɛ ha ta; ní komɛ fi a yi kaa sika tsu jlasi, nɛ a hɛ mi ngɛ kaa nimli a hɛ mi.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Kpojemi 4:6

Nɔ́ ko hu nɛ ngɛ kaa wo, nɛ ngɛ kpɛe kaa ahuhuɛ nɛ a tsɛɛ kristolo ɔ ngɛ matsɛ sɛ ɔ hɛ mi. Hɛ kali eywiɛ daa si kɛ bɔle matsɛ sɛ ɔ kɔ nya amɛ tsuo a he kɛ kpe, nɛ a hɛ mi, kɛ a se tsuo hɛngmɛ sɔuu.

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kpojemi 5:11

Jehanɛ ɔ, ngɛ nina a mi ɔ, i nu bɔfohi babauu akpeakpe abɔ a gbi nɛ bɔle matsɛ sɛ ɔ, kɛ hɛ kali ɔmɛ, kɛ nikɔtɔma amɛ kɛ kpe.

Kpojemi 14:3

Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.