Kpojemi 2:14 - BAIBLO ALOO NGMAMI KLƆUKLƆU Ɔ

¹⁴ Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Somi He Ɔ

¹⁴ Se kɛ ɔ, i kɛ mo ngɛ sane bɔɔ ko: ejakaa o ngɛ nihi ngɛ lejɛ ɔ nɛ hɛɛ Bileam nɔ nɛ tsɔɔ Balak kaa e tsɔ Israelbi ɔmɛ klama nɛ a ye nihi nɛ a kɛ sa bɔ ha wɔhi nɛ a bɔ ajuama a tsɔɔmi ɔ mi.

Kpojemi 2:14 Cross References

2 Petro 2:15

A je blɔ tlɔmɔɔ ɔ nɔ, nɛ a laa blɔ kaa bɔ nɛ Beor bi Balaam pee ɔ pɛpɛɛpɛ. Balaam ya di se nami se, nɛ e kɛ pee nɔ́ nɛ dɛ;

Mose IV, 31:16

Nyɛ kai kaa yi nɛ ɔmɛ nɔuu lɛ a ya bu Balaam ga womi tue, nɛ a puɛ Israel bi ɔmɛ a juɛmi, nɛ a kɛ pee yayami kɛ si Yawɛ ngɛ Peor jamɛ a ligbi ɔ nɛ. Enɛ ɔ he je nɛ gbenɔ hiɔ ba Yawɛ ma a nɔ ɔ nɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Yuda 1:11

Musu tloo mɛ pɛ! A ya ngɔ Kain blɔ ɔ. Yayami nɛ Balaam pee ɔ, a ngɔ a he ya wo jamɛ a yayami ɔ mi ngɛ se nami he. A tsɔ atuã kaa bɔ nɛ Kora tsɔ atuã a, nɛ a hɛ mi kpata kaa lɛ.

Ni Tsumi 15:29

Nyɛɛ nyɛ wɔ nya lo; nyɛ ko ye lo nɛ muɔ ngɛ mi kɛ mwɔɔ, loo lohwe nɛ a kika e kuɛ; nɛ nyɛɛ hyɛ nyɛ he nɔ saminya, nɛ nyɛ ko fiɛ nyumu kɛ yo kayakaya fiɛmi. Nyɛɛ bɔ mɔde nɛ nyɛɛ yu nyɛ he kɛ je ní nɛ ɔmɛ a he. Nyɛɛ hi si saminya.”

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Yoshua 24:9

Lɔ ɔ se ɔ, Zipor bi Balak, Moab matsɛ ɔ kɛ nyɛ ba hwu ta. E tsɔ ya de Beor binyumu Balaam ke e gbiɛ nyɛ.

1 Petro 2:8

Ngmami kpa ko hu de ke, “Enɛ ɔ ji tɛ nɛ ma ha nɛ nihi a nane ma tɛ nɔ; tɛ sa nɛ ma ha nɛ nihi maa nɔɔ si.” A tɛ nɔ́, ejakaa a yi Mawu sɛ gbi ɔ nɔ; bɔ nɛ Mawu to ha mɛ ji ja a nɛ.

Ni Tsumi 21:25

Ma je li nɛ ba he ye ɔ, mɛɛ lɛɛ wa ngma mɛ womi ke wa ma nya si kaa a ko ye wɔ nya ní, a ko ye lo nɛ muɔ ngɛ mi kɛ mwɔɔ, nɛ a ko ye lohwe nɛ a kika e kuɛ hulɔ. Jehanɛ hu, a hyɛ a he nɔ saminya, nɛ a ko fiɛ nyumu kɛ yo yakayaka fiɛmi.”

Mose IV, 31:8

kɛ Midian matsɛmɛ enuɔ ɔmɛ. Mɛ ji Evi, Rekem, Zur, Hur, kɛ Reba. A gbe Beor binyumu Balaam ɔ hulɔ.

Kpojemi 22:15

Se ni nɛ ɔmɛ lɛɛ a be mɛ blɔ hae nɛ a sɛ ma a mi: gbe ɔmɛ, nyuali ɔmɛ, nihi nɛ fiɛɔ yo kɛ nyumu yakayaka fiɛmi ɔ, nɔmlɔ gbeli ɔmɛ, amaga jali ɔmɛ, kɛ nihi nɛ suɔ lakpa yemi ɔ.

