Kpojemi 2:3 - BAIBLO ALOO NGMAMI KLƆUKLƆU Ɔ

³ O toɔ tsui si; o naa amanehlu ngɛ ye he nɛ pɔ tɔɛ mo.

Somi He Ɔ

³ Nɛ o hɛɛ mi, nɛ o toɔ o tsui si, nɛ ye biɛ ɔ he ɔ, o bɔɔ mɔde, nɛ pɔ tɔɛ mo.

Kpojemi 2:3 Cross References

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

La 69:7

Ejakaa o he ɔ, a ngɛ mi ahlua bɔe, nɛ zo gbe mi kpɔtɔɔ.

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Marko 15:21

Simon, Kirene no nɛ ji Aleksandro kɛ Rufo a tsɛ ɔ je ngmɔ si kɛ bee jamɛ a be ɔ mi. Ta buli ɔmɛ nyɛ nyumu nɛ ɔ nɔ ke e wo Yesu sɛumi tso ɔ.

Luka 14:27

Nɔ tsuaa nɔ nɛ ngɔɛ lɛ nitsɛ e sɛumi tso ngɔ fɔɛ e konɔ kɛ ba nyɛɛ ye se ɔ, e be nyɛe maa pee ye kaselɔ.

Luka 18:1

Jehanɛ ɔ, Yesu kɛ mɛ tu munyu ngɛ abɛ gbi mi kɛ tsɔɔ kaa e sa kaa a sɔle daa nɛ a kɔni mi kó wo nyu.

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Luka 5:5

Simon he nɔ ke, “Nyɔmtsɛ, wa tsu ní wawɛɛ nyɔ nɛ ɔ mi tsuo, nɛ wa nɛ nɔ́ ko. Se kɛ̃, akɛnɛ mo lɛ o de ɔ, ma pue ya a.”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Yohane 15:21

Ye he ɔ, a maa pee nyɛ ní nɛ ɔmɛ tsuo, ejakaa nɔ nɛ tsɔ mi ɔ, a li lɛ.

Romabi 12:12

Akɛnɛ nyɛ ngɔ nyɛ hɛ ngɔ fɔ Mawu nɔ ɔ, nyɛ bua nɛ jɔ. Ke haomi ba a, nyɛɛ to nyɛ tsui si nɛ nyɛɛ hi sɔlee daa.

Romabi 16:12

I biɔ Trifaina kɛ Trifosa nɛ a tsuɔ ní ha Nyɔmtsɛ ɔ. I biɔ Persi, ye huɛ nɛ i suɔ lɛ saminya a; lɛ hu e tsu ní wawɛɛ kɛ sɔmɔ Nyɔmtsɛ ɔ.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

1 Korintobi 13:7

Suɔmi haa nɔ toɔ tsui si ngɛ nɔ́ tsuaa nɔ́ mi. E haa nɔ heɔ nɔ tsuaa nɔ́ yeɔ; e ngɔɔ e hɛ ngɔ fɔɔ Mawu nɔ, nɛ e miaa e hɛ mi ngɛ níhi tsuo mi.

1 Korintobi 16:16

nyɛɛ ba nyɛ he si ha nihi kaa kikɛ nɛ ɔ, kɛ ni nɛmɛ tsuo nɛ i kɛ mɛ tsuɔ ní ɔ.

2 Korintobi 10:15

Ní tsumi nɛ ni kpahi tsu ɔ, wa fĩɛ ngɛ he. Niinɛ, wa heɔ yeɔ kaa nyɛ hemi kɛ yemi ɔ mi ma ba wa, nɛ wa ma tsu ní nguahi ngɛ nyɛ kpɛti pe bɔ nɛ wa ko nyɛ.

