Kpojemi 19:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Somi He Ɔ

¹ Ni nɛ ɔmɛ a se ɔ, i nu gbi ngua nɛ ngɛ kaa nimli asafo babauu gbi ngɛ hiɔwe nɛ ngɛ dee ke: “Haleluya! Yi wami hemi kɛ hɛ mi nyami kɛ agboje kɛ he wami ɔ ji Nyɔmtsɛ wa Mawu ɔ nɔ!

Kpojemi 19:1 Cross References

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kronika I, 29:11

O kle, o ngɛ he wami, kɛ hɛ mi nyami; o yeɔ kunimi, nɛ o yeɔ matsɛ. Nɔ́ tsuaa nɔ́ nɛ ngɛ hiɔwe kɛ zugba a, o nɔ́. Matsɛ ji mo, nɛ o yeɔ nɔ́ tsuaa nɔ́ nɔ.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 12:10

Kɛkɛ nɛ i nu gbi ko nɛ ngɛ pɛe kɛ ngmlaa ngɛ hiɔwe ke, “Jehanɛ ɔ lɛɛ yi wami hemi ba! Jehanɛ ɔ lɛɛ Mawu maa ngɔ e he wami kpetekpleenyɛ ɔ kɛ ye matsɛ! Jehanɛ ɔ lɛɛ e Kristo he wami ɔ je kpo. Ejakaa Abosiami nɛ daa si ngɛ wa Mawu ɔ hɛ mi nyɔ kɛ pia, nɛ e poɔ wa nyɛmimɛ ɔmɛ a nya haa lɛ ɔ be lejɛ ɔ hu. A sake Abosiami kɛ je hiɔwe ngɔ fɔ si.

La 148:1

Nyɛ je Yawɛ yi! Nyɛ je Yawɛ yi kɛ je hiɔwe. Nyɛ je e yi ngɛ hiɔwe lokoo!

Yona 2:9

Se imi lɛɛ ma la kɛ je o yi, ma sã bɔ ha mo, nɛ ma ye ye siwo ɔ nɔ; ejakaa mo Yawɛ pɛ ji nɔ nɛ heɔ nɔ yi wami.”

La 150:1

Nyɛ je Yawɛ yi! Nyɛ je Mawu yi ngɛ e he klɔuklɔu ɔ; nyɛ je e yi ngɛ e bɔku kpetekpleenyɛ ɔ mi!

La 146:1

Nyɛ je Yawɛ yi! Imi hu ma je Yawɛ yi!

La 115:18

Se wɔɔ lɛɛ wa ma je Yawɛ yi kɛ je be nɛ ɔ mi kɛ ya neneene. A je Yawɛ yi!

La 106:1

Nyɛ je Yawɛ yi! Nyɛɛ na Yawɛ si, ejakaa e hi; e naa mɔbɔ kɛ yaa neneene!

La 3:8

Yawɛ, mo ji wa yi wami helɔ; moo gbaa o ma a koo!

La 149:1

Nyɛ je Yawɛ yi! Nyɛ la la he kɛ ha Yawɛ. Nyɛ je e yi ngɛ ni klɔuklɔu ɔmɛ a kpe ɔ mi!

La 111:1

A je Yawɛ yi! Ma na Yawɛ si kɛ ye tsui tsuo ngɛ nihi nɛ peeɔ nɔ nɛ da a gua a mi.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

La 104:35

Yayami peeli tsuo a hɛ mi nɛ kpata, konɛ yiwutsotsɛmɛ ko hi je ɔ mi hu. Ma je Yawɛ yi. Ee, nyɛ je Yawɛ yi.

Yeremia 51:48

Nihi maa je omleyi je kɛ ba kpata Babilonia hɛ mi. Jamɛ a be ɔ, níhi tsuo nɛ ngɛ hiɔwe kɛ zugba a nɔ ɔ ma hwɔ lele.