Kpojemi 17:4 - BAIBLO ALOO NGMAMI KLƆUKLƆU Ɔ

⁴ Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.

Somi He Ɔ

⁴ Nɛ yo ɔ wo tade nɛ hɛɛ alamua yumu su kɛ tade nɛ tsuɔ kaa muɔ, nɛ a kɛ sika kɛ tɛ nɛ he jua wa kɛ adiagba wo lɛ, nɛ e hɛɛ sika kplu nɛ hyi tɔ kɛ e ajuama bɔmi ɔ mi ninye nihi kɛ mu ni ɔmɛ ngɛ e dɛ mi;

Kpojemi 17:4 Cross References

Kpojemi 18:16

nɛ a ma de ke, “Tsaoo! Akuanyɛ! Babilon, ma nguaa! Ma kpetekpleenyɛ! Sa a, kploba nɛ ngɛ fɛu, bo he jua wawɛ nɛ hɛɛ alamua tu su, kɛ bo tsu lɛ e buɔ, nɛ sika tsu, june, kɛ adiagba e kɛ dlaa e he!

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Kpojemi 18:12

Nɔ ko nɔ ko be ní nɛ ɔmɛ hee hu: sika tsu, sika hiɔ, tɛhi nɛ a he jua wa, adiagba, kploba nɛ ngɛ fɛu, bo he jua wawɛ nɛ hɛɛ alamua tu su, seda, bo tsu, tso slɔɔtohi nɛ a he wa, suɔ wu níhi tsuo, tso slɔɔtohi nɛ a he jua wa saminya, akɔblee, dade, marble,

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Daniel 11:38

Nɔ́ nɛ e maa pee mohu ji, e maa wo mawu nɛ buu mɔhi a he ɔ hɛ mi nyami. E maa ke mawu ko nɛ e nɛmɛ ja we hyɛ ɔ sika tsu, sika hiɔ, june, kɛ nike ní kpahi nɛ a he jua wa.

Ezekiel 24:13

Yerusalem, o yahomi basaa nɛ puɛ mo ɔ ji kana a nɛ. I gbo dengme kɛ bɔ o he mɔde, konɛ o he nɛ tsɔ; se mu ɔ ngɛ o he kpamisa. Lɔ ɔ he ɔ, o he be tsɔe kɛ je o mu ní peemi ní ɔmɛ a mi hu kɛ yaa si be nɛ ma ngɔ mi mi la kɛ gbla o tue wawɛɛ.

Ezekiel 24:11

Jehanɛ, ma ha buɛ ɔ mi gu maa ma la hleii ɔ nɔ, konɛ e dɔ la kɛ yaa si akɔblee ɔ maa tsu paa; kɛkɛ ɔ, e mi mu ɔ tsuo maa sile, nɛ e mi kana a tsuo maa ta pɛsɛpɛsɛ!

Matsɛmɛ I, 14:24

Jehanɛ se hu, ngɛ a jami kusumi komɛ a mi ɔ, nyumu komɛ kɛ a sibi nyumuhi na bɔmi kaa nyumu kɛ yo. Yuda ma a pee zo níhi, kɛ níhi nɛ a hiee po pe níhi nɛ je ma amɛ nɛ Yawɛ fie kɛ je Israel bi ɔmɛ a blɔ nɔ ɔ pee ɔ tsuo pɛpɛɛpɛ.

Hosea 9:10

Yawɛ ke, “Benɛ i na Israel ma a kekleekle ɔ, a ngɛ kaa wai yiblii ngɛ nga nɔ. Benɛ i na nyɛ nɛmɛ ɔmɛ ɔ, a ngɛ kaa ngmɔkɔ he nɛ fu ngɛ e be mi. Se benɛ a ba su Peor yo ɔ he ɔ, a ba bɔni Baal jami. A kɛ nɔ́ nɛ ɔ ble a he, nɛ a he pee tai kaa nɔ́ ɔ nɛ a ngɛ jae ɔ nɔuu.

Ezra 9:11

O de wɔ kɛ gu gbali nɛ ji o tsɔli ɔmɛ a nɔ ke zugba a nɛ wa yaa ngɔ kɛ pee wa nɔ́ ɔ, a ble zugba a. Bɔ nɛ e ba ji kaa nihi nɛ hi zugba a nɔ ɔ, yayami sɔuu a peeɔ. A pee níhi nɛ a hiee babauu ngɛ zugba a nɔ tsuo, kɛ je zugba a nyagbe he kake kɛ ya si e nyagbe he kake.

Ezekiel 20:30

Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ mɛ dee ji, mɛni he je nyɛ ngɛ nyɛ he blee kaa bɔ nɛ nyɛ nɛmɛ ɔmɛ pee ɔ, nɛ nyɛ ngɛ ajuama bɔe kɛ ngɛ a ní hiemi níhi a se nyɛɛe ɔ?

Matsɛmɛ II, 21:2

Je ma amɛ nɛ Yawɛ fie kɛ je Israel bi ɔmɛ a blɔ mi ɔ, Manase ya nyɛɛ a ní yayami ɔmɛ a se, nɛ e pee yayami kɛ si Yawɛ.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Mose V, 29:17

Nyɛ na a musu ní hiemi ní ɔmɛ, amagahi nɛ a kɛ tso, kɛ tɛ, kɛ sika hiɔ, kɛ sika tsu pee ɔ.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Ezekiel 28:13

Eden, Mawu ngmɔ ɔ nitsɛ mi nɛ o hi. Tɛ kpakpa nɛ ɔmɛ tsuo o kɛ dla o he: rubi, daimond, topaz, beril, kanelian, yaspi, safiro, emerald, kɛ garnet. O ngɛ sika tsu he dlami níhi, kɛ heha ní babauu. Ligbi ɔ nɛ a bɔ mo ɔ, jamɛ a ligbi ɔ nɔuu lɛ a dla mo saminyayoo jã.

Kpojemi 9:21

Jehanɛ hu, a tsakee we a tsui, konɛ a jɔɔ muɔ si puemi, loo nyuami, loo nyumu kɛ yo yakayaka fiɛmi, loo jumi.

Kpojemi 21:21

Agbo nyɔngma kɛ enyɔ ɔmɛ ɔ, adiagba nyɔngma kɛ enyɔ sɔuu, agbo tsuaa agbo ɔ, adiagba kake a kɛ pee. Gbɛjegbɛ nɛ ngɛ ma a mi ɔ, sika tsu ngmingmiingmi a kɛ pee; e mi tsɔ keikei kaa ahuhuɛ.