Kpojemi 3:2 - BAIBLO ALOO NGMAMI KLƆUKLƆU Ɔ

² Lɔ ɔ he ɔ, tee si, nɛ nɔ́ nɛ ngɛ o dɛ kɛ mwɔɔ, nɛ miɔ nɛ e ma gbo ɔ, wo lɛ he wami. Ejakaa ní nɛ o tsu ɔ, i nɛ kaa e hi kɛ pi si lolo ngɛ ye Mawu ɔ hɛ mi.

Somi He Ɔ

² Lɔ ɔ he ɔ, fo hɛ nɛ tsɛ, nɛ o waje nihi nɛ piɛ nɛ ngɛ hlae nɛ a gbo ɔ. Ejakaa i nɛ o ni tsumi ɔmɛ eko nɛ hi kɛ pi si ngɛ ye Mawu ɔ hɛ mi.

Kpojemi 3:2 Cross References

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.

Yesaya 35:3

Ninehi nɛ pɔ tɔ mɛ ɔ, nyɛɛ wo mɛ he wami; nɛ nakutsohi nɛ gbɔjɔ ɔ, nyɛ ha nɛ a da si kpɛii.

Kronika II, 25:2

Amazia pee Yawɛ suɔmi nya ní, se pi kɛ e tsui tsuo.

Ni Tsumi 18:23

E hi lejɛ ɔ be bɔɔ ko; lɔ ɔ se ɔ, e pue nɔ ekohu, nɛ e ya kpa Galatia, kɛ Frigia ní ɔmɛ a mi, nɛ e wo nihi nɛ he ye ɔ tsuo he wami.

Mateo 25:13

Nɔ́ nɛ Yesu de kɛ gbe e munyu ɔ nya ji, “Lɔ ɔ he ɔ, nyɛɛ hyɛ nyɛ he nɔ saminya, ejakaa jamɛ a ligbi ɔ, loo jamɛ a ngmlɛfia a, nyɛ li.

Mose V, 3:28

Wo Yoshua mlaa, nɛ o wo lɛ kã kɛ he wami; ejakaa lɛ ji nɔ nɛ maa nyɛɛ ma a hɛ mi kɛ po pa a kɛ ya ngɔ zugba a nɛ o ngɛ hyɛe ɔ.’

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Daniel 5:27

TEKEL: a ngmɛ mo ngɛ sɛni nɔ, nɛ a na kaa o jiɔ we kulaa.

Yesaya 57:12

Nyɛ susuɔ kaa nɔ́ nɛ nyɛ ngɛ pee ɔ da, se ma ha nyɛ maa na paa kaa amaga amɛ nɛ nyɛ ngɛ a se nyɛɛe ɔ be nyɛe maa pee nɔ́ kpakpa ko ha nyɛ.

Yesaya 56:10

E ke, “Ma hɛ mi nyɛɛli ɔmɛ nɛ sa kaa a kaa ye ma a hɛ mi ɔ, hɛ yuyuili ji mɛ tsuo; a li nɔ́ ko nɔ́ ko! A ngɛ kaa we he bumi gbehi nɛ kpa we ngmlaa; daa nɛ ɔ, mahe mi kɛkɛ a hii nɛ a hii nlae. Lɔ ɔ ji nɔ́ nɛ a suɔ!

Matsɛmɛ I, 15:3

E ya wo e tsɛ nane, nɛ e pee yayami nɛ e tsɛ pee ɔ tsuo pɛpɛɛpɛ. E ya nyɛɛ we Yawɛ, e Mawu ɔ se kaa bɔ nɛ e nɛnɛkasowa David pee ɔ.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Zakaria 11:16

Ejakaa i ngɛ to hyɛlɔ ko tsɔe kɛ ma zugba a nɔ. Tohi nɛ a hɛ mi miɔ nɛ e kpata a, a nɔ́ pee we lɛ kɔmɔ. Ní nɛmɛ nɛ laa a, e be a se blɔ hlae. Hiɔtsɛmɛ ɔmɛ hu e be mɛ tsae; nɛ ní nɛmɛ nɛ ngɛ he wami ɔ hu, e be mɛ ní hae; mohu ɔ, e maa ye ní nɛmɛ nɛ wo zɔ ɔ, nɛ e ma kpɔ a nane kokloto tete.

Hiob 16:5

Jinɛ ma wo nyɛ ga, nɛ ma tu munyu kɛ wo nyɛ bua.

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

Mateo 25:7

Yihewi ɔmɛ tsuo te si, nɛ a tsɛ̃ a kane ɔmɛ a mi.