Kpojemi 14:4 - BAIBLO ALOO NGMAMI KLƆUKLƆU Ɔ

⁴ Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Somi He Ɔ

⁴ Nimli nɛ ɔmɛ ji nihi nɛ kɛ yihi ble we a he, ejakaa nihewi nɛ ngɔɛ yihi ji mɛ, nɛ a nyɛɛ Tobi ɔ se kɛ yaa he tsuaa he nɛ e yaa a. Nimli nɛ ɔmɛ ji nihi nɛ a kpɔ kɛ je nimli a kpɛti nɛ a plɛ kekleekle yiblii ha Nyɔmtsɛ ɔ kɛ Tobi ɔ.

Kpojemi 14:4 Cross References

Kpojemi 3:4

Se kɛ̃ ɔ, o ngɛ nihi bɔɔ ko ngɛ Sarde, nihi nɛ wui a tade ɔmɛ mu. Mɛɛ a maa wo nɔ́ hiɔ, nɛ a kɛ mi maa nyɛɛ, ejakaa a sa ja.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

La 74:2

Mo kai mo nitsɛ o ma nɛ o he kɛ je blema lokoo ɔ. Mo kai nihi nɛ o je kɛ je nyɔguɛ si himi mi, nɛ o pee mɛ mo nitsɛ o ma a. Mo kai Zion yo ɔ, he nɛ o hi sa a.

1 Korintobi 6:20

Mawu hé nyɛ kɛ jua wawɛ. Lɔ ɔ he ɔ, nyɛɛ ngɔ nyɛ nɔmlɔ tso ɔ kɛ wo Mawu hɛ mi nyami.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Efesobi 1:14

Si nɛ Mawu wo e ni ɔmɛ ɔ, mumi ɔ e kɛ ma nɔ mi kaa wa nine maa su nɔ. Nɛ enɛ ɔ woɔ wɔ he wami kaa Mawu ma ha e we bi maa ye a he kulaa. Nyɛ ha wa je e yi kɛ wo e hɛ mi nyami.

1 Korintobi 16:15

Tse nyɛ le Stefana, kɛ e we mi bi ɔmɛ. Mɛ ji kekleekle nihi nɛ tsake pee Kristo se nyɛɛli ngɛ Akaya, nɛ a ngɔ a he ngɔ ha kaa a ma sɔmɔ ni klɔuklɔu ɔmɛ. Ye nyɛmimɛ, i kpa nyɛ pɛɛ,

Ni Tsumi 20:28

Lɔ ɔ he ɔ, nyɛɛ hyɛ nyɛ nitsɛmɛ nyɛ he nɔ saminya. Asafo ɔ tsuo nɛ Mumi Klɔuklɔu ɔ tu ngɔ wo nyɛ dɛ mi ɔ, nyɛɛ hyɛ nɔ bɔ nɛ sa. Mawu ngɔ e Bi ɔ kɛ sã bɔ, nɛ e kɛ dani asafo ɔ kɛ pee lɛ nitsɛ e nɔ, lɔ ɔ he ɔ, nyɛɛ hyɛ nɔ saminya.

Yohane 13:37

Petro de lɛ ke, “Nyɔmtsɛ, mɛni ma ha nɛ i be nyɛe ma nyɛɛ o se amlɔ nɛ ɔ? Gbenɔ tete po ma gbo ngɛ o he.”

Mateo 25:1

“Jamɛ a be ɔ, hiɔwe matsɛ yemi ɔ maa hi kaa kikɛ nɛ ɔ. Be ko ɔ, yihewi nyɔngma komɛ wo a kanehi, nɛ a ho konɛ a ya hyɛ ayɛflo huno blɔ.

Mateo 8:19

Kɛkɛ nɛ mlaa tsɔɔlɔ ko ba e ngɔ ba de lɛ ke, “Tsɔɔlɔ, he tsuaa he nɛ o yaa a, i kɛ mo maa ya.”

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

1 Timoteo 4:3

Kikɛmɛ a nɔ sisili nɛ ɔmɛ deɔ ke Kristo we bi be he blɔ kaa a sɛɛ gba si himi mi; kɛ jehanɛ hu, niye ní komɛ ngɛ nɛ e sɛ kaa a yeɔ. Se wɔ nɛ wa heɔ Kristo yeɔ saminya a, wa le anɔkuale ɔ kaa Mawu bɔ niye ní tsuo ha wɔ kaa waa ye faa, nɛ waa na lɛ si ngɛ he.

1 Korintobi 7:28

Se ke o ná ngɔ yo ɔ, o pee we yayami. Jã kɛ̃ ke yo nɛ gba we lolo hu gba a, e pee we yayami. Se dengme nɛ ngɛ gba si himi mi he je ɔ, i na nɛ nyɛ je nyɛ hɛ ngɔ fɔ si mohu amlɔ nɛ ɔ.

Amos 6:1

Nyɛ nihi nɛ nyɛ he mi jɔ nyɛ ngɛ Zion, kɛ nyɛ Samaria bi nɛ e peeɔ nyɛ kaa nɔ́ ko he hia we nyɛ, musu tloo nyɛ! Nyɛ Israel ma kpetekpleenyɛ nɛ ɔ mi ganɔhi nɛ ma a mi bi ba biɔ yemi kɛ buami ngɛ nyɛ ngɔ, musu tloo nyɛ!

Lahi 6:8

Imi matsɛ ɔ, i ngɛ yihi nyingmi ekpa, plãhi nyingmi kpaanyɔ, kɛ yihewi nɛ a li a yibɔ!

La 45:14

Bo nɛ a lo ní saminyawiiwi kɛ wo mi nɛ e bu kɛ ba matsɛ ɔ ngɔ. E mawa amɛ nɛ a kpaka lɛ kɛ ba; e he biali, kɛ e huɛmɛ nyɛɛ e se yuu.

Mateo 19:12

Ejakaa ní komɛ a he je nɛ nyumuhi ngɔɛ yo; ni komɛ ngɛ nɛ ja lɛ a fɔ mɛ; ni komɛ lɛɛ adesa lɛ pee mɛ ja; ni komɛ hu ngɔɛ yo ngɛ hiɔwe matsɛ yemi ɔ he. Tsɔɔmi nɛ ɔ, nɔ nɛ ma nyɛ maa pɛtɛ he ɔ, e pee ja.”

Efesobi 5:27

E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Kpojemi 21:22

I nɛ sɔlemi we ko ngɛ ma a mi. Nyɔmtsɛ Mawu Ope ɔ, kɛ To bi ɔ ji e sɔlemi we.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.