Kpojemi 4:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”

Somi He Ɔ

¹ Ni nɛ ɔmɛ a se ɔ i hyɛ, nɛ oʼɛ, sinya ko nɛ a bli ngɛ hiɔwe. Kekleekle gbi nɛ i nu nɛ ngɛ kaa titimati nɛ kɛ mi tu munyu ɔ ke: “Kuɔ kɛ ba hiɛ ɔ nɛ ɔ nɛ ma tsɔɔ mo nihi nɛ maa ba mi ngɛ ni nɛ ɔmɛ a se.”

Kpojemi 4:1 Cross References

Kpojemi 11:12

Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Kpojemi 1:19

Lɔ ɔ he ɔ, ngmaa nɔ́ nɛ o na nɛ ngɛ nɔ yae amlɔ nɛ ɔ, kɛ nɔ́ nɛ maa ba hwɔɔ se ɔ.

Kpojemi 1:10

Nyɔmtsɛ ɔ ligbi ɔ, mumi ɔ ba ye nɔ, nɛ i nu gbi ko nɛ ngɛ pɛe wawɛɛ kaa titimati ngɛ ye se.

Marko 1:10

Benɛ Yesu je kpo kɛ je nyu ɔ mi nɔuu pɛ kɛkɛ nɛ e na nɛ hiɔwe nya bli, nɛ Mumi ɔ ngɛ si kplee kaa lahuɛ kɛ ma e nɔ.

Kpojemi 22:6

Kɛkɛ nɛ bɔfo ɔ de mi ke, “Anɔkuale munyu nɛ sa kaa a he ye ji nɛ ɔ nɛ. Nyɔmtsɛ Mawu, nɔ nɛ haa e mumi ɔ baa gbali ɔmɛ a nɔ ɔ, lɛ nɛ tsɔ e bɔfo ɔmɛ, konɛ a ba tsɔɔ e tsɔli ɔmɛ nɔ́ nɛ maa ba ngɛ be kpiti mi.”

Kpojemi 16:17

Enɛ ɔ se ɔ, bɔfo kpaagone ɔ plɛ e kplu ɔ mi nɔ́ ɔ ngɔ pue kɔɔhiɔ mi. Nɛ gbi ko pɛ wawɛɛ kɛ je matsɛ sɛ ɔ he ngɛ sɔlemi we ɔ de ke, “A gbe nya!”

Ni Tsumi 7:56

Kɛkɛ nɛ e de ke, “Nyɛɛ hyɛ, i na hiɔwe nya nɛ bli nɛ Nɔmlɔ Bi ɔ daa si ngɛ Mawu hiɔ nɔ!”

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Luka 3:21

Benɛ a sɔle ni ɔmɛ tsuo se ɔ, a sɔle Yesu hulɔ; nɛ benɛ e ngɛ sɔlee ɔ, hiɔwe nya bli,

Mose II, 19:24

Yawɛ de Mose ke, “Kple si nɛ o ya ngɔ Aaron kɛ ba. Se osɔfo ɔmɛ, kɛ ma a lɛɛ ko ha nɛ a gba piɛ ɔ nɛ a kuɔ kɛ ba ye ngɔ, nɛ ma ko ba gbla a tue.”

Ni Tsumi 10:11

E na nɛ hiɔwe nya bli, nɛ nɔ́ ko kaa bo nguaa ko je lejɛ ɔ kɛ ma zugba kaa nɔ nɛ pe a hɛɛ e kɔ nya eywiɛ ɔmɛ a mi.

Mateo 3:16

Benɛ a sɔle Yesu ɔ, e je kpo amlɔ kɛ je pa a mi. A bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo nɛ ma e nɔ mami.

Mose II, 1:1

Yakob, nɛ a tsɛɛ lɛ Israel ɔ binyumuhi nɛ e kɛ ba Egipt ɔ, a biɛhi ji nɛ ɔmɛ nɛ: Ruben, Simeon, Levi, Yuda, Isakar, Zebulun, Benyamin, Dan, Naftali, Gad, kɛ Asher. A ti nɔ tsuaa nɔ kɛ e yo kɛ e bimɛ ba.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Kpojemi 1:12

I plɛ ye he, konɛ ma hyɛ nɔ nɛ kɛ mi ngɛ munyu tue ɔ. Nɛ benɛ i plɛ ɔ, i na sika tsu kane tso kpaago,

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Abɛ Womi 25:7

E hi kaa a ma tsɛ mo kɛ ya yimɛ a je pe nɔ́ nɛ a maa tsɛ̃ mo kɛ ya sisimɛ a je ngɛ ganɔ ɔ hɛ mi.