Kpojemi 20:2 - BAIBLO ALOO NGMAMI KLƆUKLƆU Ɔ

² E nu sinɔ nguaa a, jamɛ a blema sinɔ ɔ nɛ a tsɛ lɛ Abosiami, loo Satan ɔ, nɛ e kɛ kɔsɔkɔsɔ ɔ fi lɛ, konɛ e hi si jeha akpe.

Somi He Ɔ

² Nɛ e nu sinɔ ngua a, blema sinɔ nɛ ji Abosiami loo Satan ɔ, nɛ e fi lɛ jeha akpe,

Kpojemi 20:2 Cross References

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Yohane 12:31

Amlɔ nɛ ɔ, be ɔ su nɛ a maa kojo je ɔ, nɛ nɔ nɛ ngɛ je ɔ nɔ matsɛ yee ɔ, a ma kpa lɛ.

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Hebribi 2:14

Lɔ ɔ he ɔ, akɛnɛ he lo kɛ muɔ ji bimɛ ɔmɛ ɔ, lɛ nitsɛ hu e pee he lo kɛ muɔ. E pee enɛ ɔ, konɛ kɛ gu e gbenɔ mi ɔ, e kpata Abosiami, nɔ nɛ hɛɛ gbenɔ he wami ɔ hɛ mi.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

Yohane 16:11

Nɛ a juɛmi ngɛ Mawu kojomi he ɔ hu dɛ, ejakaa nɔ nɛ yeɔ je ɔ nɔ matsɛ ɔ, a bu lɛ fɔ momo.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Kpojemi 12:15

Kɛkɛ nɛ sinɔ nguaa a sú nyu kaa pa kɛ je e nya mi kɛ pue yo ɔ se, konɛ nyu ɔ nɛ ngɔ lɛ kɛ ho.

Kpojemi 12:13

Benɛ sinɔ nguaa a na kaa a sake lɛ ba fɔ zugba a nɔ ɔ, e nyɛɛ yo ɔ nɛ fɔ binyumu ɔ se kɛ fo.

Marko 5:7

nɛ e kpa ngmlaa wawɛɛ ke, “Yesu, Mawu nɛ ngɛ hiɔwe lokoo ɔ bi, mɛni o ngɛ hlae ngɛ ye dɛ? I na Mawu kaa kó pĩ mi!”

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Hiob 1:7

Yawɛ bi Satan ke, “Jije o je?” Satan he nɔ ke, “I ya kpa je ɔ mi tsuo kɛ ya kɛ ba.”

Kpojemi 13:4

Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Mose I, 3:1

Nga mi lohwehi tsuo nɛ Yawɛ Mawu pee ɔ, sinɔ ji gatsɛ pe mɛ tsuo. Sinɔ bi yo ɔ ke, “Anɛ Mawu de nyɛ niinɛ ke tso ɔmɛ nɛ ngɛ ngmɔ ɔ mi ɔ, nyɛ ko ye ekoeko nɔ yiblii lo?”

Yesaya 24:22

Mawu ma bua mɛ tsuo a nya kɛ wo muɔ voo mi kaa pamitsɛmɛ. E maa wo mɛ tsu ngɛ lejɛ ɔ hluu kɛ yaa su be nɛ a maa gbla a tue.

Marko 4:15

Ni komɛ ngɛ kaa wu nɛ ya nɔ blɔ mi. Ke a nu munyu ɔ, kɛkɛ Abosiami ba je munyu ɔ ngɛ a mi.

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Kpojemi 20:7

Jeha akpe ɔ se ɔ, a ma je Satan ngɛ tsu ɔ mi,

Kpojemi 20:10

Kɛkɛ nɛ a hɛ Abosiami ɔ nɛ sisi mɛ ɔ ngɔ fɔ taku kɛ e mi la nɛ ngɛ tsoe gegeege ɔ mi he nɛ lohwe awi yelɔ ɔ, kɛ lakpa gbalɔ ɔ ngɛ ɔ. Nɛ a ma pii mɛ nyɔ kɛ pia kɛ ya neneene.

Ezekiel 47:5

Kɛkɛ nɛ e susu gugue lafa enyɔ kɛ nyingmi enuɔ ekohu. Jehanɛ pa a mi kuɔ ngɛ lejɛ ɔ, nɛ i nyɛ we ma ya hɛ mi. Pa a mi kuɔ tsɔ, ja a sile kɛ po.