Kpojemi 13:5 - BAIBLO ALOO NGMAMI KLƆUKLƆU Ɔ

⁵ A ngmɛ lohwe ɔ blɔ nɛ e tu munyu nguahi, kɛ musu bɔmi munyuhi putɛputɛɛ kɛ si Mawu, nɛ a ha lɛ blɔ hulɔ nɛ e kɛ je e he wami kpo nyɔhiɔ nyingmi eywiɛ kɛ enyɔ.

Somi He Ɔ

⁵ A ha lohwe ɔ nya nɛ e kɛ tu munyu nguahi kɛ musu bɔmi munyuhi, nɛ a ha lɛ he blɔ nɛ e pee enɛ hlami nyingmi eywiɛ kɛ enyɔ.

Kpojemi 13:5 Cross References

Daniel 7:25

E maa tu munyu ngɔ si Hiɔwe No ɔ, nɛ e maa wa ni klɔuklɔu ɔmɛ yi mi. E ma hla kaa e tsake a Mawu jami mlaa amɛ, kɛ a nyami be ɔmɛ; nɛ a maa ngɔ ni klɔuklɔu ɔmɛ kɛ wo e dɛ jeha etɛ kɛ fa.

Daniel 7:8

Benɛ i ngɛ koli ɔmɛ hyɛe kɛ mwɔɔ ɔ, tlukaa a, koli wayo ko ba hia kpo ngɛ koli ɔmɛ a kpɛti. Koli wayo nɛ ɔ hia kolihi nɛ ngɛ lejɛ ɔ momo ɔ etɛ kɛ pue si. Nɔmlɔ adesa hɛngmɛhi ngɛ koli wayo nɛ ɔ he, kɛ nya hu nɛ ngɛ munyu tue putɛputɛɛ.

Kpojemi 12:6

Yo ɔ tu fo kɛ ho nga nɔ ya ngɛ he ko nɛ Mawu dla ngɔ to lɛ, nɛ a ya hyɛ e nɔ ligbi akpe kɛ e nya lafa enyɔ kɛ nyingmi ekpa.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Daniel 7:11

Benɛ i ngɛ nɔ́ nɛ ɔ hyɛe ɔ, i nu nɛ koli nyafii ɔ ngɛ munyu tue putɛputɛɛ kɛ mwɔɔ. Tlukaa a, a gbe lohwe eywiɛne ɔ; a tsɔtslɔɔ e mi, nɛ a sake lɛ ngɔ fɔ la a mi.

Kpojemi 12:14

Se a ha yo ɔ kɔle nguaa a pɛli enyɔ ɔmɛ, konɛ e kɛ tu fo kɛ ya e hi he ɔ ngɛ nga a nɔ. A maa hyɛ e nɔ ngɛ lejɛ ɔ jeha etɛ kɛ fa, nɛ sinɔ nguaa a nine be e nɔ sue.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Daniel 7:20

Jehanɛ, i bi koli nyɔngma amɛ nɛ ngɛ lohwe ɔ yi mi ɔ a he sane. Koli kaketsɛ ɔ nɛ ba pee se, nɛ ha nɛ koli etɛ ɔmɛ hia pue si ɔ, lɛ hu i bi he sane. Koli nɛ ɔ ngɛ hɛngmɛhi, kɛ nya nɛ e ngɛ munyu tue putɛputɛɛ. E he ngɛ gbeye pe koli ɔmɛ tsuo.

Kpojemi 13:7

A ngmɛ lɛ blɔ nɛ e kɛ ni klɔuklɔu ɔmɛ hwu ta, nɛ e ye a nɔ. A ha lɛ he wami ngɛ wɛtso munomuno, nimli munomuno, kɛ gbi munomuno tsuo a nɔ.

Kpojemi 11:7

Ke a gbe odase yemi ɔ nya a, lohwe awi yelɔ ɔ nɛ jeɔ muɔ voo ɔ mi ɔ kɛ mɛ ma ba hwu ta. E maa ye a nɔ, nɛ e maa gbe mɛ,

La 12:3

Yawɛ, nihi nɛ tuɔ munyu dɔkɔdɔkɔ, kɛ ni nɛmɛ nɛ fĩaa a, mo kpata mɛ tsuo a hɛ mi.

Daniel 8:14

I nu nɛ kaketsɛ ɔ ha lɛ heto ke, “Nɔ́ nɛ ɔ maa ya nɔ ligbi akpe kɛ e nya lafa etɛ sɔuu. Jamɛ a be ɔ mi ɔ, a be mɔtu kɛ gbɔkuɛ bɔhi sãe. Lɔ ɔ se loko a ma bɔni ní tsumi ngɛ Yawɛ we ɔ ekohu kaa sa a.”

Daniel 12:12

A gbaa ni nɛmɛ nɛ maa ye anɔkuale kɛ yaa si ligbi nɛ ji akpe kɛ e nya lafa etɛ kɛ nyingmi etɛ kɛ enuɔ ɔ!

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

2 Tesalonikabi 2:8

Kɛkɛ ɔ, a ma je dikalɔ ɔ kpo paa. Se ke Nyɔmtsɛ Yesu ba a, e kɛ mumi nɛ maa je e nya mi ɔ maa gbe lɛ, nɛ e hɛ mi kpɛmi ɔ ma kpata dikalɔ ɔ hɛ mi pɛsɛpɛsɛ.

Ezekiel 35:13

Pupuupu nɛ o pee, nɛ o tu musu bɔmi munyuhi babauu kɛ si mi ɔ, i nu lɛ tsuo.”