Kpojemi 3:11 - BAIBLO ALOO NGMAMI KLƆUKLƆU Ɔ

¹¹ I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.

Somi He Ɔ

¹¹ Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!

Kpojemi 3:11 Cross References

Yakobo 1:12

Nɔ nɛ ke a ngɛ lɛ kae ɔ, e toɔ e tsui si, nɛ e ngmɛɛ we e hemi kɛ yemi he ɔ, á gbaa lɛ. Ejakaa ke e nyɛ gblee ka a mi ɔ, neneene wami nɛ Mawu wo si kaa a ma ha nihi nɛ suɔ lɛ ɔ, e nine maa su nɔ.

Kpojemi 22:12

Yesu ke, “Bu tue! I ma nɔuu! I hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ ní nɛ e tsu ɔ nya.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 2:25

kaa nyɛɛ pɛtɛ nɔ́ nɛ nyɛ ngɛ ɔ he wawɛɛ kɛ yaa si ma ba.

2 Timoteo 4:8

Lɔ ɔ he ɔ, Mawu ngɔ ye hiɔwo nɛ ji jlasi nɛ e kɛ haa nihi tsuo nɛ peeɔ nɔ́ nɛ da a ngɔ to ha mi. Kojomi ligbi ɔ, Nyɔmtsɛ Yesu Kristo, nɔ nɛ yeɔ dami sane ɔ maa ngɔ ye jlasi ɔ ngɔ ha mi. Pi imi nɔ kake pɛ nɛ e ma ha, se mohu e ma ha nihi tsuo nɛ suɔ lɛ, nɛ a ngɛ e bami ɔ blɔ hyɛe ɔ.

2 Timoteo 2:5

Loko fo dalɔ ko nine maa su kunimi yemi jlasi nɔ ɔ, ja e ye fo dami he mlaa amɛ tsuo a nɔ pɛpɛɛpɛ.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Kpojemi 1:3

A gbaa nɔ nɛ kaneɔ womi nɛ ɔ. Nihi nɛ nuɔ sɛ gbi nɛ a gba ngɔ to ngɛ womi nɛ ɔ mi, nɛ a yeɔ nɔ ɔ, á gbaa mɛ. Ejakaa be ɔ nɛ ní nɛ ɔmɛ tsuo maa ba mi ɔ su ta.

Kpojemi 4:10

nikɔtɔma nyingmi enyɔ kɛ eywiɛ ɔmɛ ngɔɔ a hɛ mi kɛ buɔ si ngɛ nɔ nɛ hii si ngɛ matsɛ sɛ ɔ nɔ, nɛ ngɛ kɛ yaa neneene ɔ hɛ mi, nɛ a jaa lɛ. A ngɔɔ a jlasi ɔmɛ kɛ pueɔ matsɛ sɛ ɔ hɛ mi, nɛ a deɔ ke,

1 Korintobi 9:25

Nihi nɛ kaa a kpɔhi a mi ɔ, a hɛ mi kaa si be tsuaa be, bɔ nɛ pee nɛ a ná jlasi nɛ puɛɔ. Se wɔɔ lɛɛ wa peeɔ jã, konɛ wa nine nɛ su jlasi nɛ puɛ we gblegbleegble ɔ nɔ.

Kpojemi 3:3

Lɔ ɔ he ɔ, kaii nɔ́ nɛ a tsɔɔ mo, kɛ nɔ́ nɛ o nu ɔ. Bu tue, nɛ o tsake o tsui. Ke o pee we ja a, ma ba na mo tlukaa kaa julɔ be mi nɛ o hɛ be o he nɔ.

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Zefania 1:14

Jamɛ a ligbi nguaa a nɛ Yawɛ maa gbla e ma a tue ɔ ma kɛ fo; e su si ta! E maa pee aywilɛho ligbi, ejakaa ta buli katsɛmɛ po a hɛ maa dɔ, nɛ a ma fo ya boboobo.

Yakobo 5:9

Ye nyɛmimɛ, nyɛ ko pia nyɛ sibi, konɛ Mawu ko kojo nyɛ. Hyɛ, kojolɔ ɔ daa si ngɛ sinya a nya.

Filipibi 4:5

Nyɛ ná nɔ tsuaa nɔ he tsui. Nyɔmtsɛ ɔ su si ta.

Kpojemi 16:15

Nyɔmtsɛ ɔ ke, “Hyɛ! I ma kaa julɔ! Nɔ nɛ huɔɔ, nɛ e peeɔ e tade klaalo ɔ, a gbaa lɛ! E be e he gu hɛɛe nɛ e zo ba je kpo!”