Kpojemi 3:4 - BAIBLO ALOO NGMAMI KLƆUKLƆU Ɔ

⁴ Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

Somi He Ɔ

⁴ Se kɛ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu; a kɛ mi maa nyɛɛ ngɛ tade hiɔhi a mi, ejakaa a sa ja.

Kpojemi 3:4 Cross References

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Kpojemi 6:11

A ha a ti nɔ tsuaa nɔ tade hiɔ klɔii, nɛ a de mɛ ke a jɔɔ a he be bɔɔ ko lolo kɛ yaa si a maa gbe a nyɛmimɛ Kristo se nyɛɛli ɔmɛ tsuo nɛ piɛ ɔ kaa bɔ nɛ a gbe mɛ nitsɛmɛ ɔ. Nimli nɛ ɔmɛ hu sɔmɔɔ Mawu kaa mɛ kɛ̃.

Fiɛlɔ 9:8

Wo tade hiɔ be tsuaa be, nɛ o ko ha nɛ nu nɛ ta o yi mi.

Kpojemi 19:14

Hiɔwe ta buli ɔmɛ wo tade nɛ a kɛ kploba hiɔ ngmingmiingmi nɛ ngɛ kpɛe klaiklai kpɛ, nɛ a hi okpɔngɔ hiɔhi a nɔ kɛ nyɛɛ e se.

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Marko 16:5

Kɛkɛ nɛ a sɛ yɔkɔ ɔ mi, nɛ a na niheyo ko nɛ hii si ngɛ hiɔ nɔ je kɛ e he tade hiɔ klɔii. Enɛ ɔ ha nɛ a ye gbeye.

Luka 20:35

Se ni nɛmɛ nɛ sa kaa a te si kɛ je gbeje, nɛ a hi wami mi ekohu yi nɔ nɛ maa ba a, mɛɛ lɛɛ a be yo ngɔe, nɛ a kɛ yo be gba hae hulɔ.

Mateo 10:11

“Ma tsuaa ma, aloo kɔpe tsuaa kɔpe nɛ nyɛ maa sɛ mi ɔ, nyɛ bi si kaa nɔ ko ngɛ lejɛ ɔ nɛ maa suɔ kaa e he nyɛ atuu lo. Nyɛ ya to lɛ kɛ yaa su be nɛ nyɛ maa je.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

2 Tesalonikabi 1:5

Enɛ ɔ tsɔɔ paa kaa Mawu yeɔ dami sane; e ngɔ nɔ́ nɛ nyɛ ngɛ nae nɛ ɔ kɛ ngɛ nyɛ dlae kɛ ha e matsɛ yemi ɔ.

Yesaya 64:6

Wɔ tsuo wa pee yayami, nɛ wa plɛ pee nihi nɛ a he tsɔ we. Kpakpa nɛ wa peeɔ ɔ po ngɛ kaa tade sɛmusɛmu ngɛ o hɛ mi. Wa yayami ɔmɛ ha wɔ tsuo wa pee kaa ba gbigbli nɛ kɔɔhiɔ muɔ kɛ yaa.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 52:1

Yerusalem, tee si nɛ o pee ma nguaa ekohu! Mawu ma klɔuklɔu, o hɛ mi nɛ ba nyami, nɛ́ a bu mo saminya! Ma je li be hiɛ ɔ bae hu gblegbleegble.

La 68:14

Benɛ Mawu Ope ɔ gbɛ matsɛmɛ ɔmɛ ngɔ fĩa a, e pee kaa nɔ́ nɛ snoo ngɛ nɛe ngɛ Zalmon yo ɔ nɔ.

Ester 8:15

Benɛ Mordekai je matsɛ we ɔ kɛ ma a, e wo ablade tade bluu kɛ futaa, nɛ sika tsu jlasi ngɛ e yi. E wo ablade tade wuyaa nɛ a kɛ kɔbɛi kpa kpakpa lo hulɔ. Kɛkɛ nɛ a he ose ngɛ Susa ma a mi; nɛ blɔ ɔmɛ tsuo a nɔ pee hoo kɛ bua jɔmi.

Ni Tsumi 1:15

Be bɔɔ se ɔ, nihi maa pee lafa kɛ nyingmi enyɔ nɛ he Yesu ye ɔ ba bua a he nya. Kɛkɛ nɛ Petro te da si, nɛ e kɛ mɛ tu munyu ke,

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yesaya 1:9

Kaa Yawɛ Tabohiatsɛ ɔ ha we nɛ wa ti ni komɛ a yi nɛ na wami ɔ, wa ko pee kaa Sodom kɛ Gomora.

Matsɛmɛ I, 19:18

Se kɛ̃ ɔ, i si gbali akpe kpaago hɛ ngmengmle ngɛ Israel nɛ mɛɛ a kpla we si kɛ ha we Baal, nɛ a fiɔ we e nya he hulɔ.”

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Mose III, 13:48

bo nɛ a kɛ kuutu kpa, loo kploba kpa lo jio, lohwe he womi, loo nɔ́ ko nɛ a kɛ lohwe he womi pee jio,