Kpojemi 21:8

Se fɔ̃li, nihi nɛ he we yi, nihi nɛ peeɔ níhi nɛ a hiee, nɔmlɔ gbeli, yaholi, nyuali, wɔ jali, kɛ lakpatsɛmɛ tsuo lɛɛ he nɛ fɔɔ si ha mɛ ji taku kɛ e mi la nɛ ngɛ tsoe gegeege ɔ. Lɔ ɔ ji gbenɔ enyɔne ɔ nɛ.”

1 Korintobi 7:2

Se ajuama bɔmi he ɔ, nyumu tsuaa nyumu nɛ ná lɛ nitsɛ e yo, nɛ yo tsuaa yo nɛ ná lɛ nitsɛ e huno.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Ezekiel 3:20

“Jehanɛ, ke nɔmlɔ kpakpa kpa níhi nɛ da peemi, nɛ e ba bɔni yayami peemi, nɛ i fɔ̃ e blɔ mi tso ɔ, e ma gbo. Akɛnɛ o bɔɛ lɛ kɔkɔ ɔ, e ma gbo ngɛ e yayami ɔ he. Ma bi e muɔ si ngɛ o dɛ; kpakpa nɛ e pee ɔ tsuo, i be kaie.

Mose IV, 24:14

“Lɔ ɔ he ɔ, piɔ lɛɛ i kpale kɛ yaa imi nitsɛ ye ma mi. Se loko ma je ɔ, ma suɔ nɛ ma wo o tue nɔ ngɛ nɔ́ nɛ kikɛmɛ a ma nɛ ɔ maa pee mo nitsɛ o ma mi bi ɔmɛ hwɔɔ se ɔ he.”

Romabi 14:21

Lɔ ɔ he ɔ, e hi kaa o ko ye lo, nɛ o ko nu wai, nɛ jehanɛ hu, o ko pee nɔ́ ko nɛ ma ha o nyɛmi nane ma kpata.

Romabi 14:13

Lɔ ɔ he ɔ, nyɛ ha wa kpa wa sibi kojomi; se mohu nyɛ pee saminya nɛ nɔ ko ko pee nɔ́ ko nɛ ma ha o nyɛmi nane ma kpata, aloo nɛ ma ha e pee yayami.

Ezekiel 44:12

Akɛnɛ a nyɛɛ Israel ma a hɛ mi kɛ ya ja amagahi, nɛ a ha a pee yayami kɛ si mi he je ɔ, imi Nyɔmtsɛ Yawɛ, i ngɛ ye he kita kae ke ma gbla a tue kokooko.

Yeremia 6:21

Lɔ ɔ he ɔ, ma fɔ blɔ mi tso ha mɛ; a ma tɛ nɔ nɛ a maa nɔ si bum. Tsɛmɛ kɛ a bimɛ ma gbo, nɛ nihi kɛ a huɛmɛ a hɛ mi ma kpata.”

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.

1 Korintobi 1:23

Se wɔɔ lɛɛ Kristo nɛ a sɛu ɔ wa ngɛ fiɛe. Enɛ ɔ peeɔ blɔ tsimi nɔ ha Yuda bi, nɛ Hela bi hu buu lɛ kaa kuasiahi a sane.

Romabi 11:9

David hu de ke, “Ke a tsɛ ní yemi ɔ, ha nɛ e pee klama nɛ du mɛ; a nɔɔ si nɛ a gbla a tue.

Romabi 9:32

Kɛ ba kɛɛ? A nine sui nɔ, ejakaa a hla we lɛ kɛ hemi kɛ yemi. A susu kaa kɛ gu ní tsumihi a nɔ nɛ a ma na lɛ. Enɛ ɔ ha nɛ a pee kaa nihi nɛ a ngɔ tɛ ngɔ fɔ blɔ mi ha mɛ nɛ a tɛ.

Yesaya 57:14

Yawɛ ke, “Nyɛ ha ye ma a nɛ kpale kɛ ba ye ngɔ. Nyɛ je blɔ tsimi nɔ́ tsuaa nɔ́ kɛ je a blɔ mi! Nyɛɛ je gbɛjegbɛ saminyayoo ha mɛ!