Kpojemi 20:4 - BAIBLO ALOO NGMAMI KLƆUKLƆU Ɔ

⁴ Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Somi He Ɔ

⁴ Kɛkɛ nɛ i na matsɛ sɛhi kɛ nihi nɛ hii si ngɛ a nɔ ɔ; a ngɔ kojomi ngɔ ha mɛ. Nɛ i na nihi nɛ a po a yi ngɛ Yesu he odase yemi ɔ kɛ Mawu munyu ɔ he ɔ a klaa amɛ, kɛ ninɛmɛ nɛ ja we lohwe ɔ loo e maga a nɛ a he we e kadi ɔ ngɛ a hɛ nya loo a dɛ mi ɔ. A hɛ ngɛ, nɛ a kɛ Kristo ye matsɛ jeha akpe.

Kpojemi 20:4 Cross References

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Daniel 7:18

Se nyagbe ɔ, Hiɔwe No ɔ we ni klɔuklɔu ɔmɛ a nine maa su matsɛ yemi ɔ nɔ, nɛ a maa ye matsɛ kɛ maa ya neneene.”

Mateo 19:28

Yesu de mɛ ke, “Niinɛ, i ngɛ nyɛ dee ke, je he ɔ mi, benɛ Nɔmlɔ Bi ɔ maa hi e nyami sɛ ɔ nɔ ɔ, nyɛ hu nyɛ maa hi matsɛ sɛ nyɔngma kɛ enyɔ nɔ, nɛ nyɛ maa kojo Israel wɛtso nyɔngma kɛ enyɔ ɔmɛ.

Kpojemi 6:9

Jehanɛ ɔ, To bi ɔ tsɔ nya sɔumi nɔ́ enuɔne ɔ. Nɛ i na nihi nɛ ye Mawu munyu ɔ he odase nɛ a gbe mɛ ngɛ he ɔ a klaahi ngɛ bɔ sami la tɛ ɔ sisi.

Kpojemi 3:21

Ni nɛmɛ nɛ maa ye kunimi ɔ, ma ha mɛ blɔ nɛ a maa hi ye kasa nya ngɛ ye matsɛ sɛ ɔ nɔ kaa bɔ nɛ imi hu i ye kunimi, nɛ amlɔ nɛ ɔ, i hii si ngɛ Tsaatsɛ kasa nya ngɛ e matsɛ sɛ ɔ nɔ ɔ.

2 Timoteo 2:12

Ke wa mia wa hɛ mi ngɛ nɔ́ nami mi ɔ, waa kɛ lɛ maa ye matsɛ hulɔ. Ke wa kua lɛ ɔ, lɛ hu e ma kua wɔ.

Daniel 7:22

Pee se ɔ, nɔ nɛ ngɛ daa a ba, nɛ e ba wo Hiɔwe No ɔ we ni klɔuklɔu ɔmɛ nguɔ. Be ba su nɛ Mawu ni klɔuklɔu ɔmɛ a nine ba su matsɛ yemi ɔ nɔ.

Kpojemi 20:6

Nihi nɛ a bu mɛ ngɔ piɛ ni nɛmɛ nɛ a ma tle mɛ si be nɛ ɔ mi a he ɔ, Mawu gbaa mɛ, nɛ e pee mɛ klɔuklɔu. Gbenɔ enyɔne ɔ be he wami ngɛ a nɔ, se mohu a maa ye osɔfo, nɛ a ma sɔmɔ Mawu kɛ Kristo; nɛ a kɛ Kristo maa ye matsɛ jeha akpe.

Daniel 7:9

Benɛ i ngɛ nɔ́ nɛ ɔ hyɛe kɛ mwɔɔ ɔ, a kɛ matsɛ sɛhi ba ma si, nɛ nɔ nɛ ngɛ daa a ba hi si ngɛ kake nɔ. E tade hiɛ futaa kaa snoo, nɛ e yi bwɔmi ngɛ kaa to he bwɔmi ngmingmiingmi. E matsɛ sɛ ɔ, kɛ tlɔɔke nane ɔ nɛ sɛ ɔ maa si ngɛ nɔ ɔ tsuo ngɛ tsoe gegeege.

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Romabi 8:17

Akɛnɛ Mawu bimɛ ji wɔ ɔ, wa peeɔ Mawu we ní yeli hulɔ, nihi nɛ a kɛ Kristo maa dla ní. Ee, ke waa kɛ Kristo na nɔ́ ɔ, a maa wo waa kɛ lɛ tsuo wa hɛ mi nyami.

