Kpojemi 12:3 - BAIBLO ALOO NGMAMI KLƆUKLƆU Ɔ

³ Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Somi He Ɔ

³ Nɛ a na okadi kpa ngɛ hiɔwe, nɛ oʼɛ, sinɔ ngua tsutsuutsu kpetekpleenyɛ nɛ ngɛ yi kpaago kɛ koli nyɔngma, nɛ matsɛ pɛɛ kpaago bu e yi ɔmɛ a nɔ.

Kpojemi 12:3 Cross References

Kpojemi 17:12

“Koli nyɔngma amɛ nɛ o na a daa si ha matsɛmɛ nyɔngma nɛ mɛɛ lɛɛ a yi tsɛ lolo. Se kɛ̃ ɔ, a ma ha mɛ blɔ nya nɛ a kɛ lohwe awi yelɔ ɔ maa ye tsɛ ngmlɛfia kake.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 17:16

Koli nyɔngma amɛ nɛ o na a, kɛ lohwe awi yelɔ ɔ maa te si ngɔ wo yo ajuama a; a maa ngɔ e níhi tsuo nɛ e ngɛ ɔ, nɛ e maa hɛɛ e he gu. A maa ye e he lo ɔ, nɛ a kɛ la ma kpata e hɛ mi pɛsɛpɛsɛ.

Kpojemi 17:7

Bɔfo ɔ bi mi ke “Mɛni he je nɛ o nya kpɛ o he ɔ?” E ya nɔ nɛ e de mi ke, “Yo ɔ nɛ hii si ngɛ lohwe awi yelɔ ɔ nɛ ngɛ yi kpaago kɛ koli nyɔngma a nɔ ɔ, laami sane ɔ nɛ kɔɔ e he ɔ, ma je tsɔɔ mo.

Daniel 7:24

Koli nyɔngma amɛ ji matsɛmɛ nyɔngma komɛ nɛ ma ba te si ngɛ jamɛ a matsɛ yemi ɔ mi. A se ɔ, matsɛ kpa ko maa te si; e maa slo lɛ ngɛ kekleekle ni ɔmɛ a he, nɛ e ma kpata matsɛmɛ etɛ a hɛ mi.

Daniel 7:20

Jehanɛ, i bi koli nyɔngma amɛ nɛ ngɛ lohwe ɔ yi mi ɔ a he sane. Koli kaketsɛ ɔ nɛ ba pee se, nɛ ha nɛ koli etɛ ɔmɛ hia pue si ɔ, lɛ hu i bi he sane. Koli nɛ ɔ ngɛ hɛngmɛhi, kɛ nya nɛ e ngɛ munyu tue putɛputɛɛ. E he ngɛ gbeye pe koli ɔmɛ tsuo.

Kpojemi 20:2

E nu sinɔ nguaa a, jamɛ a blema sinɔ ɔ nɛ a tsɛ lɛ Abosiami, loo Satan ɔ, nɛ e kɛ kɔsɔkɔsɔ ɔ fi lɛ, konɛ e hi si jeha akpe.

Kpojemi 12:4

Sinɔ ɔ ngɔ e hlemi kɛ gbla dodoehi nɛ ngɛ hiɔwe ɔ a mi dlami etɛ mi kake, nɛ e hɛ mɛ ngɔ pue zugba. Kɛkɛ nɛ e ya da yo nɛ miɔ nɛ e ma fɔ ɔ hɛ mi, konɛ ke e fɔ pɛ nɛ lɛ sinɔ ɔ nɛ ye bi ɔ.

Kpojemi 12:1

Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Kpojemi 16:13

Kɛkɛ nɛ i na mumi yayami etɛ nɛ a ngɛ kaa ovɔnɔhi. A je sinɔ nguaa a, kɛ lohwe awi yelɔ ɔ, kɛ lakpa gbalɔ ɔ a nya mi kɛ ma.

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yesaya 27:1

Jamɛ a ligbi ɔ, Yawɛ kɛ e klaate kpetekpleenyɛ ɔ maa gbe wo mi sinɔ agbo langalanga a.

