Kpojemi 13:3 - BAIBLO ALOO NGMAMI KLƆUKLƆU Ɔ

³ Sinɔ nguaa a yi kake ngɛ kaa nɔ́ nɛ plaa wawɛɛ; se pa a gbo. Nihi tsuo nɛ ngɛ je ɔ mi ɔ a nya kpɛ a he, nɛ a nyɛɛ lohwe ɔ se.

Somi He Ɔ

³ Nɛ i na e yi ɔmɛ a kpɛti kake nɛ ngɛ kaa nɔ nɛ a plaa lɛ gbenɔ plaami, se a tsa e gbenɔ plaami ɔ, nɛ je mluku ɔ kulaa nya kpɛ a he ngɛ lohwe ɔ he.

Kpojemi 13:3 Cross References

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.

Kpojemi 17:10

Ni enuɔ gbo momo; nɔ kake ngɛ tsɛ yee kɛ mwɔɔ, nɛ nɔ kake na we nɛ e ba lolo. Ke e ba a, e maa ye tsɛ be bɔɔ kɛkɛ.

Ezekiel 30:24

Lɔ ɔ se ɔ, ma wo Babilonia matsɛ ɔ dɛ mi klaate, konɛ e na he wami ekohu. Se Egipt matsɛ ɔ lɛɛ, ma kplɔ e kɔni ɔmɛ ngɛ e he. E ma kɛmɛ ngɛ e he nyɛlɔ ɔ hɛ mi; nyagbe ɔ, e ma gbo.

Kpojemi 17:13

Mɛ tsuo a maa hɛɛ juɛmi kake, nɛ a maa ngɔ a he wami, kɛ a blɔ nya a kɛ ha lohwe ɔ.

Kpojemi 13:12

E ngɔ jamɛ a he wami kpetekpleenyɛ ɔ nɛ lohwe awi yelɔ kake ɔ ngɛ ɔ, nɛ e kɛ tsu ní ja nɔuu ngɛ kekleekle nɔ́ ɔ nane mi. E nyɛ nihi tsuo nɛ ngɛ je ɔ mi ɔ a nɔ nɛ a ja kekleekle lohwe awi yelɔ ɔ nɛ e pa a gbo ɔ.

Ni Tsumi 8:13

Simon nitsɛ hu he ye, nɛ a sɔle lɛ. Lɔ ɔ se ɔ, e kɛ Filipo bɔni nyɛɛmi. Benɛ Simon na okadihi, kɛ he wami ní nguanguahi nɛ a pee ɔ, e nya kpɛ e he.

Luka 2:1

Jamɛ a be ɔ mi ɔ, Kaisare Augusto fa ke a kane nihi tsuo nɛ ngɛ Roma nɔ yemi he ɔ, nɛ a ngma a biɛ.

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Yohane 12:19

Lɔ ɔ he ɔ, Farisi bi ɔmɛ de a he ke, “Tse nyɛ na kaa nyɛ nyɛ we nɔ́ ko nɛ nyɛɛ pee. Hyɛ, je ɔ tsuo nɛ hia kɛ nyɛɛ e se ɔ nɛ.”

Kpojemi 17:11

Lohwe awi yelɔ ɔ nɛ ngɛ sa a, nɛ piɔ lɛɛ e be je mi hu ɔ, e maa pee matsɛ kpaanyɔne; e ye tsɛ momo kaa matsɛmɛ kpaago ɔmɛ a ti nɔ kake, nɛ a ma kpata e hɛ mi pɛsɛpɛsɛ.