Kpojemi 13:16 - BAIBLO ALOO NGMAMI KLƆUKLƆU Ɔ

¹⁶ Jehanɛ se hu, lohwe awi yelɔ enyɔne ɔ nyɛ ni ɔmɛ tsuo a nɔ, nimli wawihi kɛ nimli nguahi, niatsɛmɛ kɛ ohiatsɛmɛ, odehehi kɛ nyɔguɛhi tsuo; nɛ a kadi a hiɔ nine, loo a hɛ nya.

Somi He Ɔ

¹⁶ Nɛ e haa nimli tsuo, nimli tsɔwi kɛ nimli nguahi, niatsɛmɛ kɛ ohiafohi, odehehi kɛ nyɔguɛhi kplɛɔ nɛ a kadi mɛ ngɛ a hiɛ ɔ nine loo a hɛ̃ nya.

Kpojemi 13:16 Cross References

Kpojemi 20:4

Enɛ ɔ se ɔ, i na matsɛ sɛ komɛ nɛ nihi nɛ hii si ngɛ a nɔ ɔ, a ha mɛ he blɔ kaa a kojo. Jehanɛ ɔ, nihi nɛ ye Yesu he odase, kɛ ni nɛmɛ nɛ fiɛ Mawu munyu ɔ, nɛ lɔ ɔmɛ a he nɛ a gbe mɛ ɔ, i na mɛ hu a klaahi. Mɛɛ a ja we lohwe awi yelɔ ɔ, loo e we amaga a; a kɛ lohwe ɔ kadi we a hɛ nya, loo a nine he. A kpale ba wami mi ekohu, nɛ a kɛ Yesu ye matsɛ jeha akpe.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 7:3

“Nyɛ ko kpata zugba a, loo wo ɔ, loo tso ɔmɛ a hɛ mi. Nyɛɛ mlɛ kɛ yaa si wa maa ngɔ nɔ́ nya sɔumi nɔ́ kɛ kadi wa Mawu ɔ tsɔli ɔmɛ a hɛ nya lolo.”

Ezekiel 9:4

E de lɛ ke, “Yaa kpa si kɛ gu Yerusalem ma a mi tsuo. Nihi nɛ ngɛ haoe, nɛ a ngɛ kɔmɔ yee ngɛ ní hiemi níhi nɛ a ngɛ pee ɔ a he ɔ, pee okadi ngɛ a hɛ nya.”

Kpojemi 19:18

Nyɛɛ ba nɛ nyɛ ba ye matsɛmɛ, asafoatsɛmɛ, ta buli, kɛ okpɔngɔhi kɛ a nɔ hili a lo. Nyɛɛ ba nɛ nyɛ ba ye nimli tsuo a lo, nyɔguɛ, kɛ odehe, nimli wawi, kɛ nimli nguahi!”

Mose V, 6:8

Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Mose V, 11:18

“Nyɛ hɛ nɛ hi mlaa nɛ ɔmɛ a nɔ, nɛ nyɛ susu a he saminya. Nyɛɛ fi kɛ wo nyɛ kɔni si, kɛ nyɛ hɛ nya kaa kaimi nɔ́.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Kpojemi 19:5

Enɛ ɔ se ɔ, gbi ko pɛ kɛ je matsɛ sɛ ɔ he, nɛ e de ke, “Nyɛ je wa Mawu ɔ yi, nyɛ e tsɔli tsuo! Nyɛ nihi nɛ nyɛ yeɔ lɛ gbeye, nimli wawi, kɛ nimli nguahi tsuo, nyɛ je e yi!”

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 6:15

Kɛkɛ nɛ je nɛ ɔ mi matsɛmɛ ɔmɛ, nɔ yeli ɔmɛ, asafoatsɛmɛ ɔmɛ, niatsɛmɛ, nihi nɛ hɛɛ biɛ, odehehi, nyɔguɛhi, kɛ nɔ tsuaa nɔ ya laa a he ngɛ tɛ puɔhi a mi, kɛ tɛ sahi a sisi ngɛ yo ɔmɛ a nɔ.

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

La 115:13

E maa gbaa nihi tsuo nɛ yeɔ lɛ Yawɛ ɔ gbeye, ni wawihi kɛ ni nguahi tsuo.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Kpojemi 15:2

Enɛ ɔ se ɔ, i na nɔ́ ko gbajaa ngɛ ye hɛ mi kaa wo; e hɛ mi tsɔ ngleinglei kaa ahuhuɛ, nɛ la ngɛ tsoe ngɛ mi. I na ni nɛmɛ nɛ ye kunimi ɔ hulɔ; a hɛɛ kpa sakuhi nɛ Mawu ha mɛ ɔ ngɛ a dɛ mi, nɛ a daa si ngɛ wo nɛ e hɛ mi tsɔ ngleinglei kaa ahuhuɛ ɔ kasa nya. Ee, a ye lohwe awi yelɔ ɔ, kɛ e we amaga a, kɛ nɔ nɛ yibɔ ko daa si ha e biɛ ɔ a nɔ kunimi.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Efesobi 6:8

Nyɛ kai kaa ke mo nɔ ko o pee kpakpa a, nyɔguɛ ji mo jio, odehe ji mo jio Nyɔmtsɛ ɔ maa to mo nane mi ja nɔuu ekohu.

Galatabi 6:17

Kɛ je mwɔnɛ ɔ kɛ yaa a, nɔ ko kó doo ye nya hu. Yesu nɔ́ nami okadihi ngɛ ye nɔmlɔ tso ɔ he.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

1 Korintobi 12:13

Mawu ngɔ mumi kake ɔ nɔuu ngɔ wo wa tsui mi, nɛ wa ti nɔ tsuaa nɔ ba plɛ pee Kristo he nɔ́ ko, Yuda no jio, ma je no jio, nyɔguɛ jio, nɔ nɛ ye e he jio.

La 49:2

Ni nguahi kɛ ni wawi, niatsɛmɛ kɛ ohiatsɛmɛ, nyɛ tsuo nyɛ ta tue!

Kronika II, 15:13

Nɔ tsuaa nɔ nɛ be Yawɛ, Israel Mawu ɔ jae ɔ, a maa gbe lɛ, jokuɛ jio, nɔkɔtɔma jio, nyumu jio, yo jio.

2 Timoteo 3:8

Kaa bɔ nɛ Yane kɛ Yambre te si kɛ wo Mose ɔ, ja nɔuu nɛ kikɛmɛ a nimli nɛ ɔmɛ hu te si kɛ ngɛ anɔkuale ɔ nya tsie. Kikɛmɛ a nimli nɛ ɔmɛ nɛ a juɛmi mi kuɔ we ɔ, a hemi kɛ yemi hu gbo.

Zakaria 13:6

Ke nɔ ko ma bi lɛ ke, ‘Mɛni pa dokuhi ngɛ o gugue mi nɛ ɔ?’ e ma he nɔ ke, ‘Ye huɛ ko we mi nɛ i ya ná kɛ je.’ ”