Kpojemi 19:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ nikɔtɔma nyingmi enyɔ kɛ eywiɛ ɔmɛ, kɛ hɛ kali eywiɛ ɔmɛ ngɔ a hɛ mi ngɔ bu si nɛ a ja Mawu nɛ hii si ngɛ e matsɛ sɛ ɔ nɔ ɔ, nɛ a de ke, “Amen! A je Mawu yi!”

Somi He Ɔ

⁴ Nɛ nikɔtɔmahi nyingmi enyɔ kɛ eywiɛ ɔ kɛ hɛ kali eywiɛ ɔ bu si nɛ a ja Mawu nɛ hii si ngɛ matsɛ sɛ ɔ nɔ ɔ, nɛ a ke: “Amen, Haleluya!”

Kpojemi 19:4 Cross References

Kpojemi 5:14

Kɛkɛ nɛ hɛ kali eywiɛ ɔmɛ de ke “Amen!” Nɛ nikɔtɔma amɛ ngɔ a hɛ mi ngɔ bu si, nɛ a ja Mawu kɛ To bi ɔ.

La 106:48

Nyɛ je Yawɛ, Israel Mawu ɔ yi; nyɛ je e yi kɛ je neneene kɛ ya neneene. Nyɛ ha nɛ ma a tsuo nɛ de ke, “Amen!” Nyɛ je Yawɛ yi.

Nehemia 8:6

Jehanɛ Ezra de ke, “Nyɛ je Yawɛ Mawu kpetekpleenyɛ ɔ yi!” Ma a tsuo wo a nine nɔ nɛ a he nɔ ke, “Amen! Amen”. Kɛkɛ nɛ a kpla si nɛ a kɛ a hɛ mi bu si nɛ a ja Yawɛ.

Kpojemi 19:1

Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Kpojemi 15:7

Kɛkɛ nɛ hɛ kali eywiɛ ɔmɛ a ti nɔ kake ha bɔfo kpaago ɔmɛ a ti nɔ tsuaa nɔ sika tsu kplu kake nɛ wai hyi lɛ tɔ. Wai kɛ kplu nɛ ɔ daa si ha Mawu nɛ ngɛ kɛ yaa neneene ɔ mi mi fumi ɔ.

Yeremia 28:6

“Saminya! Yawɛ nɛ pee nɔ́ nɛ ɔ. Gbami nɛ o gba a, Yawɛ nɛ ha nɛ e ba mi, konɛ Yawɛ we ɔ juetli tsuo nɛ a muɔ kɛ ho Babilonia ya, kɛ nihi tsuo nɛ a nuu kɛ ho ɔ, e kpale mɛ kɛ ba hiɛ ɔ ekohu.

La 89:52

A je Yawɛ yi daa. Amen! Amen!

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

La 41:13

A je Yawɛ, Israel Mawu ɔ yi! A je e yi mwɔnɛ nɛ ɔ; a je e yi daa. Amen!

Nehemia 5:13

Jehanɛ hu i je ye mlɛ mi fimi nɔ́ nɛ i huanya, nɛ i de mɛ ke, “Nɔ tsuaa nɔ nɛ be si womi nɛ ɔ nɔ yee ɔ, bɔ nɛ Mawu ma huanya lɛ kɛ je e we, kɛ e ní tsumi he ji nɛ ɔ nɛ; Mawu ma kpɔ nyɛ we ɔmɛ, kɛ nyɛ nɔ́ tsuaa nɔ́ ngɛ nyɛ dɛ, nɛ nyɛ maa pee pasaa.” Ni ɔmɛ tsuo nɛ kpe ngɛ lejɛ ɔ de ke, “Amen”, nɛ a je Mawu yi. Ma nimeli ɔmɛ ye a siwo ɔ nɔ.

Kronika I, 16:36

Nyɛ je Yawɛ yi; nyɛ je Israel Mawu ɔ yi! Nyɛ je e yi mwɔnɛ ɔ, kɛ daa! Kɛkɛ nɛ ma a tsuo he nɔ ke, “Amen”, nɛ a je Yawɛ yi.

1 Korintobi 14:16

Ke o ngɛ Mawu si nae ngɛ mumi mi kɛkɛ ɔ, nɔ ko nɛ hii si ngɛ lejɛ ɔ, nɛ lɛɛ e li mi eko ɔ, kɛ e maa pee kɛɛ nɛ e ma de “Amen” ngɔ si o sina sɔlemi ɔ nɔ? Blɔ ko blɔ ko be nɛ e kɛ maa le nɔ́ nɛ o ngɛ dee ɔ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

La 104:35

Yayami peeli tsuo a hɛ mi nɛ kpata, konɛ yiwutsotsɛmɛ ko hi je ɔ mi hu. Ma je Yawɛ yi. Ee, nyɛ je Yawɛ yi.

Kpojemi 19:3

Nɛ a kpa ngmlaa ekohu nɛ a de ke, “A je Mawu yi! La nɛ maa sã ma kpetekpleenyɛ ɔ be gboe gblegbleegble!”

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!