Kpojemi 12:1 - BAIBLO ALOO NGMAMI KLƆUKLƆU Ɔ

¹ Enɛ ɔ se ɔ, nyakpɛ okadi nguaa ko je kpo ngɛ hiɔwe. I na yo ko; tade nɛ e wo ji pu. Nɛ nyɔhiɔ ngɛ e nane si, nɛ jlasi kɛ e mi dodoe nyɔngma kɛ enyɔ fi e yi.

Somi He Ɔ

¹ Kɛkɛ nɛ a na okadi ngua ko ngɛ hiɔwe: yo ko nɛ e kɛ pu ha e he, nɛ nyɔhiɔ ngɛ e nane si, nɛ dodoe nyɔngma kɛ enyɔ jlasi fi e yi;

Kpojemi 12:1 Cross References

Luka 21:25

“Nyakpɛ níhi maa ba pu, nyɔhiɔ, kɛ dodoehi a hɛ mi. Nihi babauu ngɛ je ɔ mi a kɔni mi ma jɔ̃; ke wo gli nɛ oslɔke pɛ kɛkɛ gbeye nu mɛ.

Efesobi 5:32

Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.

Yesaya 62:3

O maa pee kaa jlasi saminyayoo ngɛ Yawɛ, o Mawu ɔ dɛ mi.

Marko 13:25

Dodoehi ma tsɔ kɛ je hiɔwe ba nɔ si, nɛ a ma tsitsɛɛ he wamihi nɛ ngɛ hiɔwe ɔ kɛ je a blɔ hehi.

Lahi 6:10

Mɛnɔ nɛ ma hleii kikɛ nɛ ɔ kaa mɔtu pu nɛ gbaa? E ngɛ fɛu kaa nyɔhiɔ, nɛ e ngɛ kpɛe kaa pu. E nu ye tsui kaa nɔ́ nɛ aflaangaa ngɛ tabo yi.

Luka 21:11

Zugba ma mimiɛ; hwɔ, kɛ gbenɔ hiɔ maa ba ngɛ he tsuaa he; nɛ gbeye níhi, kɛ nyakpɛ ní nguahi maa ba hiɔwe.

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

Kpojemi 15:1

Jehanɛ ɔ, i na okadi kpa ngɛ hiɔwe; okadi nɛ ɔ kle nɛ e ngɛ nyakpɛ. I na bɔfohi kpaago nɛ a ní tsumi ji kaa a ngɔ nyagbe haomi kpaago ɔmɛ kɛ ba je ɔ mi. Haomi kpaago nɛ ɔmɛ daa si ha nyagbe tue gblami nɛ Mawu maa ngɔ kɛ ba.

Kpojemi 12:3

Nyakpɛ okadi nguaa kpa ko hu je kpo ngɛ hiɔwe. I na wo mi sinɔ nguaa ko. E ngɛ yi kpaago, kɛ koli nyɔngma, nɛ jlasi fi yi tsuaa yi.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Ni Tsumi 2:19

Ma pee nyakpɛ níhi ngɛ hiɔwe, kɛ okadihi ngɛ zugba a nɔ. Muɔ, kɛ la, kɛ la su ku maa ba.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Zakaria 9:16

Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Galatabi 6:14

Se imi lɛɛ i be fĩae ngɔ fɔ nɔ́ kpa ko nɔ́ kpa ko nɔ kaa ja wa Nyɔmtsɛ Yesu Kristo sɛumi tso ɔ pɛ. Gbenɔ nɛ Kristo gbo ngɛ sɛumi tso ɔ nɔ ɔ ngɛ kaa nɔ́ nɛ pe a sɛu je ɔ kɛ ha mi, nɛ a sɛu imi hu kɛ ha je ɔ.

Mateo 12:38

Kɛkɛ nɛ mlaa tsɔɔli ɔmɛ, kɛ Farisi bi ɔmɛ a ti ni komɛ de ke, “Tsɔɔlɔ, wa ngɛ o nine nya okadi ko hlae nɛ waa hyɛ.”

Kpojemi 21:14

Gbogbo nɛ bɔle ma a kɛ kpe ɔ, a fia ngɔ fɔ sisi tomi tɛ nyɔngma kɛ enyɔ nɔ, nɛ a ngma To bi ɔ bɔfo nyɔngma kɛ enyɔ ɔmɛ a biɛ ngɛ a nɔ.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

2 Korintobi 11:2

I suɔ nyɛ saminya kaa bɔ nɛ Mawu nitsɛ suɔ nyɛ ɔ. I suɔ kaa nyɛɛ ye Kristo anɔkuale kaa bɔ nɛ yomiyo yeɔ nyumu nɛ ba bi e si ɔ anɔkuale, nɛ e hyɛɛ e he nɔ saminya kɛ ya siɔ yo kpeemi ligbi ɔ.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Galatabi 4:26

Se Yerusalem kaketsɛ ɔ nɛ lɛɛ a kɛ lɛ to hiɔwe he ɔ, lɛɛ e ji odehe. Lɛ ji wɔ tsuo wa nyɛ.