Kpojemi 19:12

E hɛngmɛ ngɛ kaa la lilɛ, nɛ jlasi babauu fi e yi. A ngma biɛ ko ngɛ e nɔmlɔ tso ɔ he ko; se nɔ ko nɔ ko li nɔ́ nɛ ji, ja lɛ pɛ.

Kpojemi 12:17

Sinɔ nguaa a mi mi fu yo ɔ, nɛ e pue nɔ kɛ ho, konɛ e kɛ yo ɔ nina nɛ piɛ ɔ, nihi tsuo nɛ yeɔ Mawu mlaa amɛ a nɔ, kɛ ni nɛmɛ hu nɛ fiɛɔ sɛ gbi ɔ nɛ kɔɔ Yesu he ɔ ya hwu ta.

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Daniel 2:42

Bɔ nɛ a kɛ dade pee nane nguɛ ɔmɛ fa, nɛ a kɛ zu pee fa hu ɔ, tsɔɔ kaa matsɛ yemi nɛ ɔ he fa mi maa wa kaa dade, nɛ he fa hu ma gbɔjɔ kaa zu.

Kpojemi 12:7

Jehanɛ ɔ, ta ba te si ngɛ hiɔwe. Bɔfo nguaa a nɛ a tsɛɛ lɛ Mikael ɔ, kɛ e bɔfo ɔmɛ ya tua sinɔ nguaa a, nɛ sinɔ nguaa a, kɛ lɛ hu e bɔfo ɔmɛ kɛ mɛ hwu.

Kpojemi 12:13

Benɛ sinɔ nguaa a na kaa a sake lɛ ba fɔ zugba a nɔ ɔ, e nyɛɛ yo ɔ nɛ fɔ binyumu ɔ se kɛ fo.

Kpojemi 13:1

Jehanɛ ɔ, i na lohwe awi yelɔ ko nɛ je wo ɔ mi kɛ ma. E ngɛ koli nyɔngma, kɛ yi kpaago. Jlasi ngɛ koli tsuaa koli he, nɛ a ngma biɛ nɛ ji musu bɔmi munyuhi kɛ si Mawu ngɛ yi tsuaa yi he.

Kpojemi 13:2

Lohwe awi yelɔ ɔ nɛ i na a ngɛ kaa ogbetee; e nane ngɛ kaa osisiblisi nane, nɛ e nya ngɛ kaa jata nya. Sinɔ nguaa a ha lohwe awi yelɔ ɔ e he wami kpetekpleenyɛ, kɛ he blɔ nɛ e ngɛ kaa nɔ nɛ yeɔ matsɛ ɔ eko.

Kpojemi 13:4

Ni ɔmɛ tsuo ja sinɔ nguaa a, ejakaa e ngɔ e blɔ nya a kɛ ha lohwe awi yelɔ ɔ. A ja lohwe awi yelɔ ɔ hulɔ, nɛ a de ke, “Mɛnɔ kɛ lohwe nɛ ɔ sɔ? Mɛnɔ ma nyɛ nɛ e kɛ lɛ maa hwu ta?”

Kpojemi 15:1

Jehanɛ ɔ, i na okadi kpa ngɛ hiɔwe; okadi nɛ ɔ kle nɛ e ngɛ nyakpɛ. I na bɔfohi kpaago nɛ a ní tsumi ji kaa a ngɔ nyagbe haomi kpaago ɔmɛ kɛ ba je ɔ mi. Haomi kpaago nɛ ɔmɛ daa si ha nyagbe tue gblami nɛ Mawu maa ngɔ kɛ ba.

Daniel 2:41

O na hu kaa amaga a nanewɛɛhi, kɛ nane nguɛ ɔmɛ ɔ, a kɛ zu pee fa, nɛ fa hu a kɛ dade pee. Nɔ́ nɛ ɔ tsɔɔ kaa matsɛ yemi nɛ ɔ mi ma gba. Se kɛ̃ ɔ, e he fa he maa wa kaa dade, ejakaa dade kɛ zu lɛ futu ɔ nɛ.