Kpojemi 18:9 - BAIBLO ALOO NGMAMI KLƆUKLƆU Ɔ

⁹ Je nɛ ɔ mi matsɛmɛ ɔmɛ nɛ a kɛ Babilon bɔ ajuama, nɛ a fiɛ a yi nɔ ɔ, ke be nɛ a sã ma a, nɛ a na la su ku nɛ ngɛ jee ɔ, a maa wo yana, nɛ a ma nya awe ha ma a.

Somi He Ɔ

⁹ Nɛ zugba a nɔ matsɛmɛ ɔmɛ nɛ a kɛ lɛ bɔ ajuama nɛ a kɛ lɛ ho ya a ma fo lɛ, nɛ a maa wo ya ngɛ e he, benɛ a maa na e sami ɔ lasuku ɔ.

Kpojemi 18:9 Cross References

Kpojemi 19:3

Nɛ a kpa ngmlaa ekohu nɛ a de ke, “A je Mawu yi! La nɛ maa sã ma kpetekpleenyɛ ɔ be gboe gblegbleegble!”

Kpojemi 18:3

Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Kpojemi 18:18

Nɛ benɛ a sã ma a, nɛ a na la su ku nɛ je ɔ, a kpa ngmlaa, nɛ a de ke, “Ma ko ma ko be nɛ kle kaa ma kpetekpleenyɛ nɛ ɔ!”

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 14:11

La a nɛ a ma pii mɛ ngɛ mi ɔ maa tso gegeege kɛ maa ya neneene. He jɔmi ko be ha nihi nɛ jaa lohwe awi yelɔ ɔ kɛ e we amaga a, loo ni nɛmɛ nɛ a kɛ e biɛ kadi mɛ ɔ; a maa na nɔ́ nyɔ kɛ pia tsuo.”

Kpojemi 18:7

Bɔ nɛ e pee ní nguahi, nɛ e fiɛ e yi nɔ ɔ, pii lɛ, nɛ e ye aywilɛho ja nɔuu. Ejakaa e pɔɔ e he demi ke, ‘Manyɛ ji mi, nɛ i hii si ngɛ ye sɛ ɔ nɔ! Pi yalɔyo ji mi; i be aywilɛho yee gblegbleegble!’

Yeremia 50:46

Ke Babilon hɛ mi kpata a, ose nɛ a ma he ɔ nya maa wa wawɛɛ nitsɛ, bɔ nɛ zugba po ma mimiɛ. Je ma kpa amɛ tsuo maa nu ose nɛ ɔ he.”

Mose I, 19:28

E hyɛ Sodom kɛ Gomora, kɛ kɔ̃ ɔ mi tsuo, nɛ e na la su ku nɛ ngɛ zugba a jee kaa flɔɔnɔɔ nguaa ko mi la su ku.

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Yesaya 30:33

Blema lokoo ɔ, a tsua muɔ ko nɛ a maa sã Asiria matsɛ ɔ ngɛ mi. Muɔ ɔ mi kuɔ, nɛ e bli, nɛ a to lɛ́ babauu kɛ wo mi. Yawɛ mumi ɔ nɛ ngɛ kaa la nɛ ngɛ tsoe plamplam ɔ maa sã lɛ.

La 58:10

Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Ezekiel 27:35

“Bɔ nɛ o nyagbe ba ji nɛ ɔ? E pee nihi tsuo nɛ ngɛ wo nya ma amɛ a mi ɔ nyakpɛ; a matsɛmɛ ɔmɛ po ye gbeye, nɛ a hɛ mi pee mɛ yaa.

1 Timoteo 5:11

Se yalɔyi nɛ wɛ ɔ, koo ngma a biɛ, ejakaa ke gba ngɛ mɛ jloe ɔ, a maa ngmɛɛ Kristo he ma ya gba.

Kpojemi 2:22

Hyɛ, ma ha nɛ e tlɔ sa mi kpotoo kɛ hiɔ, nɛ nihi tsuo nɛ e kɛ mɛ puɛ gba a, ma ha nɛ a maa na nɔ́ wawɛɛ. Ma pee enɛ ɔ, ja e kɛ mɛ tsuo tsake a tsui ngɛ yi wu tso níhi nɛ a kɛ lɛ pee ɔ a he.