Kpojemi 12:8 - BAIBLO ALOO NGMAMI KLƆUKLƆU Ɔ

⁸ Se a ye sinɔ nguaa a, kɛ e bɔfo ɔmɛ a nɔ, nɛ a ngmɛ́ mɛ blɔ nɛ a hi hiɔwe hu.

Somi He Ɔ

⁸ se a ye a nɔ, nɛ a nɛ blɔ ngɛ hiɔwe ha mɛ hu.

Kpojemi 12:8 Cross References

La 37:10

E piɛ bɔɔ nɛ o be yayami peeli nae hu; o ma hla mɛ ngɛ a hi he ɔmɛ, se o be mɛ nae.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

La 129:2

“Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ, se kɛ̃ ɔ, a nyɛ we mi.

La 13:4

Ke pi ja a, ye he nyɛli ɔmɛ ma de ke, “Wa ye e nɔ.” A ma nya kaa a nine su ye nɔ.

Hiob 20:9

Nɔ ko nɔ ko be lɛ nae hu; e sihi he ɔ maa fɔ si gu.

Hiob 8:18

Se ke a hɛ mi kpata kikɛ nɛ ɔ, nɔ ko nɔ ko be lee kaa a hi lejɛ ɔ hyɛ po.

Hiob 7:10

Nɔ ɔ kpale we kɛ bɛ e we mi hu, nɛ nihi nɛ le lɛ ɔ, a hɛ jee e nɔ.

Kpojemi 12:7

Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.