Kpojemi 16:2 - BAIBLO ALOO NGMAMI KLƆUKLƆU Ɔ

² Kekleekle bɔfo ɔ ho nɛ e ya plɛ e kplu ɔ mi nɔ́ ɔ ngɔ pue zugba. Kɛkɛ nɛ nihi nɛ lohwe awi yelɔ ɔ we okadi ɔ ngɛ a he, kɛ ni nɛmɛ nɛ jaa amaga a tsuo hia pa yaya nɛ yee nɔ.

Somi He Ɔ

² Nɛ kekleekle nɔ ɔ pue nɔ kɛ ho, nɛ e ya plɛ e tsinesa a mi ni ɔmɛ ngɔ pue zugba a nɔ; nɛ ninɛmɛ nɛ lohwe ɔ okadi ɔ ngɛ a he ɔ kɛ ninɛmɛ nɛ jaa e maga a hia pa yayahi nɛ yee nɔ.

Kpojemi 16:2 Cross References

Kpojemi 8:7

Kekleekle bɔfo ɔ kpa e titimati ɔ, nɛ gbiɛ ngo ngu, kɛ la nɛ muɔ futu mi ba pue zugba a nɔ, nɛ zugba a mi dlami etɛ mi kake, tsohi a mi dlami etɛ mi kake, kɛ ba mumu tsuo pɛpɛɛpɛ sã.

Kpojemi 16:11

A tu musu bɔmi munyuhi kɛ si Mawu nɛ ngɛ hiɔwe ɔ ngɛ nɔ́ nɛ a ngɛ nae, kɛ pa nɛ a hia a he. Se ní yayahi nɛ a pee ɔ, lɔ ɔmɛ lɛɛ a tsakee we a tsui ngɛ he.

Mose V, 28:27

Yawɛ ma ha tslɔɔ maa fuu nyɛ kaa bɔ nɛ e pee Egipt bi ɔmɛ ɔ. Nyɛ maa hia pa, nɛ sakpa kɛ ngmo nɛ be tsa ba ma pue nyɛ nɔ.

Ni Tsumi 12:23

Amlɔ nɔuu ɔ, Nyɔmtsɛ ɔ bɔfo ɔ fia Herode nɔ́. Gɔgɔ ye lɛ, nɛ e gbo; ejakaa e wui Mawu hɛ mi nyami.

Yesaya 3:17

Lɔ ɔ he ɔ, ma gbla a tue. Ma ha sakpa ma pue a yi mi, nɛ a maa sɛ a yi ɔ kpalokpalo.”

Kronika II, 21:18

Ní nɛ ɔmɛ tsuo a se ɔ, Yawɛ ha nɛ Yehoram ba nu mi mi hiɔ nɛ be tsa ba; hiɔ nɛ ɔ hao matsɛ ɔ hluu.

Kronika II, 21:15

Mo nitsɛ lɛɛ o maa nu mi mi hiɔ nɛ nya wa; hiɔ nɛ ɔ maa hi o he daa kɛ yaa si o mi ní maa je pue si.”

Samuel I, 5:9

Se benɛ daka a ya su Gat ɔ, Yawɛ gbla ma a tue. E ha tslɔɔ fuu ma mi bi ɔmɛ tsuo, jokuɛwi kɛ nikɔtɔmahi; nɛ sawale nu nɔ tsuaa nɔ.

Samuel I, 5:6

Yawɛ gbla Ashdod bi ɔmɛ a tue wawɛɛ nitsɛ, nɛ e kɛ tslɔɔ kpata a kɛ a huza a nɔ bi ɔmɛ tsuo a hɛ mi.

Mose V, 7:15

Yawɛ be hae nɛ hiɔ nɛ nu nyɛ; nɛ Egipt hiɔ yaya amɛ nɛ nyɛ le ɔ ekoeko be nyɛ he sae; nyɛ he nyɛli mohu lɛ a maa nu hiɔ yaya nɛ ɔmɛ.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

La 78:26

E ha nɛ beleku kɔɔhiɔ fia ngɛ hiɔwe, nɛ e kɛ e he wami kpaka leneyi kɔɔhiɔ kɛ ba.

Kpojemi 14:16

Kɛkɛ nɛ nɔ nɛ hii si ngɛ bɔku ɔ nɔ ɔ bɔni ní tsumi kɛ e ngma kpami ha a, nɛ e poo ngma a tsuo ngɛ je ɔ mi.

Mose V, 28:35

Yawɛ ma ha nyɛ maa hia pa yeyee nɛ be tsa ba ngɛ nyɛ nane he. Tslɔɔ maa fuu nyɛ kɛ je nyɛ yi mi kɛ ya si nyɛ nane si.

Kpojemi 13:12

E ngɔ jamɛ a he wami kpetekpleenyɛ ɔ nɛ lohwe awi yelɔ kake ɔ ngɛ ɔ, nɛ e kɛ tsu ní ja nɔuu ngɛ kekleekle nɔ́ ɔ nane mi. E nyɛ nihi tsuo nɛ ngɛ je ɔ mi ɔ a nɔ nɛ a ja kekleekle lohwe awi yelɔ ɔ nɛ e pa a gbo ɔ.

Kpojemi 14:9

Mawu bɔfo etɛne ba ngɛ Mawu bɔfo enyɔ ɔmɛ a se. Nɛ e de kɛ gbi wawɛɛ ke, “Nihi tsuo nɛ jaa lohwe awi yelɔ ɔ, kɛ e we amaga a, nɛ a kɛ amaga a kadi a hɛ nya, loo a nine he ɔ, ja a nu wai nɛ daa si ha Mawu mi mi fumi ɔ. Enɛ ɔ ji wai ngmingmiingmi nɛ Mawu nitsɛ plɛ kɛ wo kplu nɛ daa si ha e mi mi fumi ɔ mi. A ma pii nimli nɛ ɔmɛ hulɔ ngɛ la nɛ ngɛ tsoe gegeege ɔ mi ngɛ Mawu bɔfo klɔuklɔu ɔmɛ, kɛ To bi ɔ a hɛ mi.

Kpojemi 16:1

Jehanɛ ɔ, i nu gbi ko nɛ ngɛ pɛe gegeege kɛ je sɔlemi we ɔ. Gbi ɔ ngɛ bɔfo kpaago ɔmɛ dee ke, “Wai ɔ nɛ daa si ha Mawu mi mi fumi ɔ nɛ ngɛ kplu kpaago ɔmɛ a mi ɔ, nyɛɛ ya nɛ nyɛ ya plɛ ngɔ pue zugba.”