Kpojemi 22:2 - BAIBLO ALOO NGMAMI KLƆUKLƆU Ɔ

² kɛ ba be ngɛ gbɛjegbɛ nɛ ngɛ ma a mi ɔ kpɛti. Tso nɛ haa nɔ wami ɔ ngɛ pa a tue hiɛ kɛ hiɛ. E woɔ yiblii si nyɔngma kɛ enyɔ ngɛ jeha mi; nyɔhiɔ tsuaa nyɔhiɔ ɔ, e woɔ si kake, nɛ a kɛ e ba a tsaa nihi ngɛ je ɔ mi.

Somi He Ɔ

² nɛ ma a kpɛti kɛ pa a tue hiɛ ɔ kɛ hiɛ ɔ kulaa a wami tso ɔ maa si, nɛ e woɔ yiblii si nyɔngma kɛ enyɔ, hlami tsuaa hlami ɔ, e woɔ yiblii si kake, nɛ tso ɔ yi ba amɛ ɔ, a kɛ tsaa je ma amɛ.

Kpojemi 22:2 Cross References

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Kpojemi 2:7

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ blɔ nɛ a maa ye tso nɛ haa nɔ wami nɛ ngɛ Mawu abɔɔ ɔ mi ɔ yiblii.”

Mose I, 2:9

E ha tso slɔɔtoslɔɔtohi puɛ ngɛ ngmɔ ɔ mi: tsohi nɛ ngɛ fɛu, kɛ ní nɛmɛ nɛ woɔ yiblii nɛ a yeɔ. Tso nɛ haa nɔ wami, kɛ tso nɛ haa nɔ leɔ kpakpa kɛ yayami maa si ngɛ ngmɔ ɔ kpɛti tutuutu.

Kpojemi 22:14

A gbaa nihi nɛ fɔ a tade ɔmɛ a he ɔ. Ee, a maa ye tso nɛ haa nɔ wami ɔ yiblii ɔ eko, nɛ a maa gu agbo ɔmɛ a mi kɛ ya ma a mi.

Abɛ Womi 3:18

Nihi nɛ le ní ɔ, a naa bua jɔmi; nile haa mɛ wami.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Kpojemi 21:24

Nimli tsuo nɛ ngɛ je ɔ mi ɔ maa nyɛɛ ngɛ la a mi, nɛ zugba a nɔ matsɛmɛ ɔmɛ maa ngɔ a hɛ mi nyami babauu ɔ kɛ ba ma a mi.

Kpojemi 21:21

Agbo nyɔngma kɛ enyɔ ɔmɛ ɔ, adiagba nyɔngma kɛ enyɔ sɔuu, agbo tsuaa agbo ɔ, adiagba kake a kɛ pee. Gbɛjegbɛ nɛ ngɛ ma a mi ɔ, sika tsu ngmingmiingmi a kɛ pee; e mi tsɔ keikei kaa ahuhuɛ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Ezekiel 47:1

Nyumu ɔ ngɔ mi kɛ ba Yawɛ we ɔ agbo ɔ nya ekohu. Nyu hia kɛ je kpoku ɔ sisi, nɛ e be kɛ yaa beleku je, he nɛ Yawɛ we ɔ plɛ e hɛ mi kɛ kpee ɔ. Nyu ɔ hia kɛ je we ɔ leneyi je kɛ ya be ngɛ bɔ sami la tɛ ɔ leneyi je.

La 147:3

Ni nɛmɛ nɛ a tsui ku ɔ, e ngɛ mɛ tsae, nɛ e ngɛ a pa amɛ a nɔ fie.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Yeremia 17:14

Yawɛ, tsa mi, nɛ ye he mi nɛ wa mi kɛ pi si. He mi, konɛ ye yi nɛ na wami, ejakaa mo pɛ o yi i jeɔ.

Yesaya 6:10

E ya nɔ nɛ e de mi ke, “Ha nimli nɛ ɔmɛ a tsui nɛ ti; a tue nɛ wa, nɛ a hɛngmɛ hu nɛ ma, bɔ nɛ pee nɛ a hɛngmɛ ko hyɛ nɔ́, nɛ a tue hu ko nu nɔ́, konɛ a ko nu nɔ́ sisi, nɛ a ba kpale kɛ ba nɛ a tsa mɛ.”

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.