Kpojemi 15:4 - BAIBLO ALOO NGMAMI KLƆUKLƆU Ɔ

⁴ Nyɔmtsɛ, nihi tsuo maa wo o hɛ mi nyami! Nihi tsuo ma de ke o kle; ejakaa mo pɛ ji nɔ klɔuklɔu. Nihi tsuo nɛ ngɛ je ɔ mi ɔ maa ba nɛ a ma ba ja mo; ejakaa dami sane nɛ o ngɛ yee ɔ, nɔ tsuaa nɔ na paa!”

Somi He Ɔ

⁴ Mɛnɔ po lɛ be mo gbeye yee Nyɔmtsɛ, Nɛ e be o biɛ ɔ hɛ mi nyami woe? Ejakaa mo o nɔ kake too ji nɔ klɔuklɔu. Nɛ je ma amɛ kulaa maa ba nɛ a ba ja ngɛ o hɛ mi, Ejakaa a je o dami ni ɔmɛ a si paa.”

Kpojemi 15:4 Cross References

La 86:9

Nyɔmtsɛ, je ma amɛ tsuo nɛ o bɔ ɔ ma ba kpla si ngɛ o hɛ mi, nɛ a ma je o he wami kpetekpleenyɛ ɔ yi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yeremia 10:7

Mo, je ma amɛ tsuo a matsɛ ɔ, mɛnɔ lɛ be mo gbeye yee? O sa bu. Je ma amɛ tsuo a kpɛti ɔ, nɔ ko be nɛ kɛ mo sɔ, a ní leli ɔmɛ jio, a matsɛmɛ ɔmɛ jio.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Zakaria 14:16

Mahi tsuo nɛ te si kɛ wo Yerusalem ɔ, a mi nihi nɛ a yi ma na wami ɔ, daa jeha a, a maa ya Yerusalem nɛ a ya ja Yawɛ Tabohiatsɛ ɔ kaa matsɛ, nɛ a maa ye Gbasisihimi nyami be ɔ ngɛ lejɛ ɔ.

Yesaya 25:3

Mahi nɛ a he wa saminya a ma je o yi; Yiwutsotsɛmɛ ngɛ a ma amɛ a mi tsuo maa ye mo gbeye.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Kpojemi 4:8

Hɛ kali eywiɛ ɔmɛ a ti nɔ tsuaa nɔ ngɛ pɛli ekpa, nɛ a mi mi je kɛ kpo nɔ je tsuo hɛngmɛ sɔuu. Nɛ nyɔ kɛ pia tsuo ɔ, a hii lae nɛ a kpa we ke, “Klɔuklɔu, klɔuklɔu, klɔuklɔu ji Nyɔmtsɛ Mawu Ope, nɔ nɛ ngɛ sa a, nɛ e ngɛ amlɔ nɛ ɔ, nɛ́ e maa ba a.”

1 Petro 1:16

Ngmami ɔ ke, “Nyɛɛ pee nyɛ he klɔuklɔu, ejakaa i ngɛ klɔuklɔu.”

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Kpojemi 16:7

Kɛkɛ nɛ i nu nɛ gbi ko pɛ kɛ je bɔ sami la tɛ ɔ he de ke, “Nyɔmtsɛ Mawu Ope! O yeɔ dami sane, nɛ o gblaa nɔ tue bɔ nɛ sa!”

Kpojemi 19:2

E yeɔ dami sane; e gblaa nɔ tue bɔ nɛ sa! Yo ajuama kpanaku ɔ nɛ ngɔ yahomi kɛ ngɛ je ɔ puɛe ɔ, e bu lɛ fɔ. Mawu gbla e tue, ejakaa e gbe lɛ Mawu ɔ tsɔli ɔmɛ.”

Yesaya 26:9

Nyɔ mi ɔ, i hla o se blɔ kɛ ye tsui tsuo; ke o kojo je ɔ kɛ e mi bi ɔmɛ ɔ, loko a maa le nɔ́ nɛ ji dami sane yemi.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

La 105:7

Yawɛ ji wa Mawu; e woɔ e mlaa kɛ haa je ɔ tsuo.

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

La 22:3

Se kɛ̃ ɔ, mo ji Mawu klɔuklɔu ɔ nɛ hii si ngɛ matsɛ sɛ ɔ nɔ. Mo, o yi lɛ Israel jeɔ.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.

Yesaya 60:5

Ke e ba mi ja a, o bua maa jɔ; o maa muɔ jɛɛ, nɛ o ma nya saminya; ejakaa je ma amɛ maa ngɔ a juetli, kɛ sika nɛ a na ngɛ wo se ɔ tsuo kɛ ba o ngɔ.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yesaya 24:15

nɛ nihi nɛ ngɛ beleku je ma je e yi. Nihi nɛ ngɛ wo nya je ɔ hu ma je Yawɛ, Israel Mawu ɔ yi.

La 99:5

Nyɛ je Yawɛ, wa Mawu ɔ yi! Nyɛ kpla si ngɛ e matsɛ sɛ ɔ hɛ mi nɛ nyɛ ja lɛ. Mawu klɔuklɔu ji lɛ!

La 97:8

Mawu, Zion ma mi bi ɔmɛ, kɛ Yuda ma amɛ nu o dami sane yemi ɔ he, nɛ a bua jɔ a he, nɛ a nya.

La 22:23

Nyɛ nɛ nyɛ yeɔ Yawɛ gbeye, nyɛ je e yi. Nyɛ Yakob nina tsuo, nyɛɛ wo e hɛ mi nyami. Nyɛ Israel ma, nyɛɛ ye lɛ gbeye.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Kpojemi 16:5

Nɛ i nu nɛ bɔfo ɔ nɛ ngɛ he wami ngɛ nyu nɔ ɔ ngɛ Mawu dee ke, “Mo ji Mawu Klɔuklɔu ɔ nɛ. Mo ji Mawu nɛ ngɛ amlɔ nɛ ɔ, kɛ nɔ nɛ hi si sa a. O ye dami sane ngɛ o kojomi nɛ ɔmɛ a mi!

Kpojemi 19:8

Mawu ha lɛ tade nɛ a kɛ kploba ngmingmiingmi nɛ ngɛ kpɛe klaiklai pee.” Ní kpakpahi nɛ ni klɔuklɔu ɔmɛ peeɔ ɔ, lɔ ɔ ji kploba a nɛ.