Kpojemi 13:6 - BAIBLO ALOO NGMAMI KLƆUKLƆU Ɔ

⁶ E bɔni musu bɔmi munyuhi tumi kɛ si Mawu, Mawu biɛ ɔ, Mawu hi he ɔ, kɛ nihi tsuo nɛ ngɛ hiɔwe ɔ.

Somi He Ɔ

⁶ Nɛ e pã e nya mi nɛ e tu musu bɔmi munyui kɛ si Mawu, nɛ etu e biɛ ɔ kɛ he nɛ e hii ɔ kɛ nihi nɛ hii hiɔwe ɔ a he musu bɔmi munyuhi.

Kpojemi 13:6 Cross References

Kpojemi 12:12

Lɔ ɔ he ɔ, nyɛ nihi tsuo nɛ nyɛ ngɛ hiɔwe ɔ, nyɛ bua nɛ jɔ! Se je ɔ, kɛ wo, nyɛɛ lɛɛ musu tloo nyɛ! Abosiami kple si kɛ ba nyɛ ngɔ. E mi mi fu wawɛɛ, ejakaa e le kaa be bɔɔ kɛkɛ nɛ piɛ ha lɛ.”

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.

Mateo 15:19

Ejakaa tsui mi nɛ susumi yayami nɛ ɔmɛ jeɔ: nɔmlɔ gbemi, gba puɛmi, ajuama bɔmi, jumi, lakpa odase yemi, kɛ nɔ biɛ puɛmi.

Mateo 12:34

Nyɛ sinɔhi a nina! Nyɛ nimli yayamihi! Kɛ nyɛ maa pee kɛ tu munyu kpakpa kɛɛ? Ejakaa nɔ́ nɛ hyi tsui mi tɔ ɔ, lɔ ɔ nya deɔ.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 11:12

Jehanɛ ɔ, gbali enyɔ ɔmɛ nu gbi ko nɛ pɛ wawɛɛ kɛ je hiɔwe. Gbi ɔ de mɛ ke, “Nyɛɛ ba hiɛmɛ nɛ ɔ!” Nɛ benɛ a he nyɛli ɔmɛ ngɛ mɛ hyɛe ɔ, a ho hiɔwe ya ngɛ bɔku mi.

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Kpojemi 5:13

Nɛ i nu nɛ nibɔ níhi tsuo ngɛ hiɔwe, zugba a, kɛ zugba a sisi, kɛ wo mi, kɛ níhi tsuo nɛ ngɛ lejɛ ɔ ngɛ dee ke, “Nɔ nɛ hii si ngɛ matsɛ sɛ ɔ nɔ, kɛ To bi ɔ nɛ wa maa ngɔ yi jemi, agboje, kɛ hɛ mi nyami kɛ ha kɛ je neneene kɛ ya neneene.”

Kpojemi 4:4

Matsɛ sɛ nyingmi enyɔ kɛ eywiɛ kpa komɛ bɔle matsɛ sɛ ɔ kɛ kpe, nɛ nikɔtɔmahi nyingmi enyɔ kɛ eywiɛ hii si ngɛ a nɔ. A wo ní hiɔ, nɛ sika tsu jlasi fi a yi.

Kpojemi 4:1

Enɛ ɔ se ɔ, i na nina kpa. I na nɛ a bli sinya ko ngɔ fɔ si ngɛ hiɔwe. Nɛ gbi ɔ nɛ i nu nɛ pɛ kaa titimati, nɛ e kɛ mi ba tu munyu be ko ɔ de ke, “Ba hiɛ ɔ nɛ ma tsɔɔ mo níhi nɛ maa ba mi be kpiti mi.”

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Romabi 3:13

A tuɔ munyu dɔkɔdɔkɔ; se lɛ tsuo gbenɔ lɛ e kɛ baa. A munyu ngɛ kaa sanga duɔ.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

Kolosebi 1:19

Ejakaa Mawu nitsɛ lɛ suɔ kaa lɛ Mawu ɔ su pɛpɛɛpɛ nɛ hi Bi ɔ mi.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Hiob 3:1

Jehanɛ, Hiob wo e nya nɔ nɛ e gbiɛ ligbi ɔ nɛ a fɔ lɛ ɔ.

La 73:9

A tuɔ munyu kɛ siɔ Mawu ngɛ hiɔwe. A sibi nimli adesahi lɛɛ a kɛ mɛ tuɔ munyu basabasa bɔ nɛ a suɔ.

Daniel 7:8

Benɛ i ngɛ koli ɔmɛ hyɛe kɛ mwɔɔ ɔ, tlukaa a, koli wayo ko ba hia kpo ngɛ koli ɔmɛ a kpɛti. Koli wayo nɛ ɔ hia kolihi nɛ ngɛ lejɛ ɔ momo ɔ etɛ kɛ pue si. Nɔmlɔ adesa hɛngmɛhi ngɛ koli wayo nɛ ɔ he, kɛ nya hu nɛ ngɛ munyu tue putɛputɛɛ.

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Kpojemi 7:15

Enɛ ɔ he je nɛ a ngɛ Mawu matsɛ sɛ ɔ hɛ mi, nɛ a jaa lɛ nyɔ kɛ pia ngɛ e sɔlemi we ɔ nɛ. Nɔ nɛ hii si ngɛ matsɛ sɛ ɔ nɔ ɔ maa baa a yi.

Kpojemi 15:5

Enɛ ɔ se ɔ, i na nɛ sɔlemi we ɔ nɛ ngɛ hiɔwe ɔ nya bli, nɛ bo tsu klɔuklɔu ɔ maa si ngɛ mi.