Kpojemi 15:2

Enɛ ɔ se ɔ, i na nɔ́ ko gbajaa ngɛ ye hɛ mi kaa wo; e hɛ mi tsɔ ngleinglei kaa ahuhuɛ, nɛ la ngɛ tsoe ngɛ mi. I na ni nɛmɛ nɛ ye kunimi ɔ hulɔ; a hɛɛ kpa sakuhi nɛ Mawu ha mɛ ɔ ngɛ a dɛ mi, nɛ a daa si ngɛ wo nɛ e hɛ mi tsɔ ngleinglei kaa ahuhuɛ ɔ kasa nya. Ee, a ye lohwe awi yelɔ ɔ, kɛ e we amaga a, kɛ nɔ nɛ yibɔ ko daa si ha e biɛ ɔ a nɔ kunimi.

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

Yohane 14:19

E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 11:11

Ligbi etɛ kɛ fa a se ɔ, Mawu ha nɛ a kpale ba wami mi ekohu. A te si da a nane nɔ, nɛ nihi tsuo nɛ na mɛ ɔ ye gbeye wawɛɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Romabi 11:15

Ejakaa ke Mawu kua Yuda bi ɔmɛ, nɛ lɔ ɔ he a dla Mawu kɛ je ɔ a kpɛti ɔ, lɛɛ ke e kpale he mɛ ekohu ɔ, kɛ níhi maa hi kɛɛ? E maa pee kaa nɔ nɛ gbo, nɛ a kpale tle lɛ si kɛ ba wami mi ekohu.

Luka 1:17

E maa sɛ Nyɔmtsɛ ɔ hlami kɛ he wami, kɛ kã kaa gbalɔ Eliya. E maa pee tsɛmɛ kɛ a bimɛ kake ekohu. E ma ha nihi nɛ bui Mawu tue ɔ maa kpale ba nyɛɛ ni nɛmɛ nɛ buɔ lɛ tue ɔ a blɔ ɔmɛ a nɔ. Nɛ nihi nɛ Mawu nitsɛ hla a, e ma dla mɛ ngɔ to lɛ.”

Malaki 4:5

“Se loko Yawɛ ligbi nguaa a nɛ he ngɛ gbeye ɔ maa su ɔ, ma tsɔ gbalɔ Eliya kɛ ba nyɛ ngɔ.

Marko 9:11

A bi Yesu ke, “Mɛni he je nɛ mlaa tsɔɔli ɔmɛ deɔ ke ja Eliya ba lolo ɔ?”

Marko 6:27

Amlɔ ɔ, matsɛ ɔ tsɔ e plaafo, nɛ e fa lɛ ke e ya ngɔ Yohane yi kɛ ba. Kɛkɛ nɛ plaafo ɔ ho nɛ e ya po Yohane yi ngɛ tsu ɔ mi,

Marko 6:16

Benɛ Herode nu ɔ, e de ke, “Yohane nɔ sɔlelɔ ɔ nɛ i po e yi ɔ, lɛ nɛ a tle si kɛ je gbeje.”

Mateo 24:10

Jamɛ a be ɔ mi ɔ, nihi babauu a nane ma kpata; huɛmɛ maa tsɔɔ huɛmɛ a se blɔ, nɛ a maa nyɛ a he.

Luka 14:14

nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

Kpojemi 1:2

Níhi nɛ Yohane na a, e ye lɛ tsuo he odase ngɛ womi nɛ ɔ mi. Enɛ ɔ ji sɛ gbi nɛ je Mawu ngɔ ɔ, kɛ anɔkuale ɔ nɛ Yesu Kristo je tsɔɔ lɛ ɔ.

Kpojemi 2:26

Ni nɛmɛ nɛ maa ye kunimi, ni nɛmɛ nɛ maa ya nɔ maa pee ye suɔmi nya ní kɛ yaa si nyagbe ɔ, he blɔ nɛ Tsaatsɛ ngɔ ha mi ɔ, imi hu ma ha mɛ. Ma ha nɛ a maa ye je ma amɛ a nɔ kɛ kɔni si wami, nɛ a ma tsɔtslɔɔ a mi kaa buɛ nɛ ywia tsɔkɔtsɔkɔ. Nɛ ma ha mɛ dodoe nɛ a tsɛɛ nɔkɔ ɔ.

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 7:3

“Nyɛ ko kpata zugba a, loo wo ɔ, loo tso ɔmɛ a hɛ mi. Nyɛɛ mlɛ kɛ yaa si wa maa ngɔ nɔ́ nya sɔumi nɔ́ kɛ kadi wa Mawu ɔ tsɔli ɔmɛ a hɛ nya lolo.”