Kpojemi 14:3 - BAIBLO ALOO NGMAMI KLƆUKLƆU Ɔ

³ Nimli 144,000 ɔ daa si ngɛ matsɛ sɛ ɔ, kɛ hɛ kali eywiɛ ɔmɛ, kɛ nikɔtɔma amɛ a hɛ mi, nɛ a ngɛ la he ko lae. Nɔ ko nɔ ko nyɛ we nɛ e kase la nɛ ɔ ngɛ je ɔ mi tsuo, ja mɛ nimli 144,000 ɔ nɛ Mawu he a yi wami ɔ.

Somi He Ɔ

³ Nɛ a ngɛ Ta he ko lae ngɛ matsɛ sɛ ɔ hɛ mi kɛ hɛ kali eywiɛ kɛ nikɔtɔma amɛ a hɛ mi; nɛ nɔ ko nyɛ we la a nɛ e kase, ja nimli akpe lafa nyingmi eywiɛ kɛ eywiɛ ɔ nɛ a kpɔ kɛ je zugba a nɔ ɔ kɛkɛ.

Kpojemi 14:3 Cross References

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.

Yesaya 42:10

Nyɛ la la he ha Yawɛ; nyɛ je ɔ tsuo, nyɛ la kɛ je e yi! Nyɛ nihi nɛ nyɛ nyɛɛ wo hɛ mi, nyɛ je e yi! Nibɔ níhi tsuo nɛ ngɛ wo ɔ mi, nyɛ je e yi! Zugbahi ngɛ tsitsaa lokoo, kɛ nihi tsuo nɛ ngɛ a nɔ, nyɛ je e yi!

La 149:1

Nyɛ je Yawɛ yi! Nyɛ la la he kɛ ha Yawɛ. Nyɛ je e yi ngɛ ni klɔuklɔu ɔmɛ a kpe ɔ mi!

La 98:1

Nyɛ la la he ha Yawɛ, ejakaa e pee nyakpɛ níhi. E ngɔ lɛ nitsɛ e he wami kpetekpleenyɛ nɛ ngɛ klɔuklɔu ɔ kɛ ye kunimi ha e he.

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

La 144:9

Mawu, ma la la he ha mo, ma fia kpa saku nɛ hɛɛ kpa nyɔngma kɛ je o yi.

La 96:1

Nyɛ la la he ha Yawɛ! Nyɛ je ɔ tsuo, nyɛ la ha Yawɛ!

La 33:3

Nyɛ la la he kɛ ha lɛ. Nyɛɛ fia kpa saku ɔ saminya, nɛ nyɛ hwɔ lele.

1 Korintobi 2:14

Nɔ nɛ be mumi ɔ na we Mawu mumi ɔ nike níhi. Nɔmlɔ kaa kikɛ nɛ ɔ nui mumi ɔ nike níhi a sisi saminya. Enɛ ɔmɛ peeɔ kuasiahi a sane kɛ haa lɛ; ejakaa ni nɛ ɔmɛ ɔ, mumi mi hɛngmɛ a kɛ naa.

La 25:14

Nihi nɛ yeɔ Yawɛ gbeye ɔ, Yawɛ kɛ mɛ maa nu huɛ; nɛ si nɛ e wo ɔ, e ma je kpo ngɔ tsɔɔ mɛ.

1 Korintobi 1:18

Ejakaa nihi nɛ a hɛ mi miɔ nɛ e ma kpata a, buɔ sɛ gbi ɔ nɛ kɔɔ sɛumi tso ɔ he ɔ kaa kuasiahi a sane ko kɛkɛ. Se wɔ nɛ a ngɛ wa yi wami hee ɔ, wɔɔ lɛɛ e ji Mawu he wami ha wɔ.

Kpojemi 7:4

Nɛ a de mi ke nihi nɛ a ngɔ Mawu nɔ́ nya sɔumi nɔ́ ɔ kɛ kadi a hɛ nya a, a yibɔ ji 144,000. A je Israel wɛtso nyɔngma kɛ enyɔ ɔmɛ a mi;