2 Korintobi 11:23

Kristo sɔmɔli ji mɛ lo? I ngɛ munyu tue kaa nɔ nɛ yi mi puɛ; tsia, i pe mɛ tsuo! I tsu ní wawɛɛ pe mɛ; a wo mi tsu si abɔ pe mɛ; a fia mi kpa si abɔ pe mɛ, nɛ jehanɛ hu, i ya gbenɔ muɔ nya ba si abɔ pe mɛ.

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

2 Korintobi 4:16

Enɛ ɔ he ɔ, wa kɔni mi jɔ̃ we gblegbleegble. E ngɛ mi kaa wa nɔmlɔ tso ɔ ngɛ puɛe bɔɔbɔɔbɔɔ mohu, se mumi mi ɔ, wa ngɛ wae daa ligbi.

2 Korintobi 5:9

Lɔ ɔ he ɔ, nɔmlɔ tso nɛ ɔ mi wa ngɛ jio, pe wa je mi nɛ wa ho ya piɛ Nyɔmtsɛ ɔ he jio, nɔ́ nɛ wa ngɔ ma wa hɛ mi ji kaa waa sa e hɛ mi.

2 Korintobi 6:5

A fia wɔ ní; a wo wɔ tsu, nɛ nihi pee basabasa kɛ wo wɔ; wa gbo dengme kɛ tsu ní; wa hwɔ we mahe be komɛ, nɛ be komɛ hu hwɔ yee wɔ.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Filipibi 2:16

Ke nyɛ hɛɛ sane kpakpa a nɛ haa nɔ wami ɔ mi wawɛɛ ɔ, lɔ ɔ lɛɛ ligbi ɔ nɛ Kristo maa ba a, ma nyɛ ma fĩa kaa fo nɛ i tu, aloo dengme nɛ i gbo kɛ tsu nyɛ he ní ɔ pee we yaka.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Tesalonikabi 2:9

Nyɛmimɛ, nyɛ ma kai bɔ nɛ wa tsu ní kɛ pɔtɔ! Benɛ wa ngɛ Mawu sane kpakpa a fiɛe kɛ ngɛ nyɛ hae ɔ, wa ngɛ ní tsue nyɔ kɛ pia, konɛ wa ko pee tlomi ngɔ ha nyɛ ti nɔ ko.

1 Tesalonikabi 5:12

Wa kpa nyɛ pɛɛ, nyɛmimɛ, nɛ nyɛɛ bu nihi nɛ ngɛ ní tsue ngɛ nyɛ kpɛti ɔ, Nyɔmtsɛ ɔ asafo ɔ hɛ mi nyɛɛli nɛ tuɔ munyu tsɔɔ nyɛ ɔ.

2 Tesalonikabi 3:13

Nyɛmimɛ, nyɛ ko ha pɔ nɛ tɔ nyɛ kɛ nɔ́ kpakpa peemi.

2 Tesalonikabi 3:5

Nyɔmtsɛ ɔ nɛ ha nɛ nyɛɛ nu Mawu suɔmi ɔ, kɛ Kristo tsui si tomi ɔ sisi saminya.

2 Tesalonikabi 3:8

Wa yi nɔ ko ní yaka nɛ́ wa wui he hiɔ; mohu ɔ, wa tsu ní kɛ pɔtɔ. Wa tsu ní nyɔ kɛ pia, konɛ wa ko pee tlomi ha nyɛ ti nɔ ko.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.

1 Timoteo 5:17

Asafo nikɔtɔmahi nɛ tsuɔ ní saminya, titli ni nɛmɛ nɛ fiɛɔ, nɛ a tsɔɔ ní hulɔ ɔ, a hyɛ nɛ a wo a hɛ mi nyami totoe enyɔ.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.

2 Petro 1:6

Nyɛɛ ngɔ he nɔ yemi ngɔ piɛ nile ɔ he; nyɛɛ ngɔ hɛ si kami ngɔ piɛ he nɔ yemi ɔ he; nyɛɛ ngɔ Mawu gbeye yemi ngɔ piɛ hɛ si kami ɔ he;

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.