Kpojemi 3:8 - BAIBLO ALOO NGMAMI KLƆUKLƆU Ɔ

⁸ I le ní nɛ o tsuɔ. I le kaa o he wɛ tsɔ; se o yeɔ ye mlaa amɛ a nɔ, nɛ o yeɔ mi anɔkuale. Hyɛ, i bli sinya ko ngɔ fɔ si ngɛ o hɛ mi, nɛ nɔ ko nɔ ko be nyɛe ma nga.

Somi He Ɔ

⁸ I le o ni tsumi ɔmɛ; nɛ oʼɛ, i bi sinya ngɔ fɔ si ngɛ o hɛ kpɛ, nɛ nɔ ko be nyɛe ma nga, ejakaa he wami bɔɔ ngɛ, se o ye ye munyu ɔ nɔ, nɛ o kua we ye biɛ ɔ.

Kpojemi 3:8 Cross References

1 Korintobi 16:9

Blɔ bli ha mi ngɛ hiɛ ɔ nɛ ma tsu ní saminya, se kɛ̃ ɔ, nihi nɛ teɔ si woɔ mi ɔ, mɛ hu a ngɛ hiɛ ɔ babauu.

Kolosebi 4:3

Nyɛɛ sɔle ha wɔ hulɔ, konɛ Mawu nɛ bli blɔ ha wɔ nɛ waa fiɛ e sɛ gbi nɛ kɔɔ Kristo he ɔ. Ejakaa Kristo laami sane nɛ ɔ he nɛ a wo mi tsu ngɛ.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

2 Korintobi 2:12

Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Luka 12:9

Se nɔ nɛ kuaa mi ngɛ nimli a hɛ mi ɔ, Nɔmlɔ Bi ɔ hu ma kua lɛ ngɛ Mawu bɔfo ɔmɛ a hɛ mi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Kpojemi 3:15

I le ní nɛ o tsuɔ. I le kaa o be yluduu, nɛ o be kalakala hulɔ. I ná nɛ o ngɛ yluduu, loo kalakala!

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

1 Timoteo 5:8

Kristo se nyɛɛlɔ nɛ hyɛ we e nyɛmimɛ a nɔ, titli ɔ, lɛ nitsɛ e we mi bimɛ ɔ, blɔɔ e ngmɛɛ e hemi kɛ yemi ɔ he. Afani nɔ nɛ he we Kristo yi ngɛ kikɛmɛ a nɔmlɔ nɛ ɔ he.

2 Timoteo 4:7

Ta kpakpa a, i hwu; i tu fo ɔ tsuo gbe nya. I pɛtɛ hemi kɛ yemi ɔ he.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Yohane 15:20

Nyɛ kai kaa i de nyɛ momo ke, ‘Nyɔguɛ pã we e nyɔmtsɛ.’ Nɛ́ a wa mi yi mi ɔ, nyɛɛ lɛɛ kɛ a maa pee nyɛ kɛɛ? Ke a bu mi tue ɔ, nyɛ hu a maa bu nyɛ tue.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Daniel 11:34

Be mi nɛ a ngɛ Mawu ma mi bi ɔmɛ gbee ɔ, ni komɛ ma ba je ngmlaa ha mɛ kɛ̃. Se ngmlaa jeli nɛ ɔmɛ a ti nihi babauu maa ba ngɛ mɛ nitsɛmɛ a se